هەولێر؛ لە 18 وێستگە بەنزینی عێراقی دابەش دەكرێت - تۆڕی میدیایی خەڵک

سەردێر

خەڵك- ئانا یڤستیغنییڤا، جێگری نوێنەری ڕوسیای فیدراڵ لە نەتەوە یەكگرتووەكان ڕایدەگەیەنێت، ئەنجومەنی ئاسایشی نێودەوڵەتی، بۆتە مینبەر بۆ وتاری ڕیكلامە ساختەكانی خۆرئاوا. یڤستیغنییڤا لە كۆبوونەوەی ئەنجومەنی ئاسایشی نێودەوڵەتی ڕایگەیاند:"بەپێی هەندێك لە باسەكان، بۆ نمونە لە ئۆكراینا.. كاروبارەكان گەیشتوونەتە ئاستی پڕوپوچی، ئەنجومەنی ئاسایش بۆتە مینبەرێك بۆ گوزارشتكردن لە وتاری ڕیكلامە ساختەكانی وڵاتانی خۆرئاوا، لە سەرو ئەمەشەوە ڕاوبۆچوونی خۆرئاوا پێشوەخت دەخرێتەڕوو، وەك بڵێیت تەنیا هەر ئەو ڕاوبۆچوونە ڕاستە". جێگری نوێنەری ڕوسیا لە نەتەوە یەكگرتووەكان دەڵێت:"ئەم پەیڕەوە وێرانكەرە بەشێوەیەكی زیاتر دەبێتە مایەی دابەشبوون و پەرتبوونی ئەندامانی ئەنجومەنی ئاسایش".
خەڵك- سەرچاوەیەكی ئاگادار لە بواری پیشەسازی سەربازی ڕوسی ڕایدەگەیەنێت، شارەزایانی ڕوس دەستییان كردووە بە تاقیكردنەوەی ژێرئاوگەڕێكی نوێی ئەتۆمی مووشەكی. سەرچاوەكە لە 26ی ئەم مانگەدا بە ئاژانسی (تاس)ی ڕوسی ڕاگەیاندووە"ژێرئاوگەڕی كراسنۆیارسكی ئەتۆمی مووشەكی ڕوسی نوێ‌، لە جۆری Yasen-Mی كارگەی سیڤماشە و بەرەو دەریای سپی ڕەوانەكراوە بۆ مەبەستی تاقیكردنەوەی". بە وتەی سەرچاوەكە"لەكاتی تاقیكردنەوەكاندا ئامێرەكانی نێو ژێرئاوگەڕەكەش تاقیدەكرێنەوە، بە هەمان شێوە شارەزایان توانای كراسنۆیارسك تاقیدەكەنەوە لەڕووی جوڵە و گەڕان لەنێو ئاودا، تەئكید لە هاوتاكردنی ئەو تایبەتمەندیانەش دەكەنەوە كە لە پرۆژەی دیزاینەكەیدا ڕاگەیەندرا". ڕوسیا لە ساڵی 2014 دەستیكرد بە پەرەپێدانی ژێرئاوگەڕی K-571 "كراسنۆیارسك" لە كارگەی سیڤماش، لە چوارچێوەی پرۆژەی حكومی 885М، بۆ یەكەمجاریش لە ساڵی 2021دا خستییە نێو دەریاوە. ژێرئاوگەڕە پەرەسەندووەكانی Yasen-M كە لە چوارچێوەی پرۆژەیەكی حكومیدا دروستكران، مووشەكەكانی كالیبەر و ئۆنێكسی باڵدار و دوورمەودا هەڵدەگرن بە سیستمی مووشەكی "تسیركون"ی دژی كەشتی جەنگی، بە هەمان شێوەی تۆربیدی دژ بە ژێرئاوگەڕ و كەشتی تێدایە بە عەیارەی 533 ملم. ئەم ژێرئاوگەڕانە بەبڕی 13800 تەن توانای لابردنی ئاویان هەیە، تواناشیان هەیە بە قوڵایی 600 مەتر بچە چێر دەریاوە، وێڕای هەیكەلەكەی كە لە ماددەیەكی وەها تایبەت دروستكراوە كە كەمترین ژاوەژاو لەكاتی جوڵەدا دروستدەكات، ئەمەش یاریدەر دەبێت بۆی، تا بە ئاسانی خۆی لە كەشتی و ژێرئاوگەڕەكانی دووژمن بشارێتەوە.
