سەردێر

“ژمارەیەك پەیامنێر و میدیاكار لەخۆپیشاندانەكەی ئەمڕۆدا دەستگیركراون”

خەڵك –
لقی سلێمانی سەندیكای رۆژنامەنووسانی كوردستان ڕایدەگەیەنێت، ژمارەیەك پەیامنێر و میدیاكاری سنووری لقەكەیان لەخۆپیشاندانەكەی ئەمڕۆ تا ئێستا دەستگیركراون، سەلامەتی ژیان و ھەڵسوكەوتی مۆدێرنانەو مرۆڤانە لەگەڵ گیراوەكان داواكاریمانە.

لقی سلێمانی سەندیكای رۆژنامەنووسانی كوردستان لە ڕاگەیەنراوێكدا بڵاویكردەوە، لەسەرو بەندی داواكاری خۆپیشاندان و ھاتنەسەرشەقامدا، بێگومان میدیاكاران لەم حاڵەتەدا دەستگیر دەكرێن چونكە بەپێی یاسای خۆپیشاندانی ساڵی ٢٠١٠ رێكخستن و ئەنجامدانی گردبوونەوەو خۆپیشاندان رێگەپێدانی دەزگا خۆجێیەكانی پێویستە.

ئاماژە بۆئەوەشكراوە، كە ئەمڕۆ شەممە ژمارەیەك پەیامنێر و میدیاكاری سنووری لقەكەمان تا ئێستا دەستگیركراون، لەسۆنگەی بڕوا بوونمان بەمافی هاووڵاتی بوون و ئازادی رووماڵكردن داوای ئازادكردنی میدیاكاران دەكەین و هاوكات رووی دەممان دەكەینە تیمەكانی راگەیاندن كە بەپێی یاساو رێساكانی هەرێمەككەمان ھەڵسوكەوت لەگەڵ حاڵەتی لەم جۆرەدا بكەن.

لقی سلێمانی داوای ھێوربوونەوەو سەلامەتی ھەموو لایەك دەكات
لەسەرو بەندی داواكاری خۆپیشاندان و ھاتنەسەرشەقامدا، بێگومان میدیاكاران لەم حاڵەتەدا دەستگیر دەكرێن چونكە بەپێی یاسای خۆپیشاندانی ساڵی ٢٠١٠ رێكخستن و ئەنجامدانی گردبوونەوەو خۆپیشاندان رێگەپێدانی دەزگا خۆجێیەكانی پێویستە..
..
سەلامەتی ژیان و ھەڵسوكەوتی مۆدێرنانەو مرۆڤانە لەگەڵ گیراوەكان داواكاریمانە تا ئەو ساتەی ئازاد دەكرێن.
ھێمنی و ئازادی شارەكەمان لە ھەموو كارەكانی تر لەپێشترن
سلێمانی زۆر ئازیزە با ھەموومان بیپارێزین
لقی سلێمانی سەندیكای رۆژنامەنووسانی كوردستان
٦/٨/٢٠٢٢