خەڵك-
جەنگی نێوان ڕووسیا و ئۆكراین بەردەوامە و تادێت ژیان و گوزەرانی هاوولاتییانی ئۆكراین بەرەو خراپی دەڕوات.
ژیانی هاووڵاتییانی وڵاتی ئۆكراین لەژێر كاریگەرییەكانی جەنگدا..
بەوێنە: ژیان لە ئۆكراین لەژێر كایگەرییەكانی جەنگدا
سەردێر
-
خەڵك- دەربارەی دەستبەسەركردنی چەند پەنابەرێكی كورد لە سەنتەری دیپۆرتكردنەوەی بەریتانیا، بە مەبەستی ناردنەوەیان بۆ هەرێمی كوردستان بە زۆرە ملێ، د. ڕێبوار بابكەیی، سەرۆكی لیژنەی پەیوەندییەكان و ڕەوەندی كوردستانی لە پەرلەمانی كوردستان ڕایدەگەیەنێت: بۆتە مەبدەئی حكومەتی هەرێم بە هیچ جۆرێك نە لەڕابردوو نە لە ئێستادا لەگەڵ دیپۆرتكردنەوەی هیچ پەنابەرێكی كورد نییە بۆ هەرێمی كوردستان، بەڵكو لەگەڵ ئەوەدایە كە حكومەتی ئەو وڵاتانە ڕێز لە پەنابەرانی كورد بگرێت، حكومەتی هەرێم خۆی لەگەڵ ئەوەدایە ئەو پەنابەرانەی لەو وڵاتەن مافی پەنابەرێتیان پێبدرێت. سەرۆكی لیژنەی پەیوەندییەكان و ڕەوەندی كوردستانی لە پەرلەمانی هەرێمی كوردستان بۆ دەنگی ئەمریكا دەڵێت: ئەوەی ئێمە زانیاریمان پێگەیشتووە لە میانەی ئەو پرسیارانەی كە ئاڕاستەی لایەنە پەیوەندیدارەكانمان كردووە جۆرێك لە بەدواداچوون لەسەر ئەو بابەتە كراوە كە لە لیژنەی پەیوەندییەكانی دەرەوەی ڕەوەندی كوردستانی ئەو بابەتە بە شێوەیەك لە شێوەكان خرایەڕوو زانیارییەكان بەو شێوەیەن، یەكەم: حكومەتی بەریتانیا تەنها پەنابەری كورد دیپۆرت ناكاتەوه، بەڵكو پەنابەری زۆرێك لە وڵاتانی ئەفەریقاش وەكو تونس و جەزائیر ئەوانیشی تێدایه، تەنانەت پەنابەری كوردی ڕۆژهەڵاتی كوردستانیشی تێدایە. راشیگەیاند، دیارە دوای ئەوەی بەریتانیا چۆتە دەرەوە لە یەكێتی ئەوروپا، سیاسەتی كۆچكردنی بەریتانیا لەئێستادا ئەوەیە كە هیچ پەنابەرێك وەرنەگرێت ئەوانەی لەماوەی ڕابردوو هاتونەتە وڵاتی بەریتانیا كەیسی خۆیان بەو شێوەیە پێشكەشی دادگاكان كردووە كە گوایە بۆ نموونە هەڕەشە هەبووە لەسەر ژیان و لەسەر ئاسایشیان بۆیە هاتونەتە بەریتانیا و كەیسیان پێشكەش كردووە بۆئەوەی مافی پەنابەرێتیان پێبدرێت، حكومەتی بەریتانیا ئۆفەرێكی پێداون دوای ئەوەی كە ڕێككەوتنێكی كردووە لەگەڵ وڵاتی ڕواندا بە حساب لەبری ئەوەی مافی نیشتەجێبوون و مافی پەنابەرێتی لە وڵاتی بەریتانیا پێبدات ئەوەتا دەیانێرێتە وڵاتی ڕواندا لەوێ وەكو پەنابەر بمێننەوە بۆئەوەی ژیانیان پارێزراو بێت