سەردێر

سەرۆكی كۆمەڵەی مۆلیدەئەهلییەكان؛ لەبارەی گرانی نرخی ئەمپێری كارەبا بۆ خەڵك قسە دەكات

خەڵك –
سەرۆكی كۆمەڵەی داكۆكیكردن لەمافی خاوەن مۆلیدەكانی سلێمانی ڕایدەگەیەنێت ، سبەی پێوەری كاركردنی مانگی (1) وەردەگیرێت و دەشڵێت،” دەنگۆی نرخی ئەمپێرێك كارەبای مۆلیدە بۆ ئەم مانگە زیاتر بێت لە 20 هەزار دینار دوورە لەڕاستیەوە”.

تاریق سەمین ، سەرۆكی كۆمەڵەی داكۆكیكردن لەمافی خاوەن مۆلیدەكانی سلێمانی بە (خەڵك)ی ڕاگەیاند ، هاوشێوەی مانگەكانی پێشوو سبەی یەكشەممە 30ی 1ی 2022 لەسەرجەم مۆلیدەهەلییەكان پێوەری كاركردنی مانگی (1) وەردەگیرێت، كە زیاتر لە300 كاتژمێر كار بە مۆلیدە كراوە.

وتیشی،”پێدانی كاتژمێرەكانی كارەبای نیشتمانی و نرخی گاز ڕاستەوخۆ كاریگەری دەبێت ، لەسەر كەمبوونەوەی نرخی ئەمپێری كارەبای مۆلیدە ئەهلییەكان، كە سبەی نرخی گاز دەگیرێت”.

ڕاشیگەیاند ، لە ماوەی چەند ڕۆژی ڕابردوودا دەنگۆی ئەوە بڵاوكرایەوە، گوایە بۆ ئەم مانگە نرخی یەك ئەمپێر كارەبای مۆلیدەئەهلییەكان دەگاتە سەروو 20 هەزاردینار، ئەوە دوورە لە ڕاستیەوە و تەنها چەند مۆلیدەیەكی بازرگانی 24 كاتژمێری نەبێت، ڕەنگە بگاتە ئەو نرخە، بەڵام بەتێكرا شتی وانیە و ڕاست نیە .

 





هەلبژاردە

گرنگترینەکان