سەردێر

لە سلێمانی كافتریایەك بەهۆی بوونی مێردمنداڵانەوە داخرا

خەڵك-
قائیمقامیەتی سلێمانی كافتریای شەوانی لاوەند دادەخات و ڕایدەگەیەنێت، كە نەوجەوان ڕێگەی پێدراوە بچێتە كافتریاكە و پابەندی مەرج و ڕێنماییەكان نەبووە.

ڕێكان جەمال، سەرۆكی‌ هاوبەشەكانی قائیمقامیەتی سلێمانی ڕایگەیاند، بەهۆی پابەندنەبون بەمەرج و رێنماییەكانی كاركردن بەگشتی هەبونی نەوجەوان لە شوێنەكەیدا، بەفەرمانی قائیمقامی سلێمانی و لەلایەن لیژنەكانەوە كافتریای شەوانی لاوەند لەگەڕەكی ئیبراهیم ئەحمەد دادەخرێت.

ڕوونیكردەوە‌؛ بەپێی یاسا، هەر نەوجەوانێك هاتووچۆی هۆڵەكانی بلیارد، كۆفی شۆپی كێشانی نێرگەلە، كافتریا، شوێنەكانی فرۆشتن و پێشكەشكردنی خواردنەوە كحولییەكان، بكات و لەلایەن خاوەنەكانیانەوە ڕێگری لێنەكرێت، لیژنه ‌هاوبەشەكانی قائیمقامیەتی سلێمانی شوێنەكە دادەخات و خاوەنەكەشی ڕووبەڕووی ڕێكاری یاسایی توند دەكاتەوە‌.

لەكاتی هەبونی گومان یان بۆ گەیاندنی سكاڵا و زانیاری بەقائیمقامیەتی سلێمانی و لیژنە هاوبەشەكان، پەیوەندی بە ژمارە مۆبایلی (07708677777)ـەوە بكەن.