دوو کۆمپانیای دەرمان لە هەولێر داخران - تۆڕی میدیایی خەڵک

سەردێر

خەڵک_ وەزارەتی دەرەوەی ئێران رایگەیاند "ئەمڕۆ لە ماوەی چەند کاتژمێرێکی داهاتوودا کات و شوێنی دانووساتنەکانی پرسی چەکی ناوەکی ئاشکرا دەکات کە ىڕیارە لە وڵاتێكی کەنداویدا نە ئەنجام بگەیەندرێت". ئەمڕۆ دووشەممە، ئاژانسی رۆیتەزر، لەسەر زاری راوێژکارێکی ئێرانی راێگەیاند "پێدەچیت قەتەر میوانداریی دانووستانە ناڕستەوخۆکانی نێوان ئێران و ئەمریکا بکات". لەو بارەیەوە، سەعید خەتیب زادە، وتەبێژی وەزارەتی دەرەوەی ئێران وتی "ئامانجی گفتوگۆکانی داهاتووی نێوان ئێران و رۆژئاوا چارەسەرکردنی دۆسییە هەڵپەسێنراوەکانە لە پێناو لابردنی ئەو سزایانەی تا ئێستا ئاڕاستەی ئێران کراون". وتیشی، "تۆپەکە ئێستا لە گۆڕەپانی ئەمریکادایە و ئەگەر واشنتۆن ئاروەزوومەند بێت دەتوانین لەو بارەیەوە بگەین بە دەرەنجامێک". خەتیب زادە ئاشكراشیکرد، "گفتوگۆکان لە بارەی چەکی ناوەکییەوە لە ڤییەنا-وە و راستەوخۆ لەگەڵ واشنتۆن-دا نابێت، بەڵكو لە رێگەی یەکێتیی ئەوروپا و بە شێوەیەکی ناڕاستەوخۆ دەبێت". راشیگەیاند "ئەو دۆسیانەی بڕیارە باسیان لێوەبکرێت، بریتیین لە چەند خاڵێکی ناکۆکی و لێکتێنەگەیشتن لە نێوان تاران و واشتنتۆندا".
یانەی چێڵسی ڕایدەگەیەنێت کە پیتەر چێک، ڕاوێژکاری تەکنیکی لە ٣٠ی حوزەیران جێدەهێڵێت. لە دوای دامەزراندنی سێ ساڵ لەمەوبەرەوە، چێک ئامۆژگاری و ڕێنمایی پێشکەش کردووە لەسەر هەموو بابەتەکانی تۆپی پێ و ئاست لە سەرتاسەرییانەکەدا، لە هەمان کاتدا پەیوەندییەکانی نێوان تیپەکانی پیاوان و ئەکادیمیامان بەهێزتر کردووە. چێک دەڵێت: لە ماوەی سێ ساڵی ڕابردوودا ئیمتیازێکی گەورە بوو کە ئەم ڕۆڵە لە چێڵسی ئەنجاممدا، بەهۆی ئەوەی یانەکە لە ژێر خاوەندارێتی نوێدایە،هەست دەکەم ئێستا کاتی گونجاوە بۆ ئەوەی من هەنگاو بنێم بە لایەکدا، خۆشحاڵم کە ئێستا یانەکە لە دۆخێکی نایابدایە لەگەڵ خاوەنە نوێیەکان، و دڵنیام لەسەرکەوتنی داهاتووی چ لەناو یاریگا و چ لە دەرەوەی یاریگا.' تۆد بۆیلی، خاوەنداری چێلسی رایگەیاندووە: 'پێتر ئەندامێکی گرنگی خێزانی چێڵسییە. ئێمە لە بڕیارەکەی تێدەگەین کە هەنگاو بنێت و سوپاسی دەکەین بۆبەشدارییەکانی وەک ڕاوێژکارێک و پابەندبوونی بە یانەکە هیوای سەرکەوتنی بۆ دەخوازین.’
