سەردێر

ماسك كڕینی مانچستەر یونایتد رەتدەكاتەوە

خەڵك-

سەرۆكی جێبەجێكاری كۆمپانیای تسێلا و ملیاردێر ئیلون ماسك ئەمڕۆ چوار شەممە رایگەیاند پلانی كڕینی یانەی مانچستەر یونایتدی نییە.

ماسك لە توێتەر لە وەڵامی پرسیارێكی بەكارهێنەرێكی سۆشیال مێدیادا لەبارەی جدیەتی كڕینی یانەی مانستەر یونایتد نووسی “نەخێر، ئەم دەنگۆیانە دەمێكە بۆ ماوەیەكی درێژ هەیە لە تویتەر، من هیچ یانەیەكی وەرزشی ناكڕم”.

بەهای بازاڕی یانە ئینگلیزییەكە 2.08 ملیار جونەی ئیستەرلینییە.

لە ساڵانی رابردوودا جەماوەری یانەكە نیگەران بوون لە بنەماڵەی گلیزەر بەهۆی داكشانی ئاستی یانەكەوە، كە یانەكەیان لە 2005 بە 955.51 ملیۆن دۆلار كڕیوە.