سبەینێ لە ٢٢ وێستگەی سلێمانی بەنزین دابەشدەکرێت - تۆڕی میدیایی خەڵک

سەردێر

خەڵک- شارەوانی سلێمانی لە رێگەی پێکهێنانی لیژنەیەکەوە دەیەوێت ژمارە و ناو بۆ ئەو گەڕەکە تازانە دابنێت کە تازە دروستبوون و تا ئێستا ژمارەو ناویان لێنەدراوە. لە راگەیەندراوێکدا سەرۆكایەتی شارەوانی سلێمانی بڵاویکردووەتەوە، لە ساڵی (٢٠٠٠ تا ٢٠٠٢)، لەگەڵ هەڵبژاردنی یەكەم ئەنجومەنی نوێی شارەوانی، بە هاوكاری ”پسپۆڕو، كەسایەتی ناوداری سلێمانی و، تێكۆشەران و، نوسەران و شاعیران، مێژوونوسان، هەستان بە ناونان و بە ژمارەكردنی گەڕەك و شەقامەكانی سلێمانی. پرۆسەكە لە مانگی ئازاری ساڵی ٢٠٠٠ دەستپێكردو، لیژنەیەكی بۆ پێكهێنرا لە چەند ئەندازیارێك، كە ژمارەی گەڕەكەكان لەو ساڵەدا بریتیبوو لە (٦٨) گەڕەك لەناو سنوری شەقامی (٦٠)م مەلیك مەحمود. لە راگەیەندراوەکەدا شارەوانی ئاماژە بەوەدەکات کە لەدوای ڕوخانی ڕژێمی بەعس و لەساڵی (٢٠٠٤)دا بەهۆی دابەشكردنی زەوی و فراوانبونی شارەوە، ژمارەی گەڕەكەكانی سلێمانی بۆ (١٥٧) گەڕەك زیادیكرد، كە هەمووی ژمارەكراوە، وە لە ساڵانی دوایدا ژمارەیەكی زۆر لە گەڕەك و (٥٧) گوند هاتونەتە سەر سنوری شارەوانی سلێمانی. دەشڵێت:"لە ئێستادا لیژنەیەكی نوێ پێكهێنراوە بۆ ژمارەلێدان و ناونانی ئەو گەڕەكانەی، كە تازە دروستبوون و تا ئێستا ژمارەو ناویان لێنەدراوە و ئەم ناونان و ژمارەلێدانە بە شەقام و گەڕەك و كۆڵان و ماڵەكانی سڵێمانی، خزمەتێكی زۆر گەورەیە، كە بۆ هاووڵاتیان بەرجەستە كراوەو، هەروەها كارئاسانی و بەزوویی گەیشتنە شوێنی مەبەست و دۆزینەوەی شوێنەكانە، كە لە هەموو جیهاندا بەپێی ئەم سیستەمە هاووڵاتیان هاتوچۆ دەكەن و كارئاسانی تەواو دەستەبەردەكات بۆ هەموو لایەك". شارەوانی گەڕەكەكانی سنوری شارەوانی ” ناوەند، ڕۆژئاوا، ڕۆژهەڵات” بڵاوکردووەتەوە بەمشێوەیەی لای خوارەوە:-
خەڵک- ئەمشەو چەکدارانی چوونە ناو گوندی سمود لە سنووری شارۆچکەی داقووق لە کەرکوک ماڵی موختاری گوندەکەیان تەقاندووەتەوە و منداڵی بەڕێوەبەری خوێندنگەکەشیان رفاندوە. سەرچاوەیەک لە پۆلیسی کەرکوک رایگەیاندووە، چەکدارەکان بە جلی پۆلیسییەوە چوونەتە ناو گوندەکە و ماوەی نیو کاتژمێر ماونەتەوە. ئەو سەرچاوەیە ئاماژە بەوەشکردووە کە چەکدارانی داعش بەتایبەت بۆ سووتاندنی ماڵی ئیبراهیم حەسەن، موختاری گوندەکە چوون ، دوای رووداوەکەش هێزێکی سوپای عێراق چوونەتە ئەو گوندە بڵاوەیانپێکراوە.
