سەردێر

بەرهەم ساڵح؛ هێرشەكانی سەر كۆرمۆر بۆ تێكدانی ئارامی و لێدانە لە ئابووریی وڵات

خەڵك –
سەرۆك كۆماری عێراق ڕایدەگەیەنێت، ئەو كارە دوژمنكاری و دەستدرێژییانەی دەكرێنە سەر كێڵگەی گازی كۆرمۆر و ناوچەكانی دیكە بۆ تێكدانی ئارامی و لێدانە لە ئابووریی وڵات، دەشڵێـت،”چارمان نییە، بەتووندی دژی ئەو هەوڵە تاوانكارییانە دەبینەوە”.

بەرهەم ساڵح، سەرۆككۆماری عێراق لەبارەی هێرشەكانی سەر كێڵگەی كۆرمۆرەوە لە تویتەر راگەیێندراوێكی بڵاوكردەوە، كە تێیدا هاتووە، ئەو كارە دوژمنكاری و دەستدرێژییانەی دەكرێنە سەر كێڵگەی گازی كۆرمۆر و ناوچەكانی دیكە بۆ تێكدانی ئارامی و لێدانە لە ئابووریی وڵات.

ڕاشیگەیاندووە، چاریان نییە، بەتووندی دژی ئەو هەوڵە تاوانكارییانە دەبینەوە و هەموو لایەك شانبەشان و پشتیوانی هێزە ئەمنییەكانبن بۆ سەپاندنی دەوڵەت و سەروەریی یاسا.