سەردێر

هاووڵاتییەك و 70 سەر ئاژەڵ لە رووباری سیرواندا رزگار كران

خەڵك-

هاووڵاتییەك و 70 سەر ئاژەڵ لە رووباری سیرواندا رزگار كران دوای گیرانەوەی ئاوی دەربەندیخان.

_قائیمقامیەتی قەزای دەربەندیخان رایگەیاند، پاش نیوەڕۆی ئەمڕۆ بەرواری ١٤/٥/٢٠٢٢ ئاگاداری قائیمقام كرا كە لە كاتی بەردانەوەی ڕوباری سیرواندا هاوڵاتییەك ، بەخۆیی و نزیكەی ٧٠ سەر ئاژەڵەوە لە ناوەڕاستی ڕوباری سیروان نزیك بازگەی ژاڵەناو مەترسی خنكانیان لەسەرە قائیمقام ڕاستەوخۆ لە دوای پەیوەندی بەلێپرسراوی بەرگری شارستانی دەربەندیخان .چووە شوێنی ڕوداوەكەو وە پەیوەندی بە بەڕێوەبەری بەنداو لێپرسراوی بەشی كۆنتڕۆڵی ویستگەی كارەبای دەربەندیخانەوە كرد ، بۆ گیرانەوەی ئاوی بەنداوی دەربەندیخان .

‎ قائیمقامیەتی قەزای دەربەندیخان لە راگەیەندراوێكدا رایگەیاند، لێرەوە قائیمقام دەست خۆشی لەهەریەك لە بەڕێوەبەری بەنداو و لێپرسراوی بەشی كۆنتڕۆڵی كارەبای دەربەندیخان و لێپرسراوی بەرگری شارستانی دەربەندیخان و تیمی مەلەوانیان دەكات كە لەدوای گرتنەوەی ئاوی بەنداوەكە توانرا لە ماوەی یەك كاتژمێردا هاوڵاتیەكەو سەرجەم ئاژەڵەكانی بەسەلامەتی ڕزگاربكەن.