سەردێر

گۆشتفرۆشی وشیاری حاجی كەمال داخرا

خەڵك-

قائیمقامیەتی سلێمانی گۆشفرۆشی وشیاری حاجی كەمال دادەخات.

بەهۆی پابەند نەبون بەمەرج و رێنماییەكانی كاركردن و ساغكردنەوەی گۆشتی هندی بەنرخی فرێش، لیژنە هاوبەشەكانی قائیمقامیەتی سلێمانی گۆشتفرۆشی وشیاری حاجی كەمال لە بازاڕی دارەسوتاوەكەی شاری سلێمانی دادەخات.

فریاد عوسمان، نوێنەری بەڕێوەبەرایەتی ڤێتێرنەری سلێمانی رایگەیاند: بەپێی رێنماییەكانی وەزارەتی كشتوكاڵی هەرێم و بەهۆی هەبونی بڕێكی زۆر (نیتراتی سۆدیۆم – مەوادی پارێزەر) هاوردەكردنی گۆشتی هندی قەدەغەیە و لەهەر شوێنێك دەستی بەسەردا بگیرێت شوێنەكە دەداخرێت و خاوەنەكەشی روبەڕوی رێكاری یاسایی توند دەكرێتەوە.

ئاماژەی بەوەكرد، پاش پشكنینی گۆشتی دوكانی وشیاری حاجی كەمال، دەركەوتوە بەشێك لەوگۆشتەی بەسەر هاوڵاتیاندا ساغیدەكاتەوە گۆشتی هندیە، بۆیە بەفەرمانی قائیمقامی سلێمانی دادەخرێت و خاوەنەكەشی روبەڕوی رێكاری یاسایی دەكرێتەوە.