سەردێر

بانكی ڕافیدەین: هەركەسێك قەرزەكان نەداتەوە ڕووبەڕووی یاسا دەكرێتەوە

خەڵك-
بانكی رافدەین داوا لە هاوڵاتیان دەكات كە قیستی درەنگانی مانگانەی قەرزەكانیان بدەن و راشیگەیاند، “هەركەسێك مانگانە پابەندی دانەوەی قەرزەكان نەبێت، رێكاری توندی یاسایی بەرامبەر دەگرنەبەر”. ئەوەش دوای ئەوەی كە بانكەكە مایەپووچبوونی خۆی ڕاگەیاند.

ئەمڕۆ هەینی، نوسینگەی راگەیاندنی بانكی رافدەین لەڕاگەیانراوێكدا بڵاویكردەوە، هەندێك هاوڵاتی هەن كە ئامادە نین پارەی پارەی مانگانەی قەرزەكانیان بگێڕنەوە، بەتایبەت ئەو كەسانەی كە قەرزی خانوبەرەیان لە بانك وەرگرتوە، لەم چوارچێوەیەشدا بانكەكە رێكاری یاسایی بەپێی یاسای بەدەستهێنانی پارەی دەوڵەت دەگرێتەبەر، جگە لە سەپاندنی غەرامەی دواكەوتنی قەرزەكان بەسەر ئەو كەسانەی سودمەندبون”.

لە ڕاگەیانراوەكەدا ئەوەش هاتووە، “ڕەتكردنەوەی گێڕانەوەی پارە زیان بە هاووڵاتیان دەگەیەنێت، قەرزەكانیان لەسەر كەڵەكە دەكات، و دەیانخاتە بەردەم لێكەوتەی یاسایی توند”.

بانكەكە داوا هاووڵاتیان دەكات دانەوەی قەرزەكانی سەریان خێراتر بكەن بەمەبەستی پاراستنی داهاتی گشتی، بەمەش دەرفەت دەدرێت بە كەسانی دیكە سودمەند بن لەو خزمەتگوزارییانەی بانكەكە پێشكەشی دەكات لە داهاتی قیست و پارە دواكەوتوەكان”.

ئەوە لەكاتێكدایە دوێنێ‌ پێنج شەممە بانكی ڕافیدەین مایەچووچبوونی خۆی ڕاگەیاند.

ئەو كەسانەی لە بانكی ڕافیدەین بەشدارن، دەتوانن قەرزی درێژخایەن لەسەر موچەكانیان وەربگرن و مانگانە بڕێك لەموچەكانیان لەلایەن ئەو بانكەوە وەردەگیرێتەوە.