لەو هەڕەشەیەی ئەوان باسی دەكەن كە لەسەریانە. ڕێبوار بابكەیی زیاتر ڕونیكردەوە: ئەوانەی كە دەسبەسەر كراون و بڕیارە دیپۆرت بكرێنەوە ئەو كۆمەڵەن داوای ئەپدەیتی بەڵگەنامەكانیان لێكراوه، بۆ نموونە زۆرێك لە كوردانی ئێمە لەساڵی نەوەدەكانەوە هەتائێستا كە دەچنە ئەوروپا داوای مافی پەنابەرێتی دەكەن بەشێكی زۆریان ناویان گۆڕیوە و بەرواری لە دایكبونییان گۆڕیوە و كەیسی جۆراوجۆریان دروستكردووە بۆئەوەی بتوانن مافی پەنابەرێتی بەدەست بهێنن كاتێك كە داوای ئەپدەیتی-تازەكردنەوەی بەڵگەنامەكانیان لێدەكرێت و بۆیان بهێنن، بێگومان حكومەتی عێراق و سەفارەتی عێراق یان نوێنەرایەتیەكانی حكومەتی هەرێم ئەو بەڵگەنامانەیان پێدەدات كە ناوی ڕاستەقینەیان و بەرواری لەدایكبوونیان كە لەبەڵگەنامەكاندا تۆماركراون، ئەمەش ناگونجێت لەگەڵ ئەو بەڵگەنامانەی كە پێشكەشیان كردووە لە بەریتانیا بۆ مافی پەنابەرێتی، بۆیە ناتوانن ئەو بەڵگەنامانە بهێنن و دەچنە ژێر پرسیارەوە و دەچنە خانەی ئەوان كە بەحساب دەبێت دیپۆرت بكرێنەوه.
-
خەڵك- ئەدهەم بارزانی كەسایەتی سیاسیی پەیامێك ئاراستەی نەتەوە یەكگرتووەكان دەكات لەبارەی دیدارەكەی سبەینێی نوێنەری نەتەوە یەكگرتووەكان و لایەنە سیاسییەكانی هەرێم. ئەدهەم بارزانی كەسایەتی سیاسیی لە پەیامەكەیدا دەڵێت "بەڕێز /جنین بلاسخارت، نێردەی تایبەتی سكرتێری گشتی نەتەوەیەكگرتووەكان لەعێراق وەك ئاگادارن عێراق و هەرێمی كوردستان بە دۆخێكی سەخت و دژواردا تێدەپەڕێت، ئاڵۆزی و گرفتەكان بەجۆرێكن، تەنانەت هەڵبژاردنەكانیش ناتوانن دۆخەكە ئارام بكەنەوە، دیارە ئەركی ئێوەش قورسەو پێویستە لەهۆكاری نائومێد بوونی خەڵك بەرامبەر پڕۆسەی هەڵبژاردن بكۆڵنەوە. دەشڵێت: ئێوە داواتان كردوە لەگەڵ لایەنە سیاسییەكانی هەرێم دانیشتن بكەن، بەڵام ئەوان بەهەموویانەوە لەهەڵبژاردنی پێشوو، نزیكەی لەسەدا سی جەماوەر دەنگی پێدان و بەشداری هەڵبژادنیان كرد، بۆیە گرنگە ئێستا ڕوو لەو خەڵك و جەماوەرە فراوانەكە بێت كە نزیكەی حەفتا لە سەد بەشدارنەبونە لە ھەڵبژاردن، تا لەهۆكاری ئەم نائومێدیە بەپرۆسەی هەڵبژاردن ئاشناتان بكەن. ئاماژەی بەوەشكرد، ئاشكرایە ئەو لایەنانەی ئێوە بڕیارە لەگەڵیان دانیشن، لەوانەیە ھندێك لە ئەوانە هۆكاری نائومێدیەكەبن، بۆیە دانیشتنەكەتان بەم شێوەیە خزمەت بەپرۆسەكە و دیموكراتیزەكردنی كۆمەڵگا ناكات.
