سەردێر

ڕۆژێك پشوو لە هەرێم ڕاگەیەنرا

خەڵك-

حكومەتی هەرێمی كوردستان بڕیاریدا بە بۆنەی ڕۆژی 10ی موحەڕەمەوە (عاشورا) ڕۆژی دوو شەممە بكاتە پشووی فەرمی.

بەپێی خشتەی پشووە فەرمییەكانی حكومەتی ھەرێمی كوردستان، ساڵانە بەبۆنەی ڕۆژی 10ی موحەرەمەوە (عاشورا) ڕۆژێك دەبێتە پشووی فەرمی، كە ئەمساڵ دەكاتە ڕۆژی دوو شەممە 8ی ئابی 2022.

بەپێی بڕیارەكە، ئەو ڕۆژە لە سەرجەم دامودەزگاكانی حكومەتی هەرێم پشووی فەرمی دەبێت .

ساڵانە لە هەرێمی كوردستان، ڕۆژانی 1 و 10ی موحەڕەمی كۆچی بەبۆنەی سەری ساڵی كۆچی و عاشوراوە لە سەرجەم دامودەزگاكان پشووی فەرمییە.