خەڵک- وەزارەتی خوێندنی باڵاو توێژینەوەی زانستی لە رێگەی ئەپلیکەیشنێکەوە دەیەوێت خزمەتگوزارییەكان بخاتە بەردەست خوێندكاران و فەرمانبەرو مامۆستایانی زانكۆ. وەزارەتى خوێندنى باڵای حکومەتی هەرێمی کوردستان لە راگەیەندراوێکدا بڵاویکردووەتەوە، لە ئێستادا ئەپڵیکەیشنى MHE KRG بەردەستە بۆ سیستەمەکانى Android و iOS کە خزمەتگوزارى Document Tracking دەخاتە خزمەتى هاووڵاتییان و مامۆستایان و فەرمانبەران و خوێندکاران و قوتابیانی کوردستان. لە راگەیەندراوەکەدا هاتووە بۆ نمونە: ئەگەر هەر نوسراوێکت هەیە لە زانکۆی A ئاڕاستەى وەزارەتى خوێندنى باڵا و توێژینەوەى زانستى یان هەر فەرمانگەیەکی سەر بە وەزارەت کرابێت، دەتوانیت لەڕێگەى داخڵکردنى ژمارەى نوسراوەکەو ڕێکەوتی نوسراوەکە رۆژانە لەڕێگەى مۆبایلەکەتەوە بەدواداچونی بۆ بکەیت و هەنگاو بەهەنگاو بزانی بەکوێ گەيشتوە. بۆ داونلۆد کردن ئەم ئەپڵیکەیشنە کلیک لەسەر یەکێک لەم لینکەی خوارەوە بکەن: https://play.google.com/store/apps/details... https://apps.apple.com/us/app/mhe-krg/id1401166561
خەڵک- دەزگای هەواڵگریی عێراق دەستگیرکردنی کەسێکی راگەیاند، کە دەیویست منداڵەکەی بە پێنج هەزار دۆلار بفرۆشێت. وەزارەتی ناوخۆی عێراق لە راگەیەندراوێکدا بڵاویکردووەتەوە کە دەزگای هەواڵگری و لێکۆڵینەوەی فیدڕاڵی باوکێکیان دەستگیرکردووە کە دەیویست منداڵەکەی بەرامبەر پێنج هەزار دۆلار بفرۆشێت. وەزارەتی ناوخۆی عێراق دەڵێت، ئەو کەسە لە تۆڕەکۆمەڵایەتییەکان بانگەشەی بۆ فرۆشتنی منداڵەکە کردووە بەرامبەر پێنج هەزار دۆلار. وەزارەتەکە دەشڵێت، منداڵەکە هی خۆی نییە، بەڵکو بە چوار هەزار دۆلار کڕیویەتی و بردویەتییە بەغدا.
خەڵک- سەدر، داوا لە لایەنگرانی دەکات خۆپیشاندانی ملیۆنی لە گۆڕەپانی تەحریری شاری بەغدا ئەنجام بدەن. ساڵح محەمەد عێراقی، ناسراو بە "وەزیری سەدر" لە تویتێكدا داوای خۆپیشاندانی ئاشتیانەی ملیۆنی دەكات لە گۆڕەپانی تەحریری بەغداد، لە سەرجەم پارێزگاكانی عیراقەوە بەرەو گۆڕەپانی تەحریری بەغداد بەڕێ بكەون و دەشڵێت:"ئەمە دوا بانگەوازی منە". لە بەشیێکی دیکەی پەیامەکەیدا سەدر داوا لە لایەنگرانی دەکات کە لە خۆپیشاندانە ملیۆنییەكەدا، هەموویان ئاڵای عێراق بەرزبكەنەوەو بەدەنگی بەرز هاوار بۆ چاكسازی و رزگاری و گۆڕانكاری بكەن و پاشان بگەڕێنەوە بۆ ماڵەكانیان. وەزیرەکەی سەدر دەشڵێت، ئامانجی خۆپیشاندانە گەیاندنی پەیامە بۆ هەموو جیهان، كە عێراقییەكان لەگەڵ چاكسازیدان و وڵاتیش جێگای گەندەڵكارانی تێدا نابێتەوە.