-
خەڵك- بڕیارە ئەمڕۆ سەرۆكایەتیی پەڕلەمانی كوردستان و سەرۆك فراكسیۆنەكان، بۆ گفتوگۆكردن لەبارەی دەسپێكردنەوەی دانیشتنەكانی پەڕلەمان كۆببنەوە. سامان ئەحمەد، بەڕێوەبەری ڕاگەیاندنی پەڕلەمانی كوردستان بە (خەڵك)ی ڕاگەیاند، ئەمڕۆ كاتژمێر 2ی دوای نیوەڕۆی ئەمڕۆ چوارشەممە 25/5/2022، سەرۆكایەتیی پەرلەمانی كوردستان و سەرۆك فراكسیۆنەكان، بۆ گفتوگۆكردن لەبارەی دەسپێكردنەوەی دانیشتنەكانی پەڕلەمانی كوردستان كۆ ببنەوە. وتیشی، كۆبوونەوەكەی ئەمڕۆ بۆ گفتوگۆكردنە لەبارەی میكانیزمی دەستپێكردنەوەی دانیشتنەكان و ئەو بابەتانەی كە پێویستە بخرێنە بەرنامەی كاری دانیشتنەكانەوە. نزیكەی 90 رۆژە دانیشتنەكانی پەرلەمان پەك خراون لە كاتێكدا ئێستا جگە لە پرسی كاراكردنەوەی كۆمیسیۆن و یاسای ھەڵبژاردن، زیاتر لە 33 یاداشت و چەندین پرۆژە یاسا لەبەردەم سەرۆكایەتیی پەڕلەماندان.
-
خەڵك- بەپێی چەند نوسراوێك، كە بەڕێوەبەرایەتی تۆماری خانووبەرەی دووی سلێمانی، بڵاویكردووەتەوە، ئەمڕۆ بەشێك لە زەوییەكانی ناو پرۆژەی چاڤی لاند، كە پرۆژەیەكی پشكدارییە، دەخرێنە زیادكردنی ئاشكرا و بەپێی نرخی خەمڵێندراو دەفرۆشرێن. نەوزاد ئەحمەد، یەكێك لە خاوەن پشكەكانی چاڤی لاند بە(خەڵك) ی ڕاگەیاند، ماوەی هەشت ساڵە نزیكەی 9 هەزار خاوەن پشك بێبەشكراون لەو قازانجانەی كە دەبوو لە ئەنجامی بەشداریكردنیان و دانانی پارە لە پڕۆژەی چاڤیلاند پێیان بدرێت. راشیگەیاند، هیچ مافێكی خاوەن پشكەكان نەدراوە زوڵم لە 9 هەزار كەس كراوە نازانین چ كەسێك لە پشت ئەم كارەوەیە، لە بۆنەكاندا جار هەیە ملیۆنێك كەس سەردانی چاڤیلاند دەكات، لەو هەموو قازانجە بۆ ناتوانرێت مافەكانی ئێمە بدرێتەوە. بەپێی زانیارییەكان، بە كۆی گشتی ئەو پارەیەی كە هی خاوەن پشكەكانە و لەلای خاوەن پڕۆژەكەیە بڕەكەی 22 ملیۆن دۆلارە. ئەو خاوەن پشكە دەڵێت: تا ئێستا چەندین جار لەسەر مافەكانمان زیندانی كراوین بە كەفالەت ئازاد كراوین هەر جارە و بە بڕە پارەیەكی زۆر، بە تەلەفۆنی بەرپرسان سكاڵاكانی ئێمە لە دادگا دوا دەخرێن. هاوكات بڕیارە ئەمڕۆ چوار شەممە خاوەن پشكەكانی چاڤی لاند لە سلێمانی كۆنگرەیەكی رۆژنامەوانی سازبكەن و تێیدا داوادەكەن چارەسەری كێشەی پشكەكانیان بكرێت دواتر بفرۆشرێت.