خەڵک- پاشـماوەی کەشتییەکی جەنگیی بەناوبانگی ئەمریکیی سەردەمی جەنگی دووەمی جیهانی دۆزرایەوە لە ناوچەیەکدا کە تا ئێستا بە قوڵترین ناوچەی نێو دەریا هەژمار دەکرێت کە پاشـماوەی تێدا دۆزرابێتەوە. رۆژی چوارشەممەی رابردوو، پاشـماوەی کەشتییەکی سەربازیی کاولکەری ئەمریکی کە لە جەنگی دووەمی جیهانیدا کاری پێکراوە، دۆزرایەوە. کەشتییەکە ناوی (یو ئێس سمۆیڵ بی رۆبێرتس)ە و نازناوی (سامی بی) پێدراوە و لە قوڵی شەش هەزار و 985 مەتر و بە لەتکراوەیی بۆ دوو بەش؛ دۆزراوەتەوە، بەوەش ناوچەی دۆزینەوەکەی دەبێتە قوڵترین ناوچەی نێو دەریا کە تا ئێستا پاشماوەی تێدا دۆزرابێتەوە و بەوەش ژمارەی پێوانەیی پاشماوەی پێش خۆی دەشکێنێت. لەو بارەیەوە، ڤیکتۆر ڤیسکۆڤۆ، لێکۆڵەری ئەمریکی دەڵێت "دیاریکردنی شوێنی ئەم کەشتییە بەناوبانگە شانازییەکی گەورەیە بۆ من و جێی سەرسوڕمانمە، لە رێگەی ئەم دۆزینەوەیە دەرفەتی گێڕانەوەی چیرۆکی پاڵەوانێتیی ئەو سەربازانە دێتە ئاراوە کە لە جەنگی دووەمی جیهانیدا بەشدارییان کردووە و لە لای زۆرێک لە خەڵكی نەناسراون و گوێبیستی چیرۆکی قوربانیدانیان نەبوون". هەروەک، ڤیسکۆڤۆ ئاشکرایکرد "زانیارییەکانی پێشوو کە دەربارەی شوێنی کەشتییەکە لە بەردەستدا بوون، ورد نەبوون بۆیە دۆزینەوەی سەخت بووە".
خەڵك- پەرلەمانی كوردستان رۆژی چوار شەممە دەنگ دەدات لەسەر هەمواری یەكەمی یاسای نەوت و گاز لە هەرێمی كوردستان. سەرۆكایەتی پەرلەمانی كوردستان بانگهێشتی پەرلەمانتارانی كوردستان دەكات، بۆ دانیشتنی ژمارە (10)ی ئاسایی خولی بەهارەی ساڵی چوارەم لە خولی هەڵبژاردنی پێنجەمی پەرلەمانی كوردستان، لە كاتژمێر (1)ی پاش نیوەڕۆ رۆژی چوار شەممە (29ی حوزەران/ یۆنیۆی 2022). بەپێی بەرنامەی كاری دانیشتنی ژمارە (10)ی خولی بەهارە، دەنگدان لەسەر پڕۆژە یاساكانی (هەمواری یەكەمی یاسای نەوت و گاز لە هەرێمی كوردستان) و پڕۆژەیاسای (هەمواری یەكەمی یاسای پاراستن و چاككردنی ژینگە لە هەرێمی كوردستان-عێراق ژمارە (8)ی ساڵی 2008) دەبێت. ئەم هەنگاوەی پەرلەمانی كوردستان لە حاڵێكدایە تا دێت ناكۆكییەكانی نێوان هەولێر و بەغدا لەسەر كەیسی نەوت و غاز خەریكە دەگاتە ئاستی پێكدادانی سەربازی.
خەڵک ناکۆکییە سیاسییەکانی نێوان مۆسکۆ و وڵاتانی هاوپەیمان لەبەرەی ئۆکراین تا دێت توندتر دەبن، بەرپرسێکی باڵای کۆشکی سپیش دەڵێت؛ وڵاتانی ئەندام لە G7، هەوڵەکانیان بۆ قورسترکردنی سزاکانی سەر رووسیا چر دەکەنەوە و دەیانەوێت بریارەکانیان بە جۆرێک لەسەر ئابووری ڕووسیا کاریگەر بن تا شادەمارەکانی ئابورییەکەی ببڕن. ئەو بەرپرسە کە ناوەکەی ئاشکرا نییە و سکای نیوزی عەرەبی زانیارییەکانی بڵاوکردووەتەوە، رایەگەیەنێت؛ "سەرکردەی دەوڵەت و حکومەتەکان کە لە باڤاریا