خەڵك- وەزارەتی دارایی هەرێم دوای ڕاگەیاندنی خشتەی مووچەی مانگی 6، گۆڕانكاری لە خشتەكەدا كرد و خانەنشینی پێشمەرگەی بۆ زیادكرد. ئەمڕۆ سێ‌ شەممە، وەزارەتی دارایی و ئابووری هەرێم خستەی مووچەی مانگی 6ی سەرجەم وەزارەت و فەرمانگە و دامەزراوەكان و خانەنشینانی مەدەنی و كەسوكاری شەهیدان و زیندانیانی سیاسی و خاوەن پێداویستییە تایبەتییەكانی بڵاوكردەوە. بەپێی خشتەكە، لە ماوەی یەك هەفتەدا لە 30ی حوزەیران تا 7ی تەمموز مووچە دابەش دەكرێت، بەڵام لە خشتەكەدا مووچەی خانەنشینانی سەربازی (پێشمەرگە)ی تێدا نەبوو. دوابەدوای پەیامی هاووڵاتیان لە تۆڕە كۆمەڵایەتییەكان و هەواڵی میدیاكان، وەزارەتی دارایی گۆڕانكاری لە خستەی مووچە كرد و مووچەی خانەنشینانی پێشمەرگەی بۆ خشتەكە زیادكرد و بڕیار درا لەگەڵ سێ‌ سەرۆكایەتییەكەی هەرێم لە ڕۆژی پێنج شەممە 7-7-2022 مووچەی خانەنشینی پێشمەرگەش بدرێت.
خەڵك- سەركردەیەكی چوارچێوەی هەماهەنگی باس لە هەوڵی لایەنە دەرەكییەكان دەكات بۆ كۆتایی هێنان بە پرۆسەی سیاسی لە عیراق، جەختیش لەسەر بەردەوامبوونی سیستمی سیاسی و چاكسازییەكان دەكات "بەبێ‌ ئاوڕدانەوە و گوێگرتن لە هەندێك لێدوانی نادروست و بێ‌ سود". كەریم زغەیر بدێری، سەركردە لە چوارچێوەی هەماهەنگی لە لێدوانێكی ڕۆژنامەوانیدا ڕایگەیاند"ئەوەی باس لە بەسەرچوونی ماوەی سیستمی سیاسی ئێستا دەكات، بەهەڵەدا چووە و خوێندنەوەی نییە، یان ئەجێندای دیاریكراوی لەپشتەوەیە". بە وتەی بدێری"ئەم سیستمە سیاسییە لەسەر قوربانیدانی چەندان ساڵەی پێش ڕوخانی ڕژێمی بەعس و دواتر قوربانی هەزاران شەهید و بریندار بنیاتنراوە، بۆیە ناكرێت بەو شێوەیە كۆتایی بێت كە خواستی دەرەكی دەیەوێت". ئەو سەركردەیەی چوارچێوەی هەماهەنگی دەڵێت:"هەندێك لایەنی ناسراو و گڵاو هەوڵ بۆ نانەوەی ئاژاوە و ڕوخاندنی سیستمی سیاسی دەدەن، لەپێناو تێكدانی وڵات و سەپاندنی هەژموونی دەرەكی".
خەڵك- وەزیری دارایی و ئابووری حكومەتی هەرێم ڕێكارەكانی بەهەمیشەیی كردنی فەرمانبەرانی هەرێم دەستپێدەكات و بە ئەنجوومەنی وەزیران ڕادەگەیەنێت، كە مووچەی پێویست بۆ فەرمانبەرانی گرێبەست لەكاتی بەهەمیشەیی كردنیان كەمتر دەبێت. وەزارەتی دارایی و ئابووری هەرێم لە نووسراوێكدا بۆ سەرۆكایەتی ئەنجوومەنی وەزیران ئاماژەی بەوەكردووە، "بەپێی بەراییەكان، بڕی مووچەی گرێبەستەكان لەسەر ئەو بودجانەی بۆیان خەرج دەكرێت جیاكراوەتەوە، بەڵام لەكۆی گشتی مووچەی گرێبەستەكان بەراورد بەو مووچەیەی، كە فەرمانبەرانی گرێبەست بكرێن بەهەمیشەیی وەریدەگرن بڕی ملیارێك و 757 ملیۆن و 496 هەزار دینار كەمتر دەبێت". بەپێی نووسراوەكە، "هەركاتێك فەرمانبەرانی گرێبەست كران بە شێوەی هەمیشەیی، مووچەیان گۆرانكاری بەسەردا دێت و زیاد دەبێت لەكاتی پێدانی سەرمووچەی ساڵانە و هێنانی ماوەی خزمەتی گرێبەستەكان". وەزارەتی دارایی جەختیشی كردۆتەوە،، ئەگەر فەرمانبەرانی گرێبەست بكرێن بە فەرمانبەری هەمیشەیی پێویستە پێش دەرچوونی بڕیاری بوون بە هەمیشەیییان هاوشێوەی ڕێنمایی دارایی ژمارە 39 و 42ی ساڵی 2013 ڕێنمایی تازە دەربچێت. ئاشكراشی كردووە، 28 هەزار و 256 فەرمانبەری گرێبەست لە ناوخۆی هەرێم هەیە و 439 فەرمانبەری گرێبەستی بیانی هەیە.