-
خەڵك- بڕیارە ئەمڕۆ هەردوو مەكتەبی سیاسیی یەكێتی نیشتمانی كوردستان و پارتی دیموكراتی كوردستان لە شاری هەولێر بە سەرپەرشتی جێگری سەرۆكی پارتی و هاوسەرۆكی یەكێتی كۆببنەوە. بەپێی زانیارییەكان، كۆبوونەوەكە ئەمڕۆ چوار شەممە بەڕێوەدەچێت و تێیدا گفتووگۆ لەسەر پێوەندییەكانی نێوان دوولایەن و بابەتەكانی سەرۆك كۆمار و هەڵبژاردنەكانی پەرلەمانی كوردستان و كەیسی غاز و نەوت و داهات و ئەو مەترسی و گوشارانەی لەسەر هەرێم هەن، دەكرێـت. كۆبوونەوەكە، دوای سەردانی سەرۆكی هەرێمی كوردستانە بۆ سلێمانی و كۆبوونەوەی لەگەڵ بەرپرسانی باڵای حیزبەكان لە سلێمانی. هاوكات بڕیارە سبەینێ نوێنەری نەتەوە یەكگرتووەكان لەگەڵ حیزبەكاندا كۆبێتەوە بۆ تاووتوێكردنی بابەتی هەڵبژاردنەكان. ئەم كۆبوونەوەی یەكێتی و پارتی دوای ماوەیەكی زۆر لە بوونی ناكۆكی توند و شەڕی مێدیایی دێت كە بانگەشە و هەڕەشەی دووئیدارەیی تێدا دەكرا.
-
خه‌ڵك یانه‌ى بایرن میونشنى پاڵه‌وانى ئه‌ڵمانیا گرێبەستی لەگەڵ یاریزان و ئەستێرەی هەڵبژاردەی مەغریبی نه‌سر مەزراوی ڕاگەیاند، بە گرێبەستێک کە بۆ ماوەی چوار ساڵ. گرێبەستی پاڵەوانی ئەڵمانیا لەگەڵ بەرگریکاره مه‌غریبیه‌كه لەسەر حیسابی یانەی بەرشەلۆنەی ئیسپانی بوو، کە هەوڵیدا سوود لە خزمەتگوزارییەکانی مه‌زراوی وەربگرێت. یاریزانە مەغریبییەکە لە لێدوانێکیدا به ماڵپەڕی یانەکەى راگه‌یاندووه : لە سەرەتای گفتوگۆکان لەگەڵ بایرن میونشن هەستم بە ئەرێنی کردووە، وە خۆشحاڵم کە چوومە یەکێک لە گەورەترین یانەکانی ئەوروپا، ساڵی داهاتوو هەڵبژاردنی ئەم یانەیە دەبێتە هۆی بەدەستهێنانی گەورەترین جامەکان”. مه‌زراوی لە وەرزى رابردوو 33 یاری لەگەڵ یانەی ئەیاکس ئەمستردام ئەنجامداوە و 5 گۆڵی تۆمارکردووە و 4 ئەسیستیشی کردووە، لەگەڵیدا دوو جار لە ساڵانی 2019 و 2021 نازناوی خولى هۆڵه‌ندى بەدەستهێناوە، هەروەها لە ساڵی 2019دا جامی سوپەری بەدەستهێناوە.
