سەردێر

ئەمڕۆ زەوییەكانی چاڤی لاند دەفرۆشرێن

خەڵك

بەپێی چوار نوسراو كە بەڕێوەبەرەیەتی تۆماری خانووبەرەی دووی سلێمانی، بڵاویكردووەتەوە، بەشێك لە زەوییەكانی ناو پرۆژەی چاڤی لاند، كە پرۆژەیەكی پشكدارییە، دەخرێنە زیادكردنی ئاشكرا و بەپێی نرخی خەمڵێندراو دەفرۆشرێن.

بەپێی نوسراوەكان، كە ناوی (كوردۆ ئەفراسیاب) بەڕێوەبەری تۆماری خانووبەرەی دووی سلێمانی لەسەرە و لە پێگەی تایبەتی بەڕێوەبەرایەتییەكە لە فەیسبووك بڵاوكراوەتەوە، بانگەواز كراوە، كە؛
– بەڕێوەبەرایەتیمان لە كاتژمێر ١٢ی نیوەڕۆی رێكەوتی (٢٠٢٢/٠٥/٢٥) هەڵدەستێت بە فرۆشتنی هەموو موڵكی(١٣٩/٢٩٩) كەرتی (١ ملكندی و دباشان) بە زێدەگەریی ئاشكرا كە رەگەزەكەی زەوییە و رووبەرەكەی (٩ دۆنم) و (١٦ ئۆلك) و (٧٧) مەتر دووجایە و دەكەوێتە ناو پرۆژەی چاڤیلاندەوە و خەمڵێنراوە بە (٣٦) ملیار و (٢٦٥) ملیۆن و (٥٠٠) هەزار دینار.
هەركەس ئارەزووی بەشداریكردنی لەو زێدەگەرییەدا هەیە با پێش كاتژمێر ١٢ی رێكەوتی ناوبراو سەردانی ژووری (٣٩)ی هۆبەی یاسا بكات و بڕی (٣) ملیار و (٦٢٦) ملیۆن و (٥٥٠) هەزار دینار وەك بارمتەی یاسایی بە (چەكی تأمیناتی بانكی) لەگەڵ خۆی بهێنێ تاكو بتوانێ بەشداری بكات لە زێدەگەرییەكەدا.

راشیگەیاندووە، بەڕێوەبەرایەتیمان لە كاتژمێر ١٢ی نیوەڕۆی رێكەوتی (٢٠٢٢/٠٥/٢٥) هەڵدەستێت بە فرۆشتنی هەموو موڵكی (١٣٩/٣٠٠) كەرتی (١ ملكندی و دباشان) بە زێدەگەریی ئاشكرا كە رەگەزەكەی زەوییە و رووبەرەكەی (٢٦ دۆنم) و (٢٣ ئۆلك) و (١٥) مەتر دووجایە و دەكەوێتە ناو پرۆژەی چاڤیلاندەوە وە خەمڵێنراوە بە (٦٧) ملیار و (٣١٥) ملیۆن دینار.

دەشڵێـت: بۆیە هەركەس ئارەزووی بەشداریكردنی لەو زێدەگەرییەدا هەیە با پێش كاتژمێر ١٢ی رێكەوتی ناوبراو سەردانی ژووری (٣٩)ی هۆبەی یاسا بكات و بڕی (٦) ملیار و (٧٣١) ملیۆن و (٥٠٠) هەزار دینار وەك بارمتەی یاسایی بە (چەكی تأمیناتی بانكی) لەگەڵ خۆی بهێنێ تاكو بتوانێ بەشداری بكات لە زێدەگەرییەكەدا.

راشیگەیاند، بەڕێوەبەرایەتیمان لە كاتژمێر ١٢ی نیوەڕۆی رێكەوتی (٢٠٢٢/٠٥/٢٥) هەڵدەستێت بە فرۆشتنی هەموو موڵكی (١٣٩/٣١١) كەرتی (١ ملكندی و دباشان) بە زێدەگەریی ئاشكرا كە رەگەزەكەی زەوییە و رووبەرەكەی (٦دۆنم) و (٢٠ ئۆلك) و (٧) مەتر دووجایە و دەكەوێتە ناو پرۆژەی چاڤیلاندەوە وە خەمڵێنراوە بە (٢١) ملیار و (٢٥٨) ملیۆن و (٧٥٠) هەزار دینار.

