سەردێر

مۆسكۆ دژی ئۆپەراسیۆنی توركیایە لە رۆژئاوای كوردستان

خەڵك-

كرملن ڕایگەیاند روودانی ئۆپەراسیۆنێكی نوێی سەربازی توركیا لە سوریا سەقامگیری دروست ناكات.

دیمیتری پێسكۆڤ، وتەبێژی كرملن، رایگەیاند “ئێمە لەو باوەڕەدا نین ئەم ئۆپەراسیۆنە تایبەتە یارمەتیدەربێت بۆ سەقامگیری و ئاسایشی كۆماری عەرەبی سوریا”.

توركیا دەڵێت دەبێت لە ناوچە زۆرینە كوردنشینەكانی سوریا ئۆپەراسیۆنێك ئەنجامبدات، چونكە واشنتن و مۆسكۆ بەڵێنەكانیان شكاند بۆ دوورخستنەوەی شەڕڤانانی یەكینەكانی پاراستنی گەل (یەپەگە) بە دووری 30 كم لە خاكی توركیا.

لەلایەكی دیكەوە توركیا پشتیوانی لە ئۆپۆزسیۆنی عەرەبی سوریا كردووە كە دژی كورد و دژی سەربازەكانی حكومەتی ئەسەدیش جەنگاون.

حكومەتی سوریا هیچ لێدوانێك لەسەر جموجۆڵەكانی سەربازەكان نادات، بەڵام رۆژنامەی ئەلوەتەنی لایەنگری حكومەت هەفتەی رابردوو بڵاویكردەوە، سەرباز و تانك و چەكی قورسی سوریا لە كۆتایی هەفتەدا وەك وەڵامێك بۆ جوڵەكانی توركیا بڵاوەیان پێكراوە.
سەرچاوە/voa