حەوت هاووڵاتی بە تۆمەتی ڕاوكردنی ماسی دەستگیر كران - تۆڕی میدیایی خەڵک

سەردێر

خەڵك- شانەی میدیای ئەمنی، دەستگیركردنی بەناو بەرپرسی پشتیوانی لۆجستی و زەكاتی چەكدارانی ڕێكخراوی داعش لە كەركوك، ڕادەگەیەنێت. بەپێی بەیاننامەیەك كە ئەمڕۆ چوار شەممە لەلایەن شانەی میدیای ئەمنییەوە بڵاوكرایەوە"لەڕێی هەوڵێكی هەواڵگری وردەوە، مەفرەزەكانی بەڕێوەبەرایەتی هەواڵگری و ئاسایشی كەركوكی سەر بە بەڕێوەرایەتی گشتی هەواڵگری و ئاسایش، توانییان یەكێك لە سەركردە دەركەوتووەكانی چەكدارانی ڕێكخراوی داعش لە ناوچەی داقوق دەستگیربكەن كە بە ناو بەرپرسی پشتیوانی لۆجستی و بەرپرسی زەكاتی گروپە تیرۆیستەكانی داعش بووە و بە (ئەبو هانی) ناسراوە". هەر لە بەیاننامەكەدا هاتووە"تیرۆریستە دەستگیركراوەكە پێشتر بەپێی ماددەی (1/4)ی تیرۆر، یاداشتی دەستگیركردنی بۆ دەرچووە". شانەی میدیای ئەمنی دەڵێت"پرۆسەی دەستگیركردنەكە بەسەرپەرشتی بارەگای پێشكەوتووی فەرماندەیی ئۆپەراسیۆنە هاوبەشەكانی كەركوك و هێزی ئامادەی سەر بە نوسینگەی فەرماندەی پۆلیسی كەركوك بووە".
پێش مۆندیالە خەڵك- ڕاپۆرتێكی ڕۆژنامەوانی باس لە بەرنامەی هەڵبژاردەی بەڕازیل دەكات كە لە چوارچێوەی خۆئامادەكردن بۆ یارییەكانی مۆندیالی قەتەر 2022، دوو یاریی دۆستانە لەگەڵ دوو هەڵبژاردەی عەرەبی لەخۆدەگرێت. بەپێی ڕاپۆرتەكە"سلیساو لە 22ی ئەیلولی داهاتوو بەڕازیل ڕووبەڕووی هەڵبژاردەی تونس دەبێتەوە كە ئەویش بە هەمان شێوە خۆی بۆ یارییەكانی مۆندیال ئامادە دەكات، دوای پێنج ڕۆژ لەو یارییەش لە 27ی ئەیلول ڕووبەڕووی هەڵبژاردەی جەزائیر دەبێتەوە". پێشبینی دەكرێت هەردوو یارییەكە لە فەرەنسا بكرێن، بەهۆی ئاسانكاریی لە گردبوونەوەی یاریزانەكان، بەو هۆیەی زۆربەیان لەگەڵ یانە ئەوروپاییەكاندا یاریی دەكەن. پێشتر هەڵبژاردەی جەزائیر بەشێوەی فەرمی لە یارییەكانی جامی جیهانی مەكسیك لە ساڵی 1986 ڕووبەڕووی سلیساو بۆەوە و یارییەكە لە بەرژەوەندی بەرازیل بە گۆڵێكی بێ‌ بەرامبەر كۆتایی هات، لە مانگی ئەیلولی ساڵی 2007 هەردوو تیپ لە فەرەنسا یارییان كرد و یارییەكەش بە بەردنەوەی بەڕازیل بە دوو گۆڵی بێ‌ بەرامبەر كۆتایی هات. هەڵبژاردەی تونس تەنیا یەك یاریی لەگەڵ بەڕازیل كردووە كە یارییەكی دۆستانە بوو لە ساڵی 1974 و بە ئەنجامی 4-1 لە بەرژەوەندی بەرازیل كۆتایی هات.
