سەردێر

ماددەكانی سەبەتەیەكی دیكەی خۆراك دیاریكران

خەڵك-
وەزارەتی بازرگانی عیراق ئاشكرای دەكات، كە دەست بە دابەشكردنی سەبەتەیەكی تری خۆراك لە ڕۆژی یەك شەممەوە دەكەن و ماددەكانی ناو سەبەی خۆراكەكەش دیاری دەكات.

وەزارەتی بازرگانی عێراق لە بەیاننامەیەكدا ئاماژەی بەوەكردووە، لەسەر ڕاسپاردەی وەزیری بازرگانی، لە سبەینێوە یەك شەممە 26ی حوزەیران دەست بە دابەشكردنی سەبەتەی پێنجەمی بەشەخۆراك دەكرێت، كە پێكهاتووە لە 6 ماددە.

ڕووونیشی كردۆتەوە، كە بەشەخۆراكی ئەم مانگە پێكهاتووە لە برنج و شەكر و زەیت و دۆشاوی تەماتە و فاسۆلیا و لەتكەنۆك.

ڕاشیگەیاندووە، “داوا لە بریكارەكانی خۆراك دەكەین، سەردانی سەنتەرەكانی فرۆشتنی سەر بە كۆمپانیای گشتی بازرگانی مەوادە خۆراكییەكان بكەن لە پارێزگاكانی وڵات، بۆ مەبەستی وەرگرتنی پشكی خۆراكی هاووڵاتیان، بەپێی ئەو خشتەیەی بۆیان دیاری دەكرێت”.

وەزارەتی بازرگانی جەختیشی كردۆتەوە، بە یەك جار و لە یەك كاتدا بەبێ‌ دواكەوتن و بەبێ‌ ئەوەی هیچ كەموكوڕییەك لە ماددە خۆراكییەكاندا هەبێت، دەست بە دابەشكردنی هەموو مەوادە خۆراكییەكان دەكرێت.