سەردێر

سەلمان رووشدی لە مردن رزگاری بوو

توانای قسەكردنی بۆ گەڕایەوە و ئامێری هەناسەدانی دەستكردی لەسەر لابرا

خەڵك-

سەلمان رووشدی نووسەری بەریتانی لە مردن رزگاری بوو و ئامێری هەناسەدانی دەستكردی لەسەر لابرا و توانای قسەكردنی بۆ گەڕایەوە.

تا ئێستا رووشدی لەنەخۆشخانەیە دوای ئەوەی بە چەقۆ لە ئەمریكا هێرشیكرایەسەر و بە سەختی برینداربوو.

هاوڕێی سەلمان رووشدی ئاتیش تیسیر رایگەیاند رەوشی رووشدی بەرەو باشی چووە، ئامێری هەناسەدانی دەستكردی لەسەر لاچووە و توانای قسەكردنی هەیە.

ئاژانسی هەواڵدەری ئەسیۆشێتد پرێس زانیارییەكانی هاوڕێكەی سەلمان رووشدی پشتڕاست كردەوە، بەڵام زانیاری دیكەی ئاشكرانەكرد.

پێشتر بڵاوكرایەوە كە رووشدی توانای قسەكردنی نەماوە و چاوێكیشی لەدەستداوە.

پۆلیس ئاشكرایكرد هێرشبەرەكەی سەر رووشدی گەنجێكی تەمەن 24 ساڵە بە ناوی هادی مەتەر لە نیوجێرزی، هۆكارەكانی پشت هێرشەكە ئاشكرانەبووە تا ئێستا.

سەلمان رووشدی بەهۆی بڵاوكردنەوەی كتێبی “ئایەتە شەیتانییەكان”نەوە لە ساڵی 1988 مسوڵمانانی تووڕەكردووە و روحوڵا خومەینی دامەرزێنەری كۆماری ئیسلامی ئێران فەتوای كوشتنی رووشدی دەركردووە.