خەڵك- دەزگای لوتكە بۆ كاروباری ئاوارە و پەنابەران ڕایدەگەیەنێت، كە ئەو یەختەی بە ژمارەیەك كۆچبەرەوە نقوم بوو لە دورگەیەكی یۆنان هیچ بەڵگەیەك نییە لەسەر ئەوەی كۆچبەرانی عێراقی و هەرێمی كوردستانی تێدابووبێت. ئاری جەلال، سەرۆكی دەزگای لوتكە بۆ كاروباری ئاوارە و پەنابەران بۆ (خەڵك) ڕایگەیاند، ئەگەر چی لە زۆرێك لە دەزگاكانی ڕاگەیاندن هەواڵی ئەوە بڵاو كرایەوە، كە گوایە هاووڵاتی عێراقی و هەرێمی كوردستان لە ڕووداوی ژێر ئاوكەوتنی ئەو یەختەی، كە لە 10ی ئەم مانگە لە نزیك دورگەی كارپاتۆسی وڵاتی یونان نوقم بوو بێسەروشوێن بوون و گیانیان لەدەست داوە، دوای بەدوا داچونێكی وردی نوێنەرانی دەزگای لوتكە لە وڵاتی یونان و وڵاتی توركیا و بەردەوام لەسەر هێڵ بوون لەگەڵ سەفارەتی عێراقی لە وڵاتی یۆنان و تەواوی لایەنە پەیوەندیدارەكان لەحكومەتی یۆنان و توركیا هیچ بەڵگەیەك نیە بۆ پشت ڕاستكردنەوەی ئەو هەواڵا،نە كە بڵێت كۆچبەرانی عێراقی و هەرێمی كوردستان لەو یەختەدا هەبووە. ئاماژەی بەوەشكردووە، تائێستا بەهیچ شێوەیەك نە لە كۆچبەرە بێسەروشوێن بووەكان و نە لەكۆچبەرە ڕزگار بووەكان هیچ هاولۆاتیەكی عێراقی و كورد تۆمار نەكراوە ، بۆیە بە تەواوی ئەو هەواڵانە ڕەت دەكەینەوە و بەردەوام دەبین لە بەدواداچوونەكانمان. ئاری جەلال وتیشی، "ئەگەرچی ژێرئاو كەوتنی یەخت و بێسەروشوێن بوونی كۆچبەر لە هەر سوچێكی جیهان هەواڵێكی دڵ تەزێن و ناخۆشە، بەڵام دوای بەدواداچونی نوێنەرەكانمان لە وڵاتی یۆنان و توركیا پێیان ڕاگەیاندین، كە هیچ هاووڵاتیەكی عێراقی و كورد لەم ڕووداوی ۱۰/٨/٢٠٢٢ تۆمار نەكراوە". جەختیشی كردەوە، ئەو خێزانە بەڕێزانە، كە لە پێناو بیستنی هەواڵێكی ڕۆڵەكانیان بەپەرۆشن پیان ڕادەگەیەنین، كە هیچ كوردێك تۆمار نەكراوە لەو ڕووداوەدا.
خەڵك- لە مامەڵەكانی ئەمڕۆ چوار شەممە، دراوی ڕوسی بەرامبەر هەردوو دراوی ئەوروپایی و ئەمریكایی بەرزبۆوە، یورۆش بۆ یەكەم جار لە 10ی ئابەوە، لە ئاستی 61 ڕۆپڵدا مامەڵەی پێوەكرا. لە كاتژمێر 14:32 بە كاتی مۆسكۆ، نرخی خەرجی دۆلار بە بڕی 50 كۆبیك (ڕۆپڵ= 100 كۆبیك) و بۆ 60.40 ڕۆپڵ دابەزی. هەر لەو چوارچێوەیەدا و بەپێی زانیارییەكانی بۆرسەی مۆسكۆ، نرخی خەرجی یورۆ بە بڕی 98 كۆبیك و بۆ 61.14 ڕۆپڵ دابەزی. بەر لەوەش بە چەند خولەكێك، دراوی یەكگرتووی ئەوروپا بۆ ئاستی 61 ڕۆپڵ دابەزی.