خەڵك- لەگەڵ مووچەی مانگی 7ی ئەمساڵدا، حكومەتی عێراق بڕیاریداوە بڕی 100 هەزار دینار جەژنانە بە خانەنشینان بدات. سالار عەبدولستار، وەزیری كار و كاروباری كۆمەڵایەتی عێراق بەوەكالەت لە كۆنگرەیەكی ڕۆژنامەوانیدا ڕایگەیاند، بەهۆی هاتنی جەژنی قوربانەوە مووچەی كرێكارانی خانەنشینكراو بە ١٠٠ هەزار دینار جەژنانەوە دابەش دەكرێت. ڕاشیگەیاندووە، سەرجەم ڕێكارەكانی تایبەت بە دابەشكردنی مووچەی كرێكارانی خانەنشینكراو تەواوكراوە و لەمڕۆوە دەست بە دابەشكردنی دەكرێت. ئەمە لەكاتێكدایە، كە لە جەژنی ڕەمەزانیشدا حكومەتی عێراق بڕی 100 هەزار دیناری زیادكرد بۆ سەر مووچەی ئەو فەرمانبەران و خانەنشینانەی مووچەكانیان لە 500 هەزار دینار كەمترە و هەروەها پارەكە خاوەن پێداویستییە تایبەتەكان و تۆڕی پاراستنی كۆمەلایەتیشی گرتەوە.
خەڵك- ئیمانوێل ماكرۆن سەرۆكی فەرەنسا ڕایدەگەیننێت، فەرەنسا نیازی نییە ڕوسیا بخاتە لیستی تیرۆەوە. ماكرۆن لە كۆنفرانسێكی ڕۆژنامەوانی لە باڤاریا لە دوای كۆبوونەوەی گروپی حەوت، سەبارەت بە داواكارییەكەی زیلینسكی بۆ پۆلێنكردنی ڕوسیا وەك دەوڵەتێكی داڵدەدەر بۆ تیرۆر ڕایگەیاند:"ئەمە دەگەڕێتەوە بۆ دادگاكانی تاوان و دادگای دادپەروەریی ئۆكراینی و نێودەوڵەتی، تا ڕاستییەكان لەو بارەیەوە بخەنەڕوو، ناكرێت هیچ وڵاتێك بەو شێوازە پۆلێن بكرێت". بە وتەی ماكرۆن:"هێشتا كات زۆر ماوە و جەنگیش سبەینێ‌ كۆتایی نایەت، ناكرێت پێشبینی كۆتایی هاتنی بكەین لەماوەی چەند هەفتەیەك یان چەند ماتگێك، بەڵام هیواخوازین بەر لە كۆتایی ساڵ بەبێ‌ ئەوەی ڕوسیا سەربكەوێت بگەینە چارەسەرێك". سەرۆكی فەرەنسا ئاماژەی بە پێشكەشكردنی یارمەتی بەرگری كرد بۆ ئۆكراینا كە تۆپی سیزا و یارمەتی بەرگری لەخۆدەگرێت، بەبێ‌ ئەوەی چەكی هێرشبردن بۆ دەرەوەی سنورەكان بگرێتەوە.
خەڵك- لە ڕووداوەكەی ئەمڕۆی زانكۆی سەلاحەدین لە هەولێر دوو مامۆستا بە ناوی (د.كاوان ئیسماعیل، ڕاگری كۆلێژی یاسا) و (د.ئیدریس عیزەت، مامۆستای كۆلێژی ئەندازیاری) لەلایەن خوێندكارێكەوە كوژران. بەیانیی ئەمڕۆ سێ شەممە، 28-06-2022، خوێندكارێكی زانكۆی سۆران "دوای فەسڵكرانی لە زانكۆ " و "تۆماركردنی داوا لەسەری لەلایەن د. نیشتمان، مامۆستای زانكۆی سۆران، كە سووكایەتی پێ‌ كردووە"، چۆتە زانكۆی سەلاحەدین و لەوێ هێرشیكردۆتە سەر راگری كۆلێژی یاسای زانكۆكە و پاسەوانێك "بەهۆی ئەوەی لەو زانكۆیە وەرینەگرتووە"، هەردووكیان برینداربوون و دواتر راگری كۆلێژی یاسا گیانی لەدەستدا. دواتر ، تۆمەتبارەكە هێرشی كردۆتە سەر ماڵی د. نیشتمان، كە ساڵای لێكردووە لە دادگا، بەڵام بەهۆی ئەوەی خۆی لەوێ‌ نەبووە د. ئیدریس عیزەت-ی هاوسەری، كە مامۆستای كۆلێژی ئەندازیاری زانكۆی سەلاحەدین-ە كوشتووە. لە ئێستادا ڤیدیۆی كاتی هێرشكردنە سەر ماڵی د. نیشتمان و د. ئیدریس بڵاودەكرێتەوە، كە چۆن تۆمەتبار تەقە لە د.ئیدریس دەكات و دەیكوژێت. [video width="426" height="240" mp4="https://media.xelk.org/2022/06/561cb0dc-20-facebook_13.mp4"][/video]