-
خەڵك بەپێی چوار نوسراو كە بەڕێوەبەرەیەتی تۆماری خانووبەرەی دووی سلێمانی، بڵاویكردووەتەوە، بەشێك لە زەوییەكانی ناو پرۆژەی چاڤی لاند، كە پرۆژەیەكی پشكدارییە، دەخرێنە زیادكردنی ئاشكرا و بەپێی نرخی خەمڵێندراو دەفرۆشرێن. بەپێی نوسراوەكان، كە ناوی (كوردۆ ئەفراسیاب) بەڕێوەبەری تۆماری خانووبەرەی دووی سلێمانی لەسەرە و لە پێگەی تایبەتی بەڕێوەبەرایەتییەكە لە فەیسبووك بڵاوكراوەتەوە، بانگەواز كراوە، كە؛ - بەڕێوەبەرایەتیمان لە كاتژمێر ١٢ی نیوەڕۆی رێكەوتی (٢٠٢٢/٠٥/٢٥) هەڵدەستێت بە فرۆشتنی هەموو موڵكی(١٣٩/٢٩٩) كەرتی (١ ملكندی و دباشان) بە زێدەگەریی ئاشكرا كە رەگەزەكەی زەوییە و رووبەرەكەی (٩ دۆنم) و (١٦ ئۆلك) و (٧٧) مەتر دووجایە و دەكەوێتە ناو پرۆژەی چاڤیلاندەوە و خەمڵێنراوە بە (٣٦) ملیار و (٢٦٥) ملیۆن و (٥٠٠) هەزار دینار. هەركەس ئارەزووی بەشداریكردنی لەو زێدەگەرییەدا هەیە با پێش كاتژمێر ١٢ی رێكەوتی ناوبراو سەردانی ژووری (٣٩)ی هۆبەی یاسا بكات و بڕی (٣) ملیار و (٦٢٦) ملیۆن و (٥٥٠) هەزار دینار وەك بارمتەی یاسایی بە (چەكی تأمیناتی بانكی) لەگەڵ خۆی بهێنێ تاكو بتوانێ بەشداری بكات لە زێدەگەرییەكەدا. راشیگەیاندووە، بەڕێوەبەرایەتیمان لە كاتژمێر ١٢ی نیوەڕۆی رێكەوتی (٢٠٢٢/٠٥/٢٥) هەڵدەستێت بە فرۆشتنی هەموو موڵكی (١٣٩/٣٠٠) كەرتی (١ ملكندی و دباشان) بە زێدەگەریی ئاشكرا كە رەگەزەكەی زەوییە و رووبەرەكەی (٢٦ دۆنم) و (٢٣ ئۆلك) و (١٥) مەتر دووجایە و دەكەوێتە ناو پرۆژەی چاڤیلاندەوە وە خەمڵێنراوە بە (٦٧) ملیار و (٣١٥) ملیۆن دینار. دەشڵێـت: بۆیە هەركەس ئارەزووی بەشداریكردنی لەو زێدەگەرییەدا هەیە با پێش كاتژمێر ١٢ی رێكەوتی ناوبراو سەردانی ژووری (٣٩)ی هۆبەی یاسا بكات و بڕی (٦) ملیار و (٧٣١) ملیۆن و (٥٠٠) هەزار دینار وەك بارمتەی یاسایی بە (چەكی تأمیناتی بانكی) لەگەڵ خۆی بهێنێ تاكو بتوانێ بەشداری بكات لە زێدەگەرییەكەدا. راشیگەیاند، بەڕێوەبەرایەتیمان لە كاتژمێر ١٢ی نیوەڕۆی رێكەوتی (٢٠٢٢/٠٥/٢٥) هەڵدەستێت بە فرۆشتنی هەموو موڵكی (١٣٩/٣١١) كەرتی (١ ملكندی و دباشان) بە زێدەگەریی ئاشكرا كە رەگەزەكەی زەوییە و رووبەرەكەی (٦دۆنم) و (٢٠ ئۆلك) و (٧) مەتر دووجایە و دەكەوێتە ناو پرۆژەی چاڤیلاندەوە وە خەمڵێنراوە بە (٢١) ملیار و (٢٥٨) ملیۆن و (٧٥٠) هەزار دینار. بۆیە هەركەس ئارەزووی بەشداریكردنی لەو زێدەگەرییەدا هەیە با پێش كاتژمێر ١٢ی رێكەوتی ناوبراو سەردانی ژووری (٣٩)ی هۆبەی یاسا بكات و بڕی (٢) ملیار و (١٢٥) ملیۆن و (٨٧٥) هەزار دینار وەك بارمتەی یاسایی بە (چەكی تأمیناتی