خەڵك- وەزیری دارایی عێراق دەستلەكاركێشانەوەی لە پۆستەكەی ڕاگەیاند و لە نامەی دەستلەكاركێشانەوەكەشی بۆ مستەفا كازمی، سەرۆك وەزیران پەردەی لەسەر چەندین نهێنی و گەندەڵی دارایی هەڵداوەتەوە و ڕایگەیاندووە، لە 15 ساڵی ڕابردوودا لەلایەن حزبە سیاسییەكان‌و گروپەكانی بەرژەوەندی تایبەتییەوە، دەستگیراوە بەسەر بەشێكی بەرفراوانی جومگەكانی دەوڵەتدا. عەلی عەلاوی، وەزیری دارایی عێراق لەنامەی دەستلەكاركێشانەوەكەیدا ڕایگەیاندووە، ئێستا دارایی وڵات لە دۆخێكی باشدایە، یەدەگی نەختینە باشە، ئاستی دراوی بیانیمان زۆر بەرزە، بەڵام گەندەڵی لە عێراق گەشە دەكات، چونكە سیستەم لێبوردەیە بەرامبەری‌ و ڕێگەی پێدەدات گەشە بكات. ئاشكراشی كردووە، لە ساڵی 2006وە تائێستا راستییەكی تۆقێنەرم زانیوە لەبارەی ئاستی داڕمانی حكومەت لەماوەی 15 ساڵی رابردوودا، لەلایەن حزبە سیاسییەكان‌ و گروپەكانی بەرژەوەندی تایبەتییەوە، دەستگیراوە بەسەر بەشێكی بەرفراوانی جومگەكانی دەوڵەتدا و بۆ ماوەی زیاتر لە دەیەیەك وەزارەتی دارایی سوكانی نەبووە و زۆرێك لە بەڕێوەبەرە گشتییەكانی وەزارەتی دارایی كەوتونەتە ژێر كاریگەریی حزبە سیاسییەكان ‌و هەموویان گونجاو نین بۆ ئەو ئەركەی كە لێی بەرپرسن. ڕاشیگەیاندووە، تۆڕی نهێنی بەرفراوانی گەورە بەرپرسان‌ و پیاوانی خاوەنكار و سیاسەتمەدار و كارمەندی گەندەڵی دەوڵەت لە سێبەردا كاردەكەن بۆ دەستگرتنی تەواوەتی بەسەر چەندین كەرتی ئابوریدا‌ و لە خەزێنەی گشتیی ملیاران دۆلار ڕادەكێشن، ئەم تۆڕانە لەلایەن حزبە سیاسییە گەورەكان‌ و حەسانەی پەرلەمان‌ و چەكی یاسا‌ و تەنانەت لایەنی بیانییەوە دەپارێزرێن. 🔹 وەزیری دارایی ڕەخنە لە سیستمی پەڕلەمانی وڵات دەگرێ و دەڵێت: "سیستمی پەرلەمانیی كە ساڵی 2005 خرایەڕوو، لەپێناو بەرژەوەندی گروپەكانی بەرژەوەندی تایبەتدا توشی لادان كراوە، بۆ چاككردنی ئەم سیستەمە، هەمواركردنی دەستور یاخود دەستورێكی نوێی پێویستە، چونكە دەوڵەتی عێراق كە دوای جەنگی 2003 لەدایكبووە، نیشانەكانی نەخۆشی كوشندە لەسەری دەردەكەوێت". ئاماژەی بەوەشكردووە، لێپێچینەوە و سزا سەركردە گەورەكان ناگرێتەوە و سەرچاوەكانی دەوڵەت بەشێوەیەكی كارا ناقۆزرێنەوە، بەهەدەر دەدرێن یان خراپ بەكاردەهێنرێن یاخود دەدزرێن، لەو كارەساتەی كە بەسەر وڵاتدا هاتووە لێپرسینەوە لە كەس ناكرێت، هێزە بیانییەكان بەشێوەیەكی راستەوخۆ كاریگەرییان لەسەر دامەزراوە ژیارییەكانمان هەیە ‌و ئەوان لەپشت دانانی كەسایەتییە