خەڵك – ئەندامێكی پەڕلەمانی عیراق لە فراكسیۆنی یەكێتی ڕایدەگەیەنێت،حزبەكەی رێز لە ئەنجومەنی دادوەری و ئەو ماوە دەستوورییانە دەگرێت، كە بۆ پێكهێنانی حكومەت دیاریكراوە، دەشڵێت،"ئەو بڕە پاریەی لە دووبارە كردنەوەی هەڵبژاردندا خەرج دەكرێت، بۆ خەڵك خەرج بكرێت باشترە". سۆزان مەنسور، ئەندامی پەڕلەمانی عیراق لە فراكسیۆنی یەكێتی لە لێدوانێكیدا ڕاگەیاندووە، هەڵبژاردنی پێشوەختە كێشەكان چارەسەر ناكات لە هەمان بازنەدا دەمانهێڵێتەوە. ڕاشیگەیاندووە، یەكێتی رێز لە ئەنجومەنی دادوەری و ئەو ماوە دەستوورییانە دەگرێت، كە بۆ پێكهێنانی حكومەت دیاریكراوە و دووبارە ئەنجامدانەوەی هەڵبژاردن هەمان حزبە سیاسییەكان دەبن بە جیاوازییەكی كەم لە كورسی پەرلەماندا. ئاماژەی بۆ ئەوەشكردووە، كە ئەو بڕە پاریەی لە دووبارەكردنەوەی هەڵبژاردندا خەرج دەكرێت بۆ خەڵك خەرج بكرێت باشترە.
خەڵك – مەكتەبی سیاسی پارتی دیموكراتی كوردستان داوا لە هەموو لایەنەكان دەكات ھەنگاوی جدی و پێویست و بەپەلە بگرنەبەر بۆ ئەنجامدانی گفتوگۆیەكی بەرھەمدار و سەركەوتوو و داواش دەكات رێككەوتن بكرێت لەسەر ئەنجامدانی ھەڵبژاردنی پێشوەختەی عیراق مەكتەبی سیاسی پارتی دیموكراتی كوردستان لە راگەیەندراوێكدا ڕایگەیاندووە، لە روانگەی ھەستكردن بەوپەڕی بەرپرسیارەتی و لەپێناو بەرژەوەندی وڵاتدا و بۆ پاراستنی عێراق لەو مەترسیانەی كە لەقۆناغی ئێستایدا رووبەڕووی دەبێتەوە ، بۆ باشتركردنی بارودۆخی ئێستای عێراق دەتوانرێت رێككەوتن بكرێت لەسەر ئەنجامدانی ھەڵبژاردنی پێشوەختە دوای ئەوەی ھەموو لایەنەكان رێكبكەون. دەقی راگەیاندراوەكەی مەكتەبی سیاسی پارتی دیموكراتی كوردستان: سەبارەت بە بارودۆخ و ئاڵۆزیە سیاسییەكانی ئەم دواییەی عێراق پارتی دیموكراتی كوردستان ناڕەزایی و ناڕەحەتی خۆی لەھەمبەر بارودۆخ و تەنگژەی سیاسی ئێستای عێراق دەردەبڕێت. ڕوونە ھەر لە سەرەتای راگەیاندنی ئەنجامەكانی ھەڵبژاردنی عێراق، كە لە ئۆكتۆبەری ساڵی 2021 ئەنجامدرا و ئەو دەرھاوێشتە و كێشە و ئاڵۆزی و پێشھاتانەی دوای ھەڵبژاردن بوونە تەگەرەیەك لەھەمبەر دامەزراندنی حكوومەتی تازەی عێراق لەسەر بناغەیەكی دەستووریی باوەڕپێكراو لەسەر بنەمای سیستەمی سیاسیی ئێستای عێراقدا لەئاكامدا وڵات گەیشتە لێواری باردۆخێكی سیاسیی داخراو. لە روانگەی ھەستكردن بەوپەڕی بەرپرسیارەتی و لەپێناو بەرژەوەندی وڵاتدا و بۆ پاراستنی عێراق لەو مەترسیانەی كە لەقۆناغی ئێستایدا رووبەڕووی دەبێتەوە، داوا لەسەرجەم سەركردە ساسییەكانی سەر گۆڕەپانی عێراق دەكەین لە ئاست بەرپرسیارەتی قۆناغی ئێستادابن و داواش لە ھەموو لایەنەكان دەكەین ھەنگاوی جدی و پێویست و بەپەلە بگرنەبەر بۆ ئەنجامدانی گفتوگۆیەكی بەرھەمدار و سەركەوتوو لەسەر بناغەی پشت بەستن بەبنەماكانی دەستووری عێراق بۆ رزگاركردنی وڵات لەو دۆخە چەقبەستوویەی ئێستایدا. ھەربۆیەش لەپێناو ئەنجامدانی پڕۆسەی چاكسازی و گۆڕانكاری راستەقینە و باشتركردنی بارودۆخی ئێستای عێراق دەتوانرێت رێككەوتنبكرێت لەسەر ئەنجامدانی ھەڵبژاردنی پێشوەختە دوای ئەوەی ھەموو لایەنەكان رێكبكەون و بەڵێنی ئەوەش بدەن، كە بە ئەنجامی كۆتایی ھەڵبژاردنەكان رازیدەبن وەك خۆی و ئەزموونی ھەڵبژاردنەكانی رابردووی عێراقیش دووبارە نەبێتەوە. مەكتەبی سیاسی پارتی دیموكراتی كوردستان ١٣ـی ئابی ٢٠٢٢
