سەردێر

هەولێر، ژنێك دەچێتە سەر ماڵێك و بڕێك پارە و مۆبایلەكانیان دەدزێت

بەڕووداوێكی دەگمەن دادەنرێت

خەڵك-
پۆلیسی هەولێر دەستگیركردنی ژنێك ڕدەاگەیەنێت كە بڕێك پارە و دوو مۆبایلی لە ماڵێكدا دزیوە.

هۆگر عەزیز، وتەبێژی پۆلسی هەولێر لە لێدوانێكی ڕۆژنامەوانیدا ڕایگەیاند: “دوای ئەوەی كەسێك سكاڵای یاسایی تۆمار كرد، كە دزی لە ماڵەكەی كراوە، لە لێكۆڵینەوەكاندا دەركەوتووە ژنێك دزی لێكردون”.

بە وتەی هۆگر عەزیز”: “بە گوتەی خاوەن ماڵەكە ئەو ژنە لە كاتژمێر 5ی بەیانی چووەتە ماڵەكەیان و بڕی 6 هەزار و 300 دۆلار و دوو مۆبایلی لێ دزیون”.

وتەبێژی پۆلیسی هەولێردەڵێت: “ئەوە یەكەمجارە ژنێك كاتژمێر 5ی بەیانی دزی بكات، بەڵام دیارە پەیوەندییەكی ناسیاوی لەنێوان ئەو ژنە و ماڵەكەدا هەبووە، ئێستا ژنەكە بەپێی ماددەی 443 لە یاسای سزادانی عێراقی بەندكراوە”.