سەرەكییەكانەوە لە حكومەتدا، ئەنجامەكەشی ئەو وڵاتە هەڵوەشاوەیە كە خۆمانی تێدا دەبینینەوە. عەلاوی لە نامەكەیدا وتویەتی، " تاوەكو ڕقی خەڵك بەرامبەر بە سیستەم زیاد بكات‌ و ڕەتی بكەنەوە بەشداری هەڵبژاردن بكەن، ئەگەری بەردەوامبوونی سیستەمەكە زیاتر دەبێت لەبەرژەوەندی ئەوانەی دەیانەوێت دۆخی ئێستا وەكو خۆی بەردەوام بێت.. لایەنێكی دەرەكیی نییە ئەم ناكۆكییە بەلادا بخات، مەرجەعیەتی نەجەفیش ئێستا ئامادەیی نییە بۆئەوەی كاریگەریی بكات سەر لایەنێكیان یاخود هەردوو لایەنەكە، دەكرێت ئەمە شەرعیەت بدات بەوەی دەست لە سیستەمی ئێستا هەڵبگیرێت ‌و هەنگاو بەئاڕاستەی سیستەمێكی نوێدا هەڵبگیرێت". جەختیشی كردۆتەوە، لە ئێستاوە نامەوێت لە هیچ پۆستێكی وزاریدا خزمەت بكەم.. پێموایە پێویستمان بەوەیە پێداچونەوەیەكی جەوهەری بە دەستورەكەماندا بكەین، هیچ دەستورێكی پیرۆز بوونی نییە، دەبێت بەگوێرەی پێویستیی دەستور بگۆڕدرێت یاخود هەموار بكرێت.
خەڵك- بەڕێوەبەرایەتی دابەشكردنی كارەبای كارەبای دوكان، دروستبونی كێشەیەك لەلایەن دانا غازەوە ڕادەگەیەنێت و دەڵێت، بەو هۆیەوە بەرەمهێنانی كارەبا بۆ نزم ترین ئاست دادەبەزێت. بەپێی ڕوونكردنەوەیەك كە لەلایەن بەڕێوەبەرایەتی دابەشكردنی كارەبای دوكانەوە بۆ هاوبەشانی كارەبا بڵاوكرایەوە"ئاگادارتان دەكەین بەهۆی دروستبونی كێشەیەك لەدانا غاز و كوژانەوەی گشتی كارەباوە بەرهەمهێنانی كارەبا بۆ نزم ترین ئاست دابەزیوە". بەڕێوەبەرایەتی دابەشكردنی كارەبای دوكان دەڵێت"بۆیە كۆنترۆل ناچار بووە بە بڕینی كارەبای زۆربەی ناوچەكانی سلێمانی".
خەڵك- نیوەڕۆی ئەمڕۆ چوار شەممە، كۆبوونەوەی دیالۆگی نیشتمانی عیراقی بۆ هێزە سیاسییەكان دەستیپێكرد كە پێشتر مستەفا كازمی سەرۆك وەزیران بانگەشەی سازدانی كردبوو. بەپێی بەیاننامەیەك كە لەلایەن ئەنجومەنی وەزیرانی عیراقەوە بڵاوكرایەوە"لە كۆشكی حكومەت، كۆبوونەوەی دیالۆگی نیشتمانی بە چاودێری مستەفا كازمی سەرۆكی ئەنجومەنی وەزیران و بە بەشداریی سەركردەكانی هێزە سیاسییەكانی عیراق و بە ئامادەبوونی سەرۆك كۆمار و سەرۆكەكانی دەسەڵاتی یاسادانان و دادوەریی و نێردەی نێونەتەوەیی لە عیراق، دەستیپێكرد". هەر لە بەیاننامەكەدا هاتووە"كۆبوونەوەكە بۆ دەستكردنە بە دیالۆگێكی ڕاستەقینە بە مەبەستی دۆزینەوەی چارەسەری پێویست بۆ تەنگژەی سیاسی ئێستا و كاركردن بۆ هێوربوونەوە، بەجۆرێك ببێتە مایەی پارێزگاری لە ئاشتی كۆمەڵایەتی و هێنانەدی خواستەكانی گەلی عیراق".
خەڵك- توركیا و ئیسرائیل ئاشتبوونەوەی تەواوەتییان راگەیاند و باڵوێزەكانیان گەڕاندەوە. مەولود چاوش ئۆغلۆ وەزیری دەرەوەی توركیا لە لێدوانێكدا ئاسایبوونەوەی تەواوی پێوەندییەكانی هەردوو دەوڵەتی ئیسرائیل و توركیای راگەیاند. ئاشكراشیكرد باڵوێزخانەی توركیا دەگەڕێتەوە بۆ ئیسرائیل. نووسینگەی سەرۆك وەزیرانی ئیسرائیلیش ئاسایبوونەوەی پێوەندییەكانی دوو دەوڵەتی توركیا و ئیسرائیلی راگەیاند. نووسینگەی سەرۆك وەزیرانی ئیسرائیل ڕایگەیاند باڵوێزی ئیسرائیل دەگەڕێتەوە توركیا. دوای ماوەیەكی زۆر لە گرژییەكانی توركیا لەگەڵ دەوڵەتانی ناوچەكە و پاشەكشە گەورە ئابوورییەكانی، ئەنقەرە بڕیاری ئاشتبوونەوەی لەگەڵ عەرەبستانی سعودیە و ئیمارات و میسر و ئیسرائیلدا كە بەهۆی پشتیوانی ئەنقەرە بۆ گرووپە ئیسلامییە توندڕۆكان نێوانی لەگەڵ ئەم دەوڵەتانەدا تێكچووبوو.
گۆران قادر مستەفا كازمی سەرۆك وەزیرانی كاربەڕێكەری عێراق داوا لە لایەنە سیاسیەكان دەكات لە پێناوی دانوستانێكی نیشتیمانی لە ئەنجومەنی وەزیران كۆبوونەوەیەك ئەنجام بدەن، موقتەدا سەدریش خۆپیشاندانە ملیۆنیەكەی بۆ كاتێكی نادیار دواخست،ئەمەش دەكرێت ئاماژەیەك بێت بۆ قۆناغێكی نوێی مامەڵەی لایەنە سیاسیەكان بۆ كۆتایی هاتنی تەنگەژەی سیاسی لە عێراق كە ئیحراجی بۆ هەموویان دروست كردووە. موقتەدا سەدر ڕێبەری ڕەوتی سەدر، لە تویتێكیدا ڕایگەیاند:" بەردەوامن لە چاكسازی و شۆڕش دژی گەندەڵكاران... ئەگەر ئێوە سورن لەسەر جەنگی ناوخۆیی،ئەوا ئێمە سورین لەسەر ئاشتی ناوخۆیی،خوێنی عێراقیەكان گرانە،بەڵكو گرانترە لەهەموو شتێك". لەسەر بەردەوامی خۆپیشاندانەكانیش سەدر دەڵێت:"بەڵام لە خۆشەویستیم بۆ عێراق و عەشقم بۆ گەلەكەی..ڕایدەگەینم كە خۆپیشاندانەكەی رۆژی شەممە بۆ كاتێكی نادیار دوادەخرێت". ئەم بڕیارەی سەدر هاوكاتە لەگەڵ دەستپێشخەرییەكی مستەفا كازمی سەرۆك وەزیرانی عێراق كە داوای كردووە" داوا لە برایانی هێزە سیاسیەكان دەكەم رۆژی چوارشەممە لە بینای حكومەت كۆببنەوە بۆ دەستپێكردنی دانوستانێكی نیشتمانی جدی و بیركردنەوەی هاوبەش". هەرچەندە جگە لە حەیدەر عەبادی كە پشتگیری لە هێمن كردنەوەی دۆخەكەی كردووە، لایەنە سیاسیەكان بە ڕەزامەندی یان ڕەتكردنەوە هیچ هەڵوێستێكیان دەرنەبڕیوە، بەڵام ئێستا هەموویان لە دۆخێكی ئیحراجیدان، بۆشیان دەركەوتووە جوڵاندنی شەقام چارەسەر نیە، بۆیە دەیانەوێت خۆیان لەو ئیحراجیە ڕزگار بكەن و دۆخی شەقامیش