لە باشووری ئەڵمانیا کۆدەبنەوە، زۆر نزیکن لە بڕیارێک کە تێیدا داوا لە وەزیرەکانیان بکەن میکانیزمی بەپەلە دابنێن بۆ ئەوەی سەقفێک دیاریکراو لەسەر نرخی نەوت دابنێن، بە تایبەرت نەوتی ڕووسی. ناوبراو ئاماژەی بەوەدا، ئەم میکانیزمە هێشتا تایبەتمەندییەکانی دیاری نەکراون و داواکارییەکەش پێویستی بە هەماهەنگییەکی زۆر هەیە. ئەو بەرپرسە جەختی لەوە کردەوە: "ئامانج لەم میکانیزمە راگرتنی سەرچاوەی سەرەکیی دارایی نوێیە لە ڤلادیمێر پوتین، سەرۆکی رووسیا و لە هەمان کاتدا دابەزاندنی نرخی سووتەمەنی لە جیهاندا کە بەهۆی کاریگەرییەکانی شەڕی ئۆکرایننرخەکەی بەرز بووەتەوە". ئەو بەرپرسەی کۆشکی سپی رایگەیاندووە، ئەمڕۆ دووشەممە، گروپی حەوت كە كۆبوونەوەی لوتكە لە ئەڵمانیا بەڕێوە دەبات، پلانی خۆی جێبەجێ دەكات بە دانانی سەقفێك دیاریکراو بۆ نرخی نەوتی ڕووسی لەسەر ئاستی جیهان دا. ئاماژه‌ی به‌وه‌شكرد، وڵاتانی G7، به‌ شێوه‌یه‌كی هەماهه‌نگ به‌رده‌وام ده‌بن بۆ كه‌مكردنه‌وه‌ی ده‌ستپێڕاگه‌یشتنی رووسیا به‌ سه‌رچاوه‌ی دارایی. ئەو بەرپرسە ئەمریکییە جەختی لەوە کردەوە کە G7، لە نێوان خۆیاندا هەماهەنگی دەکەن "بۆ بەکارهێنانی باجی گومرگی لەسەر بەرهەمەکانی ڕووسیا، بە مەبەستی یارمەتیدانی ئۆکرانیا". ئاماژەی بەوەشکردووە، پێشتر وڵاتانی خاوەن پیشەسازی گەورەی جیهان رێککەوتوون لەسەر سەپاندنی باجی زیاتر لەسەر هەناردەکانی رووسیا. لە دوای ئۆپەراسیۆنی سەربازی تایبەتی ڕووسیا لە ئۆکراین، وڵاتانی ڕۆژئاوا هەوڵیان دا، وردە وردە ڕێگری بکەن لە ڕووسیا بۆ دەستڕاگەیشتن بەو پێداویستیانەی ڕۆژئاوا کە پێویستیانە بۆ بوارە پیشەسازییەکانی، بە تایبەت بەتایبەت لە بواری پیشەسازی سەربازیدا.
خەڵك- وتەبێژی حكوومەتی هەرێمی كوردستان رایدەگەیەنێت: وەزارەتی دارایی وادەی دابەشكردنی مووچە دیار دەكات. مێدیای پارتی لە زاری جوتیار عادل، وتەبێژی حكوومەتی هەرێمی كوردستانەوە بڵاویكردەوە "وەزارەتی دارایی پەیوەستە بە بابەتی دابەشكردنی مووچە، وەكو حكوومەت پێشتر رامانگەیاندبوو لە داهاتی بەردەست ئەولەویەت بۆ مووچەیە، چاوەڕێی وەزارەتی دارایی دەكەین كاتی دابەشكردنی مووچە دیار بكات". سەبارەت بە هێرشكردنە سەر كێڵگەكانی نەوت و غازی هەرێمی كوردستان لەلایەن گرووپە چەكدارەكان، جووتیار عادل دەڵێت "وەك حكومەتی هەرێمی كوردستان هەموو هەوڵێك دەدەین ئاسایش و سەقامگیری بۆ هاووڵاتییان و كۆمپانیاكان لە هەرێمی كوردستان بڕەخسێنین، ئێستا هەموو كۆمپانیاكان كاری خۆیان دەكەن".