بانكی) لەگەڵ خۆی بهێنێ تاكو بتوانێ بەشداری بكات لە زێدەگەرییەكەدا. -بەڕێوەبەرایەتیمان لە كاتژمێر ١٢ی نیوەڕۆی رێكەوتی (٢٠٢٢/٠٥/٢٥) هەڵدەستێت بە فرۆشتنی هەموو موڵكی (١٣٩/٢٩٨) كەرتی (١ ملكندی و دباشان) بە زێدەگەریی ئاشكرا كە رەگەزەكەی زەوییە و رووبەرەكەی (٨ دۆنم) و (٥ ئۆلك) و (٩٦) مەتر دووجایە و دەكەوێتە ناو پرۆژەی چاڤیلاندەوە وە خەمڵێنراوە بە (٣٠) ملیار و (٨٩٤) ملیۆن دینار. بۆیە هەركەس ئارەزووی بەشداریكردنی لەو زێدەگەرییەدا هەیە با پێش كاتژمێر ١٢ی رێكەوتی ناوبراو سەردانی ژووری (٣٩)ی هۆبەی یاسا بكات و بڕی (٣) ملیار و (٨٩) ملیۆن و (٤٠٠) هەزار دینار وەك بارمتەی یاسایی بە (چەكی تأمیناتی بانكی) لەگەڵ خۆی بهێنێ تاكو بتوانێ بەشداری بكات لە زێدەگەرییەكەدا. پێدەچێت فرۆشتنەوەی ئەو زەوییانەی چاڤی لاند پەیوەندیی بە نەدانەوەی قەرزی سەر كۆمپانیای نالیاوە هەبێت بە حكومەت. جێی باسە پێشتریش بەرامبەر نەدانەوەی هیچ بڕە پارەیەك لەو قەرزە كەڵەكەبووەی كە لەسەر پرۆژەی چاڤی لاند تۆماركراوە لە پارەی كارەبا، دوای چەند جارێك ئاگاداركردنەوەیان و ئامادەنەبوونیان بە پێدانی قەرزی كارەبا، بەڕێوەبەرایەتی كارەبای سلێمانی كارەبای نیشتیمانی لە پرۆژەكە بڕی. بەگوێرەی ئەو زانیارییانەی كە لە بەڕێوەبەرایەتی گشتی…
-
خەڵك- جەمیل بایك هاوسەرۆكی كەجەكە داوایكرد، كەس خۆی لە دەوری ئەردۆغان و باخچەلی كۆنەكاتەوە و هاوكاریی سیاسەتەكانیان نەكات. جەمیل بایك هاوسەرۆكی دەستەی بەڕێوەبەری كەجەكە بۆ كەناڵی ستێرك رایگەیاند"ئەوەی لەگەڵ ئەو سیاسەتە بڕوات شكست دەهێنێت. جا چ لە ناو كورداندا بێت، یان لە توركیا بێت، ئەوەی لەگەڵ ئەو دەسەڵاتدا بێت و یارمەتیی سیاسەتەكانی بدات تێكدەشكێت. تووشی شكستیكێ زۆر گەورە دەبن". جەمیل بایك رایگەیاند، دەوڵەتی تورك بۆ تۆڵەسەندنەوەی ئاڤاشین و زاپ لە ئیمراڵی "سزای دیسپلینی"ی سەپاندووە "پێویستە هەموو كەسێك لە دژی ئەم دۆخە تێكۆشانێكی بەهێز بكات". بایك ئاماژەی بەوەكرد، شەهیدانی زاپ شەهیدی هەمووانن و هەموو كەسێكن "دەبێت هەموو كەسێك خاوەنداری و پشتیوانیان لێ بكات. نابێت ئەو ئەركە بخەنە ئەستۆی پەكەكە و گەریلاكان و گەلی كورد. هەر خۆی گەریلا، پەكەكە و گەلی كورد هەر ئێستا ئەركی خۆیان جێبەجێ دەكەن، بەڵام دەبێت ئەوەش بزانرێت، كە چارەنووسیان بە پەكەكە و گەلی كوردەوە بەستراوەتەوە. ئەگەر پەكەكە و گەلی كورد زیانیان پێ بگات هەموو كەسێك زیانی پێدەگات. هیچ كەسێك ناتوانێت لە سەر خۆی بێت و خۆی بە پێوە رابگرێت. لەو كاتەدا فاشیزمی ئاكەپە و مەهەپە لە توركیا دەچەسپێت".