ئارام بكەنەوە،چونكە بەردەوام بوونی ئەم تەنگەژەیە و ناسەقامگیریە لە بەرژەوەندی هیچ لایەكیان نیە، بۆیە نزیكە دانوستانی جدی دەست پێبكەنەوە و هەندێك سازیش بۆ یەكدی بكەن. لەسەر ئەو بنەمایەی سەرەوە، هێزە سیاسیەكان بە داواكەی كازمی ڕازی دەبن،بەڵام مەرج نیە كەسی یەكەمی هێزەكان ئامادەی كۆبوونەوەكە بێت،لەوەش گرنگتر ئەوەیە كەئایا سەدر بەو كۆبوونەوەیە ڕازی دەبێت،چونكە هێشتا سورە لەسەر ئەوەی كە دانوستان لەگەڵ چوارچێوەی هەماهەنگی نەكات،خۆ ئەگەر كۆبونەوەش بكات،لەوەیە مەرجەمی یەكەمی هەڵوەشاندنەوەی پەرلەمان و هەڵبژاردنی پێشوەختە بێت،یان دەستكەوتنی بەرژەوەندییە سیاسیەكانی بێت". ئەوەی لە كۆبوونەوەكە چاوەڕواندەكرێت بەم شێوازە دەبێت" هێزە سیاسیەكان جگە لە سەدر ئامادە دەبن،هەروەها بەردەوام بوون لە پێكهێنانی حكومەت،پاشان بە هەڵوەشاندنەوەی پەرلەمان و هەڵبژاردنی پێشوەختە كۆتایی بە دانوستانەكە دێت، كە بێگومان ئەمەش بە چەند دانیشتنێكی پەرلەمان یان هێشتنەوەی دانیشتنەكان بە كراوەیی دەبێت، لەگەڵ دەستكاری كردنی یاسای هەڵبژاردن و كۆمسیۆن و خەرجی هەڵبژاردنەكان". هەموو لایەنەكانیش تا ڕادەیەك گەیشتونەتە ئەو بڕوایەی كە ناتوانن حكومەت بەم شێوەیە پێكبهێنن، باوەڕیشیان بە جوڵەی شەقام و ئاڵۆزی كەم بۆتەوە،بۆیە هەمووان دەیانەوێت دۆخەكە ئاسایی بێتەوە و هەڵبژاردنی پێشوەختە ئەنجام بدرێت". ئەوەی لێرەدا جێگای بایەخە و لەوەیە كۆبوونەكەی حكومەت بێ ئەنجام بكات، پێگەی مستەفا كازمیە كە لەڕووی سیاسی و جەماوەرییەوە پێگەی لە زۆرینەی سەركردە سیاسیەكان لاوازترە،كە ئەمەش وادەكات توانای جێبەجێ كردنی ڕاسپاردەكانی كۆبوونەوەكەی نەبێت،لە ئەنجامدا نەتوانێت رۆڵی نێوەندگیری لە نێوان هێزە سیاسیەكان ببینێت،ئەمە جگە لەوەی هێشتا دیار نیە هەموو هێزەكان بەشداری دەكەن یاخود لەسەر بایكۆتی یەكدی بەردەوام دەبن. لە دەرئەنجامی دۆخی ئێستای عێراق و جوڵەی سەركردەكان، دەگەینە ئەو ئەنجامەی كە ئەم هێزانە لە دۆخێكی ئیحراجیدان، هیچ لایەكیشیان ناتوانێت دەسەڵات بگرێتە دەست و عێراقێكی سەقامگیر بەڕێوە بەرێت، بۆیە ناچارن دەست بە دانوستان بكەن و سازش بكەن،جا ئەمڕۆ لە كۆشكی ئەنجومەنی وەزیران بێت یان لە هەولێر بێت،بایكۆتی یەكتری و پەنا بردن بۆ شەقامیش جگە لە درێژە كێشانی تەنگەژەی سیاسی و ئاڵۆزبوونی دۆخەكە بژاردەیەكی باش و سەركەوتوو نیە،هەروەها چارەسەری تەنگەژەی ئێستا و داهاتووی عێراق ناكات.
