سەردێر

دانەغاز ژمارەی بریندارەكانی ڕووداوەكەی كۆرمۆر ئاشكرا دەكات

خەڵك-
كۆمپانیای دانەغازی ئیماراتی ژمارەی بریندارەكانی هێرشە مووشەكییەكەی سەر كێڵگەی كۆرمۆر ئاشكرا دەكات و دەڵێت، دوو كارمەندیان بە سووكی بریندار بوون.

بەپێی ڕاگەیەندراوێك كە ئەمڕۆ پێنج شەممە لەلایەن كۆمپانیای دانەغازەوە بڵاوكرایەوە”لەبارەی هێرشە مووشەكییەكەی دوێنێی سەر كێڵگەی كۆرمۆر دوو كارمەندمان بەسوكیی برینداربوون، بەڵام لە ئێستادا گەڕاونەتەوە سەر كار، هێرشەكە هیچ زەرەر و زیانێكی نەبووە، بۆیە كارەكانیان بەردەوامن لەكاركردن”.

دوێنێ بەڕێوەبەرایەتیی دەزگای دژەتیرۆر ڕایگەیاند، كاتژمێر 4:45 خولەكی پاش نیوەڕۆ كاتیۆشایەك لە شوێنێكی نادیارەوە ئاراستەی كێڵگەی كۆرمۆر كرا، هێرشەكە هیچ زیانێكی گیانی نەبووە و هێزەكانیان سەرقاڵی بەدواداچوون و لێكۆڵینەوەن لەو ڕووداوە و لەداھاتوودا وردەكاریی زیاتر بۆ كۆمەڵانی خەڵكی كوردستان بڵاودەكەینەوە.