سەردێر

لە عێراق دابەشكردنی مووچەی مانگی 2 دەستی پێكرد

خەڵك-
بە بڕیاری وەزارەتی دارایی عێراق دابەشكردنی مووچەی مانگی شوبات دەستی پێكرد و سەرەتاش خانەنشینان مووچەیان پێ‌ دەدرێت.

بانكی ڕافیدەین-ی عێراقی لە بەیاننامەیەكدا ئاماژەی بەوەكردووە، لە سبەینێوە دەست دەكەن بە دابەشكردنی مووچەی خانەنشینان بۆ مانگی شوبات.

لای خۆشیەوە، بانكی ڕەشید لە بەیاننامەیەكدا ئاماژەی بەوەكردووە، دەستیان بە دابەشكردنی مووچەی مانگی شوبات كرد بۆ خانەنشینانی سەربازی و مەدەنی.

ڕاشیگەیاندووە، خانەنشینان دەتوانن سەردانی سەرجەم لق و نووسینگەكانی پێدانی ئەلیكترۆنی مووچە بكەن دوای ئەوەی نامە بۆ مۆبایلەكانیان دێت بۆ وەرگرتنی مووچەكانیان.