بۆیە هەركەس ئارەزووی بەشداریكردنی لەو زێدەگەرییەدا هەیە با پێش كاتژمێر ١٢ی رێكەوتی ناوبراو سەردانی ژووری (٣٩)ی هۆبەی یاسا بكات و بڕی (٢) ملیار و (١٢٥) ملیۆن و (٨٧٥) هەزار دینار وەك بارمتەی یاسایی بە (چەكی تأمیناتی بانكی) لەگەڵ خۆی بهێنێ تاكو بتوانێ بەشداری بكات لە زێدەگەرییەكەدا.

-بەڕێوەبەرایەتیمان لە كاتژمێر ١٢ی نیوەڕۆی رێكەوتی (٢٠٢٢/٠٥/٢٥) هەڵدەستێت بە فرۆشتنی هەموو موڵكی (١٣٩/٢٩٨) كەرتی (١ ملكندی و دباشان) بە زێدەگەریی ئاشكرا كە رەگەزەكەی زەوییە و رووبەرەكەی (٨ دۆنم) و (٥ ئۆلك) و (٩٦) مەتر دووجایە و دەكەوێتە ناو پرۆژەی چاڤیلاندەوە وە خەمڵێنراوە بە (٣٠) ملیار و (٨٩٤) ملیۆن دینار.

بۆیە هەركەس ئارەزووی بەشداریكردنی لەو زێدەگەرییەدا هەیە با پێش كاتژمێر ١٢ی رێكەوتی ناوبراو سەردانی ژووری (٣٩)ی هۆبەی یاسا بكات و بڕی (٣) ملیار و (٨٩) ملیۆن و (٤٠٠) هەزار دینار وەك بارمتەی یاسایی بە (چەكی تأمیناتی بانكی) لەگەڵ خۆی بهێنێ تاكو بتوانێ بەشداری بكات لە زێدەگەرییەكەدا.

پێدەچێت فرۆشتنەوەی ئەو زەوییانەی چاڤی لاند پەیوەندیی بە نەدانەوەی قەرزی سەر كۆمپانیای نالیاوە هەبێت بە حكومەت.

جێی باسە پێشتریش بەرامبەر نەدانەوەی هیچ بڕە پارەیەك لەو قەرزە كەڵەكەبووەی كە لەسەر پرۆژەی چاڤی لاند تۆماركراوە لە پارەی كارەبا، دوای چەند جارێك ئاگاداركردنەوەیان و ئامادەنەبوونیان بە پێدانی قەرزی كارەبا، بەڕێوەبەرایەتی كارەبای سلێمانی كارەبای نیشتیمانی لە پرۆژەكە بڕی.

بەگوێرەی ئەو زانیارییانەی كە لە بەڕێوەبەرایەتی گشتی كارەبای سلێمانی بە نوسراوی 1688 لە بەرواری 10-2-2022 بڵاویكردبووەوە “دوای ئەوەی بە فەرمانێك بڕیاردرا بە بڕینی كارەبای پرۆژەی چاڤی لاند بەهۆی كەڵەكەبوونی بڕی یەك ملیار و 959 ملیۆن دینار، چەند جارێك بەرپرسانی ئەو پرۆژەیە ئاگاداركراونەتەوە بە پێدانی ئەو بڕە پارەیە، بەڵام بەرپرسانی پرۆژەكە ئامادەنەبوون هیچ بڕە پارەیەك بدەن”.

ئاماژە بەوەشكراوە، “بەفەرمی دەستكرا بە بڕینی كارەبای نشتیمانی چاڤی لاند و هاوكات بە گوێرەی ئەو فەرمانەشی كە دەرچووە دەستبەسەر ماڵە گوازراوەكانی كۆمپانیای چاڤیدا دەگیرێت بەگوێرەی ئەندازەی ئەو قەرزەی كە لای كۆمپانیای چاڤییە بۆ وەبەرهێنانی گەشتیاری”.

دانا لهۆنی، پارێزەری خاوەن پشكەكانی چاڤی لاند، پێشتر و لە میانی ناڕەزاییەكانی خاوەن پشكەكانی چاڤی لاند، ڕاگەیاند؛ بە بڕی زیاتر لە 30 ملیار دینار 10 هەزار خێزان بەشداریان لە پرۆژەكەدا كردووه و وەك پێویست بەشداربووان سوود مەند نەبوون لە قازانجی پڕۆژەكە.

دانا لهۆنی، ئەوكات داواشی لە سەرۆكی حكومەت و جێگرەكەی كرد بێتە دەنگ لە ئاست ئەو پێشێلكارییەی بەرامبەر بەو خاوەن پشكانە دەكرێت، چونكە لە ئەگەری دەستبەسەردا گرتنی موڵكەكانی كەسی یەكەمی پڕۆژەكە لەبەرامبەر قەرزەكانی ئەوا مافی خاوەن پشكەكانیش دەكەوێتە مەترسیەوە.