خەڵك – هێزەكانی پاراستنی گەل ڕایدەگەیەنێت، سوپای توركیا سەرباری ئەوەی هەموو توانای تەكنەلۆژی و شێوازەكانی شەڕی چەپەڵیش بەكاردەهێنێت ناتوانێت بەرخودانی گەریلاكانمان بشكێنێت، دەشڵێت،" لەچالاكی گەریلا 4 سەرباز كوژران و ٣ سیستمی كامێراش تێكشكێنران". ناوەندی راگەیاندن و چاپەمەنی هێزەكانی پاراستنی گەل هەپەگە لە ڕاگەیەنراوێكدا بڵاویكردەوە، دەوڵەتی توركیا هەموو رۆژێك چیرۆكی سەركەوتنی درۆیینەی خۆی دەنوسێتەوە و لە رێگای راگەیاندنی شەڕی تایبەت هەوڵ دەدات شكستی خۆی بەرامبەر بە ئیرادەی گەریلا بشارێتەوە. ئاماژە بۆ ئەوەشكراوە، كە لە چوارچێوەی چالاكییەكان ٤ سەرباز كوژران و ٢ كامێرای تەرماڵ و ١ سیستمی كامێرای حەراری تێكشكێنراون و سوپای توركیاش ٥ جار بە فڕۆكەی شەڕ، ٩ جار بە هەلیكۆپتەری هێرشبەر و بە دەیان جاریش بە كاتیوشا گۆڕەپانەكانی بەرخودانی بۆردومان كردووە. هەپەگە پەیوەست بە چالاكییەكان ئەم زانیارییەی بڵاوكردەوە: ١.لە چوارچێوەی هەڵمەتی شۆڕشگێڕیی هەڵۆكانی زاگرۆس لە خواكورك: لە ١١ی ئابدا كاتژمێر ٠٧:٠٠ سیستمی كامێرای تەرماڵ كە سوپای توركی داگیركەر لە هەرێمی شاخی كۆردینەی خواكورك جێگیری كردبوو لەلایەن هێزەكانمانەوە تێكشكێنرا. ٢.لە چوارچێوەی هەڵمەتی شۆڕشگێڕیی هەڵۆكانی زاگرۆس لە هەرێمی ئاڤاشین: - سیستمێكی كامێرای تەرماڵ و كامێرایەكی حەراری كە سوپای توركی داگیركەر پێشتر لە هەرێمی كانی بیی ئاڤاشین جێگیری كردبوو تێكشكێنرا. دوای چالاكییەكە هەموو پارچەكانی سیستمی كامێرای تەرماڵ و كامێرای حەراری لەلایەن هێزەكانمانەوە دەستیان بەسەردا گیرا. ٣.لە چوارچێوەی هەڵمەتی شۆڕشگێڕی هەڵۆكانی زاگرۆس لە هەرێمی زاپ: -لە ١٢ی ئابدا كاتژمێر ٢٠:٢٠ و ٢١:٣٠دا داگیركەران لە دەوروبەری سەنگەرەكانی شەڕی گۆڕەپانی بەرخودانی ساجا، لەلایەن تیمە گەڕۆكەكانمانەوە بە چەكی قورس و سوك گولـلەباران كران. لە ئەنجامی ئەو چالاكیەدا دوو داگیركەر سزادران. ٤. لە چوارچێوەی هەڵمەتی شۆڕشگێڕی جەنگی خابوری شەهید ساڤاش مەرعەشدا: -لە ١٢ی ئابدا كاتژمێر ١٥:٣٠ داگیركەران لە گۆڕەپانی بەرخودانی شاخی جودی لەلایەن تیمە گەڕۆكەكانی یەژەئاستارمانەوە گولـلەباران كران و داگیركەرێكیان بە سزا گەیاند. ٥. لە ٥ی ئابدا سوپای توركی داگیركەر لە دارستانەكانی دەروازەی قاچێ و سەری ئۆرمانی هەرێمی بەستای بۆتان ئۆپراسیۆنێكی بەرفراوانی داگیركاری دەستپێكردبوو. ئەو ئۆپراسیۆنە لە ٨ی ئابدا بە