سەردێر

خۆڵبارین چەند ناوچەیەك دەگرێتەوە

خەڵك-
بەپێی دوایین پێشبینییەكانی كەشوهەوا، ئەمڕۆ پێنج شەممە چەند ناوچەیەك لە باكووری عیراق دەكەوێتە ژێر كاریگەریی هەورە بروسكە، شەپۆلێكی خۆڵبارینیش لە باشووری شاری موسڵ دروستدەبێت، لەگەڵ بوونی خۆڵبارینێكی كەم لە چەند بەشێك لە ناوچەكانی خۆرئاوا و باشووری وڵات.

حسێن ئەسەدی، كەشناسی عیراقی لە نوسینێكیدا لەسەر تۆڕی كۆمەڵایەتی (فەیسبوك) ڕایگەیاند”نەخشەی كەشوهەوا ئاماژە بە دەستپێكردنی چالاكی هەورە بروسكە دەكات لە ناوچەكانی باكووری موسڵ و هەندێك ناوچە لە دهۆك و هەولێر و سلێمانی، ئەم چالاكییەش لەماوەی چەند كاتژمێری داهاتوودا كۆتایی دێت”.

بە وتەی ئەسەدی”هەروەها شەپۆلێكی خۆڵبارین لە باشوور موسڵ دروستبوو كە ئاراستەكەی ڕوو لە سەڵاحەدین و ناوچەكانی ناوەڕاستە، بە هەمان شێوە خۆڵبارینێكی كەم لە چەند بەشێكی جیاجیا لە ناوچەكانی خۆرئاوا و ناوچەكانی باشوور دروست دەبێت”.