سەردێر

پەروەردە بۆ تاقیكردنەوەی 12ی ئامادەیی ڕاگەیەنراوێك بڵاودەكاتەوە

خەڵك-
سبەینێ‌ لە سەرتاسەری هەرێمی كوردستان تاقیكردنەوەی خوولی دووەمی پۆلی 12ی ئامادەیی بە هەموو بەشەكانییەوە دەستپێدەكات و هەفتەیەك دەخایەنێت، بەڕێوەبەرایەتییەكی پەروەردەش داوا لە خوێندكاران دەكات، بە ئارامی و دوور لە ترس و دڵەڕاوكێ وەڵامی پرسیارەكان بدەنەوە.

بەڕێوەبەرێتی پەروەردەی شارباژێڕ لە ڕاگەیەنراوێكدا، كە وێنەی دراوە بە (خەڵك) ئاماژەی بەوەكردووە، سبەینێ شەممە تاقیكردنەوەی خوولی دووەمی قۆناغی ١٢ دەست پێدەكات.

دەشڵێت: “خوێندكاری ئازیز، سبەینێ كاتژمێر ٧:٣٠ لەناو هۆڵی تاقیكردنەوەكەت ئامادە بە، بە ئارامی و دوور لە ترس و دڵەڕاوكێ وەڵامی پرسیارەكانت بدەرەوە، كۆشش و هەوڵەكانی خۆت بە كەم مەبینە و ئامادەكارییەكانت بۆ تاقیكردنەوە بە ترس و دڵەڕاوكێ لەناو مەبە”.

ڕاشیگەیاندووە، ئێمەش وەك پەروەردەكەت هەموو ئامادەكارییەكمان كردووە، بۆ ئەوەی تۆ بە ئارامی تاقیكردنەوەكانت ئەنجام بدەیت، هیوامان سەركەوتن و بەدەستهێنانی نمرەی دڵخوازی خۆتە.

لای خۆشیەوە، وەزارەتی پەروەردەی حكومەتی هەرێم لە ڕاگەیەنراوێكدا ئاماژەی بەوەكردووە، رێنمایی وەزارەتی پەروەردە بۆ بەڕێوەچوونی تاقیکردنەوە گشتییەکانی قۆناغی 12ی ئامادەیی خولی دووەم، هەمان رێنمایی و رێکارەکانی خولی یەکەم دەبێت.

May be an image of textNo photo description available.No photo description available.No photo description available.No photo description available.