سەردێر

چین هێرشی سەربازی بۆ سەر تایوان دەستپێدەكات

خەڵك-
سوپای تایوان ڕایدەگەیەنێت، كە چەند فڕۆكە و كەشتییەكی چینییان دیاری كردووە، كە هاتوونەتە ناو ئاوەكانی تایوان بە مەبەستی هێرشی سەربازی و دەشڵێت: “ئامادەكاری دەكات بۆ هێرشكردن”.

وەزارەتی بەرگری تایوان لە بەیاننامەیەكدا ئاماژەی بەوەكردووە، هێزەكانی تایبیە ژمارەیەك فڕۆكە و كەشتی شیوعییان دیاری كردووە، كە چالاكییان لەناو گەرووی تایوان ئەنجام داوە و هەندێكیشیان هێڵی ناوەندیان بڕیوە.

ڕاشیگەیاندووە، سوپای چین بەنیازی ئەنجامدانی هێرشن بۆ سەر دوورگەی تایوان.

پێشتر ئەمریكا هۆشداری بە حكومەتی پەكین دا بۆ ڕاگرتنی مانۆڕە سەربازییەكانی، كە دوای سەردانەكەی نانسی پێلۆسی، سەرۆكی ئەنجوومەنی پیرانی ئەمریكا بۆ تایوان دەستی بە ئەنجامدانی كردووە.

جۆن كێربی، وتەبێژی ئەنجوومەنی ئاسایشی نەتەوەیی ئەمریكا ڕایگەیاندووە، چینییەكان دەتوانن زۆر كار بكەن بۆ كەمكردنەوەی دڵەڕاوكێ‌ و نیگەرانییەكان ئەویش لەڕێگەی ڕاگرتنی مانۆڕە سەربازییەكان.