خەڵك- دووهەم كۆمپانیای نەوتی ئەمریكایی لە هەرێمی كوردستان كشایەوە و پابەندبوونی خۆی بە بڕیاری دادگای فیدراڵی راگەیاند. بەپێی راگەیەندراوێك، كۆمپانیای (شلمبجیر)ی ئەمریكایی كە لە بواری خزمەتگوزاری نەوتی هەرێمدا كار دەكات پابەند بوونی خۆی بە بڕیارەكەی دادگای فیدراڵی عێراقەوە راگەیاند. لە نوسراوێكدا بۆ وەزیری نەوتی عێراق كۆمپانیای ( شلمبجیر)ی ئەمریكایی كە لە بواری خزمەتگوزاری لە كێڵگە نەوتییەكانی هەرێمی كوردستان كار دەكات پابەند بوونی خۆی بە بڕیارەكەی دادگای فیدراڵی و مەرجەكانی وەزارەتی نەوتی عێراقەوە راگەیاند. چەند رۆژی رابردوو كۆمپانیای (بەیكەر هیوز)ی ئەمریكایی كە لەبواری خزمەتگوزاری نەوتی هەرێمدا كاری دەكرد، بڕیاری كشانەوە دا لە هەرێمی كوردستان.
خەڵک مووشەکەکانی ڕووسیا دەگەرێنەوە بۆ کیێڤی پایتەختی ئۆکراین، هاوکات لەگەڵ ڕاگەیاندنی مۆسکۆ بۆ دابینکردنی سیستمی مووشەکی "ئەسکەندەر- M" بۆ بێلاڕووس کە توانای ئەتۆمی هەیە، شرۆڤەکاران ئەم نیازە بە "هەنگاوێک بەرەو گەمارۆدانی ئۆکراین لە باکوورەوە ناو دەبەن." سوپای ئۆکراین لە شاری سیڤێرۆدۆنێتسک کشاوەتەوە، کە گرنگترین شاری ناوچەی دۆنباسە، ئەمەش ئاماژەیە بۆ ئەوەی کە ڕووسیا سەرکەوتنێکی گەورەی بەدەستهێناوە لە شەڕی لوگانسک و دۆنێتسک بە کەوتنی سێ پردی سەرەکی ئەو شارە، وەک چۆن ڕووسیا هەوڵی دەدا کۆنترۆڵی تەواوی ڕووباری دۆنباس بکات بۆ دروستکردنی پردێکی وشکانی کە وشکانی ڕووسیا بە نیمچە دوورگەی کریماوە دەبەستێتەوە. ڕۆژی یەکشەممەی ڕابردوو ئۆکراین ڕایگەیاند؛ لە ئەنجامی بۆردومانەکانی ڕووسیا بۆ سەر کیێڤ کەسێک کوژراوە و ٤ کەسیش بریندار بوون، لە کاتێکدا وەزارەتی بەرگری ڕووسیا بۆردومانی کارگەیەکی مووشەکی لە پایتەختی ئۆکراین ئاشکراکرد. بەگوێرەی ماڵپەڕی "مێدوزا"ی رووسی، ئیدارەی ڤلادیمێر پۆتین سەرۆكی رووسیا "كەمترین ئامانج" و "زۆرترین ئامانج"ی هەیە سەبارەت بە سەركەوتن و تەواوكردنی "ئۆپەراسیۆنە سەربازییە تایبەتەکەی". ماڵپەڕەکە ئاماژە بەوە دەكات، مۆسکۆ كەمترین ئامانجی پێویستە بۆ راگەیاندنی سەركەوتن و گرتنی تەواوەتی دۆنباس، کە هێزەکانی ڕووسیا دەبێ بەدەستی بهێنن و ئامانجی کۆتایی کرێملینیس گرتنی کیێڤە. شەڕ بەردەوامە لیۆن رادزیسینی، شرۆڤەکاری تایبەتمەند لە کاروباری ئەمنی و ستراتیژی، دەڵێت؛ "ڕووسیا لە ڕۆژهەڵات ڕازی نابێت و هەرکات دەرفەتێک هاتە پێشەوە دەگەڕێتەوە بۆ کیێڤی پایتەخت، پۆتین ئەو شکستانە لەبیر ناکات کە تێیدا لەو ناوچەیە بەسەر سوپاکەیدا هاتووە". ڕادزیسینی بۆ "سکای نیوز عەرەبی"، ئەوە دەخاتەڕوو، کە "ڕۆژئاوا هەروەها نایەوێت کۆتایی بە شەڕەکە بهێنێت لە هەوڵێکدا بۆ بەهەدەردانی تواناکانی ڕووسیا و لاوازکردنی لە ڕووی ئابووری و سەربازییەوە. ئاماژەی بەوەشدا؛ لەمەودوا بێلاڕووس دەبێتە شوێنی هەڵدانی مووشەکەکان بەرەو "کیێڤ". ئاماژەی بەوەشکرد، "ڕووسیا هەڵەکانی لە کیێڤ دووبارە ناکاتەوە و تاکتیکەکانی گۆڕیوە، دەزانێت بۆردومانکردن و یەکسانکردنی شارەکان لەگەڵ زەوی ئەنجامێکی ئەرێنی بەدوای خۆیدا دەهێنێت". ڕوونیشی كردەوە، بەپاڵپشتی بەرفراوانی رۆژئاوا بۆ كیێڤ بە چەكی قورس، ئەستەمە پەلهاویشتنەکانی رووسیا بە ئاسانی بەری پێبگرێت. لە میانی دیداریدا لەگەڵ ئەلێکساندەر لوکاشینکۆی سەرۆکی بێلاڕووس لە سانت پترسبۆرگ، ڤلادیمێر پۆتینی سەرۆکی رووسیا پشتڕاستی کردەوە کە وڵاتەکەی بەنیازە لە چەند مانگی داهاتوودا سیستەمی مووشەکی ئەسکەندەرM، کە توانای ئەتۆمی هەیە بۆ بێلاڕووس دابین بکات، لە کاتێکدا هێزەکانی دەستکەوتەکانیان لە شاری سیڤێرۆدۆنێتسک بچەسپێنن لە ڕۆژهەڵاتی ئۆکراین. پۆتین ئاماژەی بەوەشکردووە، "سیستمەکانی ئەسکەندەر دەتوانن هەم مووشەکی بالیستی و هەم مووشەکی کروز لە خۆبگرن، هەم مووشەکی ئاسایی و هەم ئەتۆمی" . بەپێی میدیاکانی ڕووسیا مەودای مووشەکەکانی ئەسکەندەر دەگاتە ٥٠٠ کیلۆمەتر، هەروەها خێرایی مووشەکێک ٢٣٠-٢٦٠ مەتر دەبێت لە چرکەیەکدا. ڕووسیا لە ساڵانی نەوەدەکانی سەدەی ڕابردوودا پەرەی بە سیستەمی " ئەسکەندەرM" دا، لە ساڵی ٢٠٠٦ دەستی بە تەیارکردنی سوپای ڕووسیا کردو مووشەکە. ئەو موشەکە بالیستییانەی کە لەلایەن ئەو سیستەمەوە ئاراستە دەکرێن دەتوانرێت بە درێژایی گەشتەکەیان کۆنترۆڵ بکرێن . بەڵێنەکانی زێلێنسکی لە بەرامبەردا ڤۆلۆدیمیر زێلێنسکی سەرۆکی ئۆکراین، لە وتارێکی ڤیدیۆیدا، ئیرادەی خۆی دووپاتکردەوە بۆ نۆژەنکردنەوە و گرتنەوەی هەموو ئەو شارانەی ئۆکراین کە لەلایەن ڕووسیاوە دەستی بەسەردا گیراوە، بە تایبەتیش ئاماژەی بە سیڤێرۆدۆنێتسک کرد، لەگەڵ دۆنێتسک، لوگانسک، مێلیتۆپۆل و ماریۆپۆڵ. سه‌رۆک کۆماری ئۆکراین ڕایگه‌یاند؛ وڵاتەکەی به‌ قۆناغێکی سه‌ختی شه‌ڕدا تێده‌په‌ڕێت، ئاماژەی بەوەشکرد، ئێمە دەزانین کە هێشتا دەتوانین وڵات بپارێزین.