بێ ئەنجام كۆتاییهات. ٦. هێرشەكانی سوپای توركی داگیركەر بە كاتیوشا، هەلیكۆپتەر و فڕۆكەی شەڕ: -لە ١٢ی ئاب لە گۆڕەپانی بەرخودانی شاخی ئامێدی و شاخی ئێف ئێم فڕۆكەی بێ فڕۆكەوان سوڕانەوە. -لە ١٢ی ئابدا گۆرشەپانەكانی گوندی گوزە و دەشتی كافیای گارە و گۆڕەپانی بەرخودانی ساجا و سیدا ٥ جار بە فڕۆكەی شەڕ بۆردومان كران. -لە ١٢ی ئابدا گۆڕەپانی بەرخودانی كوڕەژارۆ، شاخی هەكاری، شاخی جودی و شاخی ئامێدی ٩ جار بە هەلیكۆپتەری هێرشبەر بۆردومان كران. -لە ١٢ی ئابدا هەرێمی سەری مەتینا و مەتینا و گۆڕەپانی بەرخودانی شاخی ئێف ئێم بە دەیان جار بە كاتیوشا بۆردومان كران".
خەڵك – پسپۆڕێكی نەخۆشییەكانی هەناو و شەكرە باس لەوەدەكات، كە زۆر میزكردن بەوە پێناسە دەكرێت، كەمرۆڤ لە رۆژێكدا 2.5 لیتر زیاتر میز دەكات، یان زووزوو دەچێتە سەرئاو، یان شەوان زۆر هەڵەسێتەوە بۆ میزكردن و 12 هۆكاریش بۆ ئەوە ئاشكرادەكات. د. داهات حەوێزی، پسپۆڕی نەخۆشییەكانی هەناو و شەكرە هۆكارەكانی زۆر میزكردن بۆ 12 هۆكار دەگەڕێنێتەوە و ڕایگەیاندووە، زۆر میزكردن تەنها بەهۆی نەخۆشی شەكرەوە دروست نابێت بەڵكو هۆكاری دیكەی زۆرە. هۆكارەكانی زۆر میزكردن لە مرۆڤدا : ١.ئاوخواردنەوەی زۆر ۲.سكپڕی ۳. دڵەڕاوكێ و نەخۆشی دەروونی ٤.نەخۆشی شەكرە ٥.نەخۆشی تێكچوونی هۆڕمۆنی میزپێكردن (شەكرەی درۆزنە) (Diabetes inspidus) ٦.بەرزبونەوەی رێژەی كالسیۆم و دابەزینی رێژەی پۆتاسیۆم لە خوێندا ۷.نەخۆشی چالاكبونی رژێنی سەرگورچیلە (Cushing`s syndrome) و نەخۆشی غودەی سام ٨.سستبوونی گورچیلە ۹.هەوكردنی میزەڵدان و گەورەبوونی پڕۆستات ۱۰.نەخۆشی سستبونی جگەر ۱۱. وەرگرتنی چارەسەری پزیشكی وەكو ژیناو و دەرمانی میزپێكەر (وەكو حەبی لازكس) و هەندێ دەرمانی شەكره (گروپی SGLT2-I) و حەبی لیسیەم و دەرمانێ ستیرۆید و هەندێ دەرمانی دەروونی. ۱۲.خواردنەوەی زۆری چا و قاو و خواردنەوە كهولیەكان.
خەڵك – شارەزایەكی بواری كەشناسی لە هەرێم ڕایدەگەیەنێت ، هاتنی شەپۆلی گەرمای تووند كۆتایی هاتووە و پلەكانی گەرما تا كۆتایی ئەم مانگە بە جێگیری دەمێننەوە، دەشڵێت،"بارانبارین لەگەڵ وەرز گۆڕیندا دەست پێ دەكات و ئەمساڵ بارانبارین ئاسایی دەبێتەوە". شاڵاو هیدایەت، شارەزایەكی بواری كەشناسی لە هەرێم بڵاویكردەوە، لە ئێستادا هاتنی شەپۆلی گەرمای تووند كۆتایی هاتووە و پلەكانی گەرما تا كۆتایی ئەم مانگە بە جێگیری دەمێننەوە بە جۆرێك كەشوهەوای ڕۆژ گەرم و بە شەودا فێنك دەبێت. ڕاشیگەیاندووە، لە مانگی داهاتوو پلەكانی گەرما دابەزینی زیاتر بەخۆیانەوە و دەبینن و هەروەها بارانبارین لەگەڵ وەرز گۆڕیندا دەست پێ دەكات و ئەمساڵ بارانبارین ئاسایی دەبێتەوە.