خەڵك- بەپێی سەرچاوە سەربازییەكان، سوپای توركیا لەدوای هێرشە چڕەكانی ڕۆژی ڕابردووی بۆ سەر كۆبانێ‌ كە هەسەدە و سوپای سوریای كردە ئامانج و كوژرا و و بریندار لێكەوتەوە دەستی بە كۆكردنەوەی هێز و چەكی قورس كردووە. بەپێی ئەو سەرچاوە سەربازییانە، سوپای توركیا ناوچە سنوورییەكانی باكوری سوریای لە سنووری پارێزگای حەلەب ئاگادار كردووەتەوە كە ئامادەبن بۆ دەستپێكردنی هێرشی نوێ‌. هاوكات میدیای فەڕمی سوریا بڵاویكردەوە، فڕۆكە بێفڕۆكەوانەكانی توركیا لە ئاسمانی ناوچەكە دەسوڕێنەوە و هێزێكی گەورەی توركیاش لە سنووری نێوان هەردوولا لە پارێزگاكانی حەسەكە و ڕەقە كۆكراوەتەوە. پەیامنێری كەناڵی ئەلغەد لە ئیستەنبول ڕایگەیاندووە، ئامادەكاری و دەنگوباسی نوێ‌ هەیە بۆ سەر ڕۆژئاوای كوردستان، بەڵام ناتوانرێت بوترێت كاتژمێری سفر دیاریكراوە، چونكە بەردەوام سەرۆكی توركیا دەڵێت ئێمە لەنیوەشەوێكدا خۆمان دەكەین بە باكووری سوریادا. لە هێرشەكانی دوێنێی كۆبانێ‌ و ناوچەكانی دیكەدا سێ‌ سەربازی سوریا و منداڵێك كوژران، شەش سەربازی سوریا و ژمارەیەكی دیكەی هاووڵاتی سڤیل بریندار بوون. فەرهاد شامی، وتەبێژی هێزەكانی سوریای دیموكرات لە لێدوانێكدا بانگەوازی بە پەلەی ئاڕاستەی ڕووسیا و ئەمریكا كرد كە هەرچی زووە كار بكەن بۆ ڕاگرتنی هێرشەكانی توركیا بۆ سەر ڕۆژئاوا.

حەوت هاووڵاتی بە تۆمەتی ڕاوكردنی ماسی دەستگیر كران

محەمەد حەسەن

هەواڵ بڵاوکراوەتەوە: 03/07/2022

خەڵك-

بەڕێوەبەرایەتی پۆلیس و دارستانی ژینگەی سلێمانی رایگەیاند ژمارەیەك هاووڵاتی لە ( چەمی زەلان ) لە سنوری ناحیەی زەلان بە شێوەیەكی نایاسایی سەرقاڵی ڕاوی ماسین ، مەفرەزەیەكی بەشی پۆلیسی دارستانی شارباژێڕ گەیشتنە شوێنی دیاریكراو و توانیان ( ٧ ) هاووڵاتی بە تۆمەتی ڕاوكردنی ماسی دەستگیر بكەن .

هاوكات دەستگیرا بەسەر تۆڕی ڕاوی ماسی و ژمارەیەك ماسی ڕاوكراو .

پەڕاوی لێكۆڵینەوە ڕێكخراوەو ڕادەستی دادوەر كراوە بۆ وەرگرتنی ڕێكاری یاسایی.