سەردێر

فڕۆكە جەنگییەكانی توركیا برادۆستیان بۆردوومانكرد

خەڵك-
فڕۆكە جەنگییەكانی توركیا سنووری برادۆستیان لە دەڤەری سەربەخۆی سۆران لە سنووری پارێزگەی هەولێری باشووری كوردستان بۆردوومانكرد.

بەپێی زانیارییە تایبەتەكان ئێوارەی ئەمڕۆ فڕۆكە جەنگییەكانی توركیا كوێستانەكانی سنووری ناوچەی برادۆستیان لە دەڤەری سەربەخۆی سۆران بۆردوومانكردووە، بەڵام زانیاری لەبارەی زیانی ماڵی و مرۆیی لەبەردەست نییە.

لەلایەكی دیكەوە نیوەڕۆی ئەمڕۆ فڕۆكە جەنگییەكانی توركیا جارێكی دیكە دەڤەری بادینانیان لە پارێزگای دهۆك لەباشووری كوردستان بۆردوومانكرد.

بەپێی زانیارییەكان نیوەڕۆی ئەمڕۆ فڕۆكە جەنگییەكانی توركیا چەند جارێك گوندی سگێرییان لە بناری شاخی مەتینا لە سنووری نهێڵی سەر بە قەزای ئامێدی لە پارێزگای دهۆك بۆردوومان كردووە.

لەبارەی زیانە ماڵی و مرۆییەكانەوە هیچ زانیارییەك بڵاونەبووەتەوە.

ئەم دوو ناوچەیە بەردەوام لە ژێر بۆردوومانی فڕۆكە جەنگییەكانی توركیادایە بەهۆی نزیكی لە ناوچەكانی هەرێمەكانی پاراستنی مەدیای بن دەستی پەكەكەوە.