سەردێر

ئینتەرنێت لە هەرێم ڕادەگیرێت

خەڵك-
لە سبەینێوە و بۆ ماوەی یەك هەفتە ڕۆژانە هێڵەكانی ئینتەرنێت بۆ ماوەی 4 كاتژمێر لە تەواوی هەرێمی كوردستان بەهۆی ئەنجامدانی خوولی دووەمی تاقیكردنەوەكانی 12ی ئامادەییەوە ڕادەگیرێت.

بەپێیی خشتەی وەزارەتی پەروەردەی هەرێم، لە 20ی ئاب-ەوە تاقیكردنەوەی خوولی دووەمی ئەزموونە گشتییەكانی پۆلی 12ی ئامادەیی دەستپێدەكات لە سەرجەم بەشەكانی (زانستی، وێژەیی، پیشەیی، خوێندنی ئیسلامی) و تاوەكو 28ی مانگ بەردەوام دەبێت.

بەپێی بڕیاری حكومەتی هەرێم، لەكاتی بەرشێوەچوونی تاقیكردنەوەكانی پۆلی 12ی ئامادەیی هێڵەكانی ئینتەرنێت بۆ ڕێگری لە گزی و دزەپێكردنی تاقیكردنەوەكان ڕادەگیرێت.

سبەینێ شەممە ۲۰ ـ ٨ ــ ۲۰۲۲، لەكاتژمێر 7:30ی سەرلەبەیانییەوە تا كاتژمێر 10:30، هێڵی ئەنتەرنێت لە هەرێمی كوردستان ڕادەگیرێت.