خەڵك- بۆردی چاكسازی وەزارەتی پێشمەرگەی هەرێم و گروپی ڕاوێژكارانی سەربازی هێزەكانی هاوپەیمانان كۆبوونەوە و بڕیارە یەكپۆشی لە جلوبەرگی پێشمەرگە پەیڕەو بكرێت و پڕۆژەی پزیشكی پێشمەرگە دەستپێبكات. وەزارەتی پێشمەرگەی حكومەتی هەرێم لە ڕاگەیەنراوێكدا ئاماژەی بەوەكردووە، ڕۆژی سێ شەممە رێكەوتی ۲۸ی حوزەیرانی ۲٠۲۲، بە ئامادەبوونی لیوا ڕوكن هۆشمەند ڕەشید، جێگری سەۆكی ئەركان بۆ ئیدارە و میرە، لیوا ڕوكن كارزان مەولود، جێگری سەرۆكی ئەركان بۆ مەشق و ئۆپەراسیۆنەكان بە وەكالەت، عەمیدی ئەندازیار نەبەز سەلاح، بەڕێوەبەری چاكسازی وەزارەتی پێشمەرگە، ئەندامانی بۆردی چاكسازی، كۆبوونەوەیەكیان لەگەڵ بۆردی چاكسازی و گروپی ڕاوێژكارانی سەربازی هێزەكانی هاوپەیمانان، ئەنجام دا. ئاماژە بەوەكراوە ژمارەیەك پڕۆژەی ستراتیجی، پەیوەست بە پڕۆسەی چاكسازی هێزەكانی پێشمەرگە تاوتوێ كران، لەوانە (پڕۆژەی یەك پۆشی پێشمەرگە و پێداویستیەكانی پێشمەرگە لەڕووی جل و بەرگەوە، پڕۆژەی لۆجستی و بنكەكانی لۆجستی وەزارەت، كە بەم زووانە دەست بەكاردەبن، پرۆژەی پزیشكی وەزارەت)، هەروەها ژمارەیەك پلانی كورت مەودا و ناوەند و درێژ مەودا پەیوەست بە پڕۆژەكانی چاكسازی وەزارەت خرانە بەرباس. جەختیشی كردۆتەوە، گفتوگۆیان كرد، لەبارەی كاراتر كردنی بەڕێوەبەرایەتی گشتی گرێبەستەكانی وەزارەتی پێشمەرگە. هەرلەكۆبوونەوەكەدا، چەند بابەتێك باس كران، كە پەیوەستن بە بەهێزتركردن و تۆكمەتر كردنی جموجوڵی هێزەكانی پێشمەرگە و پلانی چاكسازی پێویست لەو ڕووەوە.
خەڵك- بەپێی ڕاپۆرتە كەشناسییەكان، لە سبەینێوە پلەكانی گەرما بەڕێژەی ١ تا ٢ پلە زیاتر بەرزدەبنەوە و شارەزایەكی كەشناسی دەڵێت: "ئەمساڵ فێنكترە لە ساڵی ڕابردوو". ئاراس جەبار، شارەزای كەشناسی بۆ (خەڵك) ڕایگەیاند، سبەی چوار شەممە ٢٩-٦-٢٠٢٢ ئاسمانی ھەرێم ساماڵێكی ڕوون ئەبێت، لە ئەنجامی نەمانی كاریگەری بارستە ھەوای فێنك پلەكانی گەرما بەڕاورد بە ئەمڕۆ بەڕێژەی ١ تا ٢ پلەی سیلیزی زیاتر بەرزدەبنەوە. ڕوونیشی كردۆتەوە، پلەی گەرما لە سلێمانی و دهۆك و ڕاپەڕین دەبێتە 39 پلە و هەولێر و هەڵەبجە 40 پلە و كەركوك 41 پلە دەبێت و لە گەرمیان دەگاتە 44 پلە و لە سۆران 38 پلە. ئاماژەی بەوەشكردووە، خێرایی با مامناوەند ئەبێت لە ئاراستەی باكوری ڕۆژئاواوە بەخێرایی ١٥ تا ٣٥ كیلۆمەتر لە كاتژمێرێكدا. وتیشی، "پلەكانی گەرما لەم كاتەدا و بەراورد بە ساڵی ڕابردوو ھەمان كات، كە شەپۆلێكی بەتینی گەرما ناوچەكەی گرتەوە بەنزیكەی ٨ تا ٩ پلە ئەمساڵ پلەكانی گەرما لەسەرجەم ناوچەكانی ھەرێمدا نزمترە ".

