سەردێر

بەشەخۆراك نرخی بازاڕ هەرزان دەكات

خەڵك-
بەهۆی بەردەوامی دابەشكردنی بەشەخ‌وراكی مانگانەی هاووڵاتیان و هەمەجۆر كردنی ماددەكانەوە، نرخی بەشێكی زۆری خۆراكە سەرەكییە پێویستییەكانی هاووڵاتیان هەرزان بووە لە بازاڕەكاندا.

وەزارەتی بازرگانی عێراق لە بەیاننامەیەكدا ئاماژەی بەوەكردووە، عێراق یەکێکە لەو وڵاتانەی کە کەمترین کاریگەری قەیرانی خۆراکی جیهانی لەسەرە ئەوەش بەهۆی دابەشكردنی بەشەخۆراكی مانگانەی هاووڵاتیانەوە، كە چەند ماددەیەكی جۆراو جۆری لەخۆ گرتووە.

ڕاشیگەیاندووە، دابەشکردنی بەشەخۆراکی مانگانە بەردەوام دەبێت و ئەوەش وادەكات، نرخەکان جێگیر بکەن و رێگری بکەن لە بەرزبوونەوەی لە بازاڕەکاندا.

ئاماژەی بەوەشكردووە، لە ئێستادا ئامادەكاری تەواو كراوە بۆ دابەشكردنی شەشەمین سەبەتەی خۆراكی، كە جگە لە بەشەئارد، 6 ماددەی خۆراكی دابەش دەكرێت.