سەردێر

“پڕۆژەیەك بۆچارەسەری سەگی بێلانە خراوەتەڕوو و حكومەت بێ وەڵامە”

خەڵك –
پارتی سەوزی كوردستان ڕایدەگەیەنێت، 300 هەزار سەگی بێلانە لە هەرێمی كوردستان بوونی هەیە و لەكاتی كردنەوەی قوتابخانەكان كارەساتی زۆر مەترسیداری گەورەی مرۆیی لێ دەكەوێتەوە.

پارتی سەوزی كوردستان كە پارتێكە كار بۆ پاراستنی ژینگە دەكەن لە ڕاگەیەنراوێكدا بڵاویكردەوە، 300 هەزار سەگی بێلانە لە هەرێمی كوردستان هەیەو ئەگەر چارەسەر نەكرێت كارەساتی زۆر مەترسیداری گەورەی مرۆیی لێ دەكەوێتەوە بە تایبەتی لە كاتی كردنەوەی قوتابخانەكاندا.

ڕاشیگەیاندووە، بۆ چارەسەركردنی سەگە بێلانەكان پڕۆژەیەكیان ئاڕاستەی حوكمەتی هەرێم كردووە، بەڵام تا ئێستا ئەو پڕۆژەیە تەبەنی لەلایەن حوكمەتەوە نەكراوە، بۆیە لە ماوەیەكی نزیكدا وردەكاری پڕۆژەكە و مەترسییەكانی سەگە بێلانەكان لەسەر ژیانی هاووڵاتییانی هەرێمی كوردستان بۆ ڕای گشتی بڵاودەكەینەوە.

ئەمە لەكاتێكدایە ، ساڵی 1975 هەزاران سەگ هێرشیان كردە سەر شاری ( هایشینگ )ی چین و بە وەڕینیان ترسێكی زۆریان لەنێو شارەكە بڵاوكردەوە، بەناچاری دەسەڵاتدارانی شارەكە بڕیاری چۆڵكردنی شارەكەیان دەركرد.