-
خەڵك- ناوەندی راگەیاندن و چاپەمەنی هەپەگە كوژرانی 19 سەربازی توركیای راگەیاند لە هەرێمەكانی ئاڤاشین و زاپ. ناوەندی راگەیاندن و چاپەمەنی هەپەگە لە راگەیەندراوێكدا رایگەیاند "هێزەكانمان لەدژی سووپای توركیا چالاكی كاریگەریان ئەنجامداوە، تیمەكانی گەڕۆك و هێزەكانمان لە سەنگەرەكاندا لە ٤٠مین رۆژی بەرخۆدانی مێژووییدا بە ورەیەكی بەرزەوە گورز لە سووپای توركیا دەدەن. سوپای توركیا كە ناتوانێت ئەنجام بەدەست بهێنێت، لە بێچارەیی خۆی ٢٣ جار چەكی كیمیایی، ٣١ جار بە فڕۆكە و بە دەیان جاریش بە ئۆبۆس هێرشی كردووەتە سەر هەرێمەكانی بەرخۆدان، بەڵام هیچ ئەنجامێكی بەدەست نەهێناوە". راشیگەیاند "لە چالاكییەكانی هێزەكانماندا، ١٩ سەرباز كوژران، ٤ سەربازی دیكە بریندار بوون".
-
خەڵك- چەكدارێكی تەمەن 18 ساڵ چووەتە سەر خوێندنگەیەكی سەرەتایی لە باشوری ڕۆژئاوای ویلایەتی تەكساس و لەوێ 26 خوێندكار و مامۆستای كوشتووە. ڕۆناڵدۆ گوتێرز، سیناتۆر لە ئەنجومەنی ویلایەتی تەكساس لە لێدوانێكیدا بۆ كەناڵی CNN رایگەیاند سەرچاوەیەك لە پۆلیسی ویلایەتەكەی پێـی وتووە ژمارەی كوژراوەكان گەیشتووەتە 18 خوێندكاری منداڵ. پێشتر فەرمانڕەوای ویلایەتی تەكساس گرێگ ئابۆت بە ڕۆژنامەنووسانی راگەیاند چەكدارەكە ناوی سالڤادۆر ڕامۆس (تەمەن 18 ساڵ) بووە و دواتر بە دەستی پۆلیس كوژراوە. 2 ئەفسەریش برینداربوون، بەڵام برینەكانیان سەخت نین. بەرپرسان دەڵێن چەكدارەكە بە تەنها ئەو كارەی كردووە. وتیشی "باوەڕ وایە چەكدارەكە بە دەمانچەیەكەوە چووەتە ناو خوێندنگەی سەرەتایی ڕۆبەوە لە یوڤاڵدی، ڕەنگە چەكێكی گەورەشی پێبووبێت، بەڵام بەپێی نوێترین ڕاپۆرت كە بەدەستم گەیشتووە هێشتا ئەوە پشتڕاست نەكراوەتەوە."
