سەردێر

سەرۆكی ئۆكراینا: بەبێ‌ چەك و تەقەمەنی پێویست ناتوانیین بەرگری لە وڵاتەكەمان بكەین

 

خەڵك-
سەرۆكی ئۆكراینا، هێزەكانی سوپای روسیا بە بۆردومانكردن و بە ئامانجگرتنی تەواوی شارەكانی سەر بە ناوچەی دۆنباس تۆمەتبار دەكات و دەڵێت، ڕوسیا دەیەوێت ئەو ناوچەیە بە تەواوی خاپور بكات، بەڵام ئەوان بەردەوامن لە ڕاوەدونانی داگیركەرانی وڵاتەكەیان، بەپێویستیشی دەزانێت چەك و تەقەمەنی تەواوییان پێبگات، تا بتوانن بەرگری لە وڵاتەكەیان بكەن.

ئەمڕۆ پێنج شەممە، تۆڕی هەواڵی BBC، لە زاری ڤۆڵۆدێمیر زلێنسكی سەرۆكی ئۆكراینا بڵاویكردەوە”هێزەكانی روسیا دەیانەوێت بەهەرچ شێوەیەك بێت ئۆكراینا و ناوچەكانی دۆنباس بە تەواوی خاپور بكەن، بۆیە بەشێوەیەكی چڕ دەستیانكردوە بە بۆردومانكردنی تەواوی ناوچەكانی دۆنباس و بە هاوكاری تۆپهاوێژ و فڕۆكە جەنگییەكانیان دەیانەوێت تەواوی شارەكانی ئەو ناوچەیە وێراتن بكەن”.

بە وتەی سەرۆكی ئۆكراینا “تا ئەو كاتەی بەخێرایی چەك و تەقەمەنی پێویست بە هێزەكانی وڵاتەكەمان نەگات، ناتوانین بەهیچ شێوەیەك پارێزگاری لە شارەكانمان بكەین، بەڵام بەم شێوەیەی ئێستاش كۆڵنادەین و بەردەوامدەبین لە ڕاوەدونانی داگیركەرانی وڵاتەكەمان”.

زیلینسكی دەڵێت””هێزەكانی روسیا بەشێوەیەكی گشتی تەواوی هەوڵەكانیان خستۆگەڕ، تا هەردوو شاری سڤرۆدنێستك و لیسیكێنسك داگیربكەن، چونكە لەوبڕوایەدان دوا خاڵی روبەڕوبونەوەی هێزەكانیانە لەگەڵ هێزەكانی ئۆكراینا”.