خەڵك- ئیبراهیم كاڵن وتەبێژی وەزارەتی دەرەوەی توركیا رەخنەی لە كەناڵی دەوڵەتی سوێد گرت بەهۆكاری ئەوەی چاوپێكەوتنی لەگەڵ ساڵح موسلیم هاوسەرۆكی گشتی پەیەدەدا ئەنجامداوە. ئیبراهیم كاڵن لە لێدوانێكدا رەخنەی لە كەناڵی فەڕمی دەوڵەتی سوێد گرت و رایگەیاند لە كەناڵی دەوڵەتی سوێددا چاوپێكەوتن لەگەڵ ساڵح موسلیمدا بڵاوكراوەتەوە. كاڵن رایگەیاند، دەبێت هەڵوێستی روون بەرامبەر پەكەكە و پەیەدە و یەپەگە نیشان بدەن. كاڵن بۆ كەناڵی فەڕمی وڵاتەكەی هەڵسەنگاندنی بۆ ئەگەری ئەندامبوونی سوێد و فێنلاند و ئەگەری هێرشی سەر رۆژئاوای كوردستان كرد. ناوبراو رایگەیاند لەسەر ئاستی باڵا كۆبوونەوە لەنێوان توركیا و سوێد و فێنلاند دەكرێت و دەبێت ئەو دەوڵەتانە لە دژی یەپەگە ببنە خاوەن هەڵوێست. بەهۆی پشتیوانییەكانی سوێد و فێنلاند بۆ رۆژئاوای كوردستان، توركیا ڤیتۆی ئەندامبوونی ئەم دوو دەوڵەتەی لە هاوپەیمانی ناتۆ كردووە، لەو چوارچێوەیەدا گفتووگۆكان بەردەوامن. وتەبێژی وەزارەتی دەرەوەی توركیا لەبارەی ئەگەری هێرشی سەر رۆژئاوا رایگەیاند ئێمە لە ماوەی ساڵانی رابردوو سێ ئۆپەراسیۆنی گەورەمان لە باكووری سووریا كردووە، هەر كاتێك هەڕەشە لەسەر سنوور هەبێت، رێوشوێنی پێویست دەگرینەبەر، بەڵام ئێمە دەست بۆ یەكپارچەیی خاكی سووریا نابەین.
خەڵك- ئەمڕۆ دووشەممە، 27ی حوزەیرانی 2022، یەکەم رۆژی تاقیکردنەوەکانی خولی یەکەمی پۆلی دوازدەهەمینی ئامادەییە، 107 هەزار و 130 خوێندکار بەشداری تاقیکردنەوەکان دەکەن، دابەشبوون بەسەر دوو هەزار و 175 هۆڵی تاقیکردنەوە، سەرجەم ڕێکارەکان بۆ ڕێگری لە گزی گیراوەتە بەر. تاقیکردنەوەکە لە سەرجەم شاروشارۆچکەکانی هەرێمی کوردستان دەستیپێکردووە، لە پارێزگای سلێمانی 28 هەزار و 728 خوێندکار دابەشکراون بەسەر 658 هۆڵی تاقیکردنەوەدا، لە پارێزگای هەولێر 35 هەزار و 632 خوێندکار لە 661 هۆڵ تاقیکردنەوە ئەنجام دەدەن. تاقیکردنەوەکان هەموو ڕۆژانێکی دووشەممە و پێنجشەممان دەبێت، لە کاتژمێر 7:30 خولەک تاقیکردنەوەکانی دەستپێدەکات، لەپێناو دزە نەکردنی پرسیارەکانی تاقیکردنەوەکاندا لە کاتژمێر 6:30 خولەکی بەیانییەوە تا کاتژمێر 10:30 هێڵەکانی ئینتەرنێت ڕادەگیرێت، کۆی گشتی تاقیکردنەوەکان حەوت تاقیکردنەوەیە. لە کۆنگرەیەکی ڕۆژنامەنووسیدا، ئالان حەمەسەعید، وەزیری پەروەردەی حکومەتی هەرێمی کوردستان ڕایگەیاند، سەرجەم پێداویستییەکان لە فێنککەرەوە، کارەبا و لایەنە ئەمنییەکان دابین کراوە، بۆ ڕێگری لە دزەکردنی پرسیارەکان، بەکارهێنانی مۆبایلی زیرەک قەدەغەکراوە، هەر مامۆستایەکیش هەر هاوکارییەکی خوێندکاربکات ئەوا ڕووبەڕووی سزای یاسای دەبێتەوە. بە خوێندکارانی ڕاگەیاند، کڕینی پرسیار بوونی نییە، هەڵخەڵەتاندنی خوێندکارانە، تا کاتژمێر پێنجی بەیانیش پرسیار لە هیچ پارێزگایەکدا نەبووە.