سبەینێ لە ٢٢ وێستگەی سلێمانی بەنزین دابەشدەکرێت

سەرهەنگ خالید

هەواڵ بڵاوکراوەتەوە: 26/06/2022

خەڵک-

نەوت و کانزاکانی سلێمانی ناوی ئەو وێستگانەی بڵاوکردەوە کە سبەینێ دووشەممە بەنزینی ٦٩٠ دیناری و ٨٠٠ دیناری دابەشدەکەن.

بەڕێوبەرایەتییەکە ئاماژەی بەوەکردووە کە سبەینێ لە ٢٢ وێستگەی ناوشار و دەرەوەی شاری سلێمانی بەنزین دابەشدەکرێت و بەنزینی ٦٩٠ دینار تەنها بۆ تاکسی و پاسەکانە.

No photo description available.

بابەتی پەیوەندیدار

هەلبژاردە

گرنگترینەکان

بەنزینی ٦٩٠ و ٨٩٠ دیناری لەم وێستگانە دابەشدەکرێت

17 تەموز 2022 12.12 am

خەڵک- بەرێوەبەرایەتی نەوت و کانزاکانی سلێمانی ناوی ئەو بەنزینخانانەی بڵاوکردەوە کە سبەینێ یەکشەممە بەنزینی ٦٩٠…

ناوی ئەو وێستگانەی بەنزینی ٨٠٠ دیناری دابەشدەکەن

20 حوزەیران 2022 12.39 am

خەڵک- نەوت وکانزاکانی سلێمانی ناوی ئەو ویستگانەی بڵاوکردەوە کە سبەینی دووشەممە لە دەرەوە و ناوەوەی شاری سلێمانی…

کەس ناچێت بەلای بەنزینە ٨٠٠ دیناریەکەدا

21 حوزەیران 2022 2.15 pm

کەس ناچێت بەلای بەنزینە ٨٠٠ دیناریەکەدا خەڵك بەنزینی ٨٠٠ دینارە پێنج ڕۆژە دابەشدەکرێت، بەڵام کوالێتی خراپی بەزینەکە…