سەردێر

دەستەی حەج و عەمرەی عێراق؛ دوو حاجی دیكە لە مەككە گیانیان لەدەستدا

خەڵك –
دەستەی حەج و عەمرەی عێراق ڕایدەگەیەنێت، دوو حاجی دیكەی عیراقی لە شاری مەككەی سعودیە گیانیان لەدەستدا و كەسوكارەكانیان داوای گەڕانەوە تەرمەكانیان دەكەن .

دەستەی حەج و عەمرەی عێراق لە راگەیاندراوێكدا بڵاویكردەوە، ئەمڕۆ هەینی 1ی تەمموزی 2022 دوو حاجی دیكەی عیراقی، لەكاتی بەجێگەیاندنی فەریزەی حەجدا لە مەككە گیانیان لەدەستدا .

ئاماژە بۆ ئەوەشكراوە، یەكێك لە حاجییەكان لە ڕەگەزی نێرە و ناوی (تارش جاسم بەیزانی) یە و تەمەنی ٤٣ ساڵە دانیشتوی بەغدایە و ئەوەی دیكەیان لەڕەگەزی مێیە ناوی (عەواتف نەعیم) ە و تەمەنی ٦١ ساڵە و دانیشتووی پارێزگای موسەنایە بە هۆی جەڵتەی دڵەوە گیانیان لەدەستداوە.

لە ڕاگەیەنراوەكەدا هاتووە، كەسوكاری ئەو دوو حاجییە داوایانكردووە، كە تەرمەكانیان بگەڕێندرێتەوە بۆ عێراق تا بە خاك بسپێردرێن و لە ئێستادا هەموو ئامادەكارییەكان بۆ گەڕاندنەوەی تەرمەكانیان كراوە.