سەردێر

راگەیەندراوێک لە وەزارەتی پێشمەرگەوە

خەڵک-

وەزارەتی پێشمەرگە راگەیەندراوێکی بڵاوکردووەتەوە و دەڵێت:”ئێوارەی ئەمڕۆ ١ی ئایاری ٢٠٢٢، جارێکی تر گروپەکانی دەرچوو لەیاسا،لەناحیەی بەرتلەی قەزای حەمدانییەی پارێزگای نەینەواوە، شەش مووشەکیان ئاراستەی سنووری قەزای خەبات کرد”.

وەزارەتەکە ئاماژەی بەوەکردووە، موشەکەکان لەنێوان زێی گەورە و قەزای خەبات کەوتوونەتە خوارەوە و بەپێی زانیارییەکان، هیچ زیانێکی گیانی بەدوادا نەهاتووە.

لە راگەیەندروەکەدا  هاتووە، کە لە ئێستادا لێکۆڵینەوەکان دەستیان پێکردووە و ئەمە چەندین جارە لەو ناوچەیەوە، موشەکی کاتیۆشا ئاراستەی قەزای خەبات دەکرێن.