سەردێر

هەپەگە ئاماری یەك مانگ جەنگی لەگەڵ توركیا راگەیاند

خەڵك-

ناوەندی راگەیاندن و چاپەمەنیی هێزەكانی پاراستنی گەل (هەپەگە) ئاماری مانگێكی جەنگی نێوان گەریلا و سووپای توركیای بڵاوكردەوە.

ناوەندی راگەیاندن و چاپەمەنیی هێزەكانی پاراستنی گەل (هەپەگە) رایگەیاند، “مانگێك بەسەر هێرشە بەرفراوانەكەی دەوڵەتی توركیا تێدەپەڕێت، كە لە ١٤ی نیسانەوە لە ناوچەكانی زاپ و ئاڤاشین-ی هەرێمەكانی پاراستنی مەدیا دەستی پێكردووە”.

راشیگەیاند “هەزاران تۆپ و هاوەن لە ناوچەی بەرخودانیان داوە. ٨١٣ جار لەلایەن فڕۆكە جەنگیەكانەوە بۆردوومان ئەنجامدراوە، ١٦٤ جار چەكی كیمیایی بەكارهێنراوە”.

ئاشكراشیكرد “لە ماوەی یەك مانگ هێرشدا ٢٥ هاوڕێمان چوونە كاروانی نەمرانەوە”.

ئاشكراشیكرد لەو مانگەدا گەریلا بە گشتی ٣٤٣ چالاكیی جۆراوجۆری دژی سووپای توركیا ئەنجامداوە، لە ئەنجامدا ٤٢٧ سەرباز كوژراون و ٨٨ یش بریندار بوون.