سەردێر

پێنج تووڕەترین گەلی جیهان

 

خەڵك-

لەگەڵ قوڵبوونەوەی تەنگەژەكان لە ژمارەیەك وڵاتی جیهاندا، باری تووڕەیی و نیگەرانی لای گەلان زیاد دەكات، بەتایبەت خراپی باری ئابووری و هۆیەكانی گواستنەوە، بێكاری، كەمبوونەوەی خزمەتگوزارییە گشتییەكان.

بەپێی راپۆرتی گالوب گەلی لوبنان لە پلەی یەكەمی تووڕەییدان، دوایی توركیا دێت، لە پلەی سێهەمیشدا ئەرمینیا و چوارهەم عێراق و ئەفغانستانیش پێنجهەمە.

محەمەد شەمسەدین توێژەر دەڵێت رەوشی گوزەران لە لوبنان و بەرزی رێژەی بێكاری بۆ 38% و بەرزبوونەوەی هەڵاوسان بۆ رێژەی 250% لە ماوەی دوو ساڵدا هۆكاری تووڕەیی هاووڵاتیانی ئەم وڵاتەن.

راشیگەیاند خزمەتگووزارییە گشتییەكان لەلوبنان لە پاشەكشەیەكی زۆر مەترسیداردان، بەتایبەت كارەبا رۆژی دوو كاتژمێر هەیە، نەخۆشخانەكان نەخۆش وەرناگرن، پارەی نەختینەی دۆلاریان نییە، ئاو بۆ چەند رۆژێك دەبڕێت و ناگاتە ماڵان و یەكەكانی نیشتەجێبوون و ئۆفیسەكان.

ئەم توێژەرە دەڵێت لوبنانییەكان تووڕەترینن، بەڵام كەمترین دەربڕینی تووڕەییان هەیە.

لەبارەی رەوشی عێراق شارەزای ئابووری باسم ئەنتۆن دەڵێت رەوشی عێراق لەباری ئابووری و سیاسی زۆر قورسە، بەڵێنەكان بۆ گەل راست نین، جێبەجێناكرێن، بۆیە رەوشێكی تووڕە و شۆڕشگێڕی دروستكردووە.

دەشڵێت ئەمە سەرەڕای دەوڵەمەندی وڵاتی عێراق، توانای زۆری هەیە، بەڵام دەناڵێنێت بە دەست ژێرخانەكەیەوە، خراپی خزمەتگوزارییەكەی، نەمانی هەلی كار، 25%ی هاووڵاتیانی ئەم وڵاتە كاریان نییە، 30%یان لە ژێر هێڵی هەژارییەوەن، ئەمانە هۆكاری توڕەیین.

دڵنیاییشیدا كوژرانی ئەم رێبەرە دیارە ئاستەنگ بۆ توانای قاعید و هێرشەكانی بۆ سەر هاووڵاتیانی ئەمریكایی و هاوبەشەكانیان و سڤیلەكان لە جیهاندا دروستدەكات.