سەردێر

سەرچاوە ئاوییەكان مەترسییان لەسەرە

خەڵك-

بەڕێوەبەری بەنداوە ئاوییەكانی هەرێمی كوردستان رایگەیاند، هەوڵەكانی توركیا بۆ دروستكردنی بەنداوێكی تر لەسەر سەرچاوە ئاوییەكانی عێراق، بەرپرسانی عێراقی نیگەران كردووە.

ڕەحمان خانی بەڕێوەبەری بەنداوە ئاوییەكانی هەرێمی كوردستان بۆ دەنگی ئەمەریكا، دەڵێت “دووەم ساڵە لەسەر یەك، كەم بارانی و كەمی بەفربارین، كاریگەری هەبووە لەسەر دەغڵ و دانی جوتیاران و ئاستی ئاوی نێو بەنداوەكانی هەرێم، جگە لە گرفتی كەم بارانی و گۆڕانكاریەكانی كەش و هەواش، ئێران چەندین بەنداوی لەسەر ڕووباری سیروان و زێی بچوك دروستكردووە، بەمەش ئاو كەم دەڕژێتە نێو سیروانەوە.”

ڕوونیشیكردەوە، بەنداوی حەمرین لە پارێزگای دیالە، توشی گەورەترین كێشە بووە، تەنها 10%بۆ 15% ئاوی تێدا ماوە، بۆیە ئەو ئاوەی لە بەنداوی دەربەندیخانەوە بەری دەدەینەوە، بەشی پێداویستیەكانی ئەوان نەكات.

ڕەحمان خانی باسیلەوەشكرد، لەگەڵ وەزارەتی سەرچاوە ئاویەكانی عێراق و بە ئاگاداری وەزارەتی سەرچاوە ئاویەكانی هەرێم، پلانێكیان داناوە تا بتوانن تا زستانی داهاتوو ئاو بۆ خەڵك دابین بكەن، بەشێوەیەك بەنداوە بچوكەكان بەشی گوندەكانی دەوروبەریان بكەن، بەپێی پێویست ئاو بۆ ناوچەكان بەربدەنەوە.