دوو کۆمپانیای دەرمان لە هەولێر داخران

سەرهەنگ خالید

هەواڵ بڵاوکراوەتەوە: 23/06/2022

خەڵک-

بەڕێوەبەرایەتی کۆنتڕۆڵی جۆری دەرمان رایگەیاند، دوو کۆمپانیای دەرمانیان بەھۆی سەرپێچیکردن لە ڕێنماییەکان داخران.

بەڕێوەبەرایەتی کۆنتڕۆڵی جۆری دەرمان لە راگەیەندراوێکدا بڵاویکردووەتەوە، لە زنجیرەی گەڕان و بەدواداچوونەکانی تیمی چاودێری بازاڕی بەڕێوەبەرایەتی کۆنتڕۆڵی جۆری دەرمان بە مەبەستی ئاگاداربوون و چاودیریکردنی کۆمپانیاکانی ھاوردەکردنی دەرمان و پابەندبوونیان بە مەرج و ڕێنماییەکانی KMCA، سەردانی چەند کۆمپانیایەکی دەرمان کرا، بەھۆی سەرپێچیکردن دوو کۆمپانیا.

لە راگەیەندراوەکەدا هاتووە، دەستخۆشی لە چەند کۆمپانیایەک کرا بە جێبەجێکردنی ڕێنماییەکان و پابەندبوونیان بە گشت مەرج و ڕێکارە یاساییەکانی وەزارەتی تەندروستی و بەجێھێنانی ئەرک و کارەکانیان بە شێوەیەکی ڕێک و زانستیانە.

May be an image of indoor

May be an image of indoor

May be an image of 3 people and indoor

May be an image of indoor

May be an image of 1 person, standing and text that says 'KMCA Kurdistan Medicines ontre KdAg Agency'

May be an image of 1 person and standing

کلیە وشەکان:
کۆمپانیای دەرمان

هەلبژاردە
گرنگترینەکان