هەولێر؛ لە 18 وێستگە بەنزینی عێراقی دابەش دەكرێت

لاوى محمد

هەواڵ بڵاوکراوەتەوە: 07/05/2022

خەڵك-
بەڕێوەبەرایەتی نەوت و كانزاكانی هەولێر ڕایدەگەیەنێت ، سبەینێ بەنزینی نۆڕماڵ 690 دیناری لەم شوێنانەی هەولێر و دەورووبەری دابەش دەكرێت تەنیا بۆ ژمارە جووت .

بەڕێوەبەرایەتی نەوت و كانزاكانی هەولێر لە ڕاگەیەنراوێكدا بڵاویكردەوە، كە سبەینێ یەكشەممە 8ی ئایار 2022 بەنزینی عێراقی لە 18 بەنزینخانانە دابەش دەكرێت، لە كاتژمێر 7ی سەر لە بەیانی دابەشكردن دەست پێدەكات .

لا يتوفر وصف للصورة.

کلیە وشەکان:
بەنزینی عێراقی

بابەتی پەیوەندیدار

هەلبژاردە

گرنگترینەکان

ئەمڕۆ بەنزینی عێراقی لەم وێستگانە دابەش دەكرێت

12 ئازار 2022 8.29 am

خەڵك- ڤیان حەسەن ئەمڕۆ بەنزینی عێراقی لە چەند وێستگەیەكی ناو شار و دەرەوەی سلێمانی بەردەست دەبێت.

بەنزینی عێراقى لەم وێستگانە بەردەست دەبێت

22 ئازار 2022 10.01 pm

خەڵك- بەڕێوەبەرایەتی نەوت و كانزاكانی سلێمانی ڕایدەگەیەنێت، سبەی چوارشەممە ۲۳ـ۳ـ۲٠۲۲ بەنزینی ٦۹٠ دیناری لە ناوشاری…

سبەینێ بەنزینی عێراقی دابەش ناكرێت

04 نیسان 2022 10.23 pm

خەڵك- بەڕێوەبەرایەتی نەوت و كانزاكانی سلێمانی ڕایدەگەیەنێت، سبەی بەنزینی عێراقی دابەش ناكرێت.