سەردێر

ڕێژەی بەفربارین لە ناوچەكانی هەرێم بڵاوكرایەوە

زۆرترین ڕێژەی بەفر بارین لە حاجی ئۆمەران بووە كە 60 سانتیممەتر بووە

خەڵك
ڕێژەی بەفربارینی دوێنێ و ئەمڕۆی ناوچەكانی هەرێم لەلایەن بەڕێوەبەرایەتی كەشناسییەوە بڵاوكرایەوە، زۆرترین ڕێژە كە 60 سانتیمەتر بووە لە حاجی ئۆمەران باریوە.

 

بەڕێوەبەرایەتی كەشناسی و بومەلەرزەزانیی هەرێمی كوردستان بڵاویكردەوە، بەهۆی ئەو شەپۆلی بەفربارینەی كە دوێنێ و ئەمڕۆ بەشێك لە ناوچەكانی هەرێمی گرتەوە، زۆرترین ڕێژەی بەفر بارین لە حاجی ئۆمەران بووە كە 60 سانتیممەتر بووە، كەمترین ڕێژەش لە ناوچەی دێرەلوك بووە كە 2 سانتیممەتر بووە.

كەشناسی پێشبینیشی كردووە، بەفربارین تا درەنگانی ئەمشەو لە ناوچە شاخاوییەكان بەردەوام بێت.

رێژەی بەفربارین بەم شێوەیە بووە:

حاجی ئۆمەران 60 سم

مەرزی كێڵێ 50 سم

كانی ماسی 34 سم

ئامێدی 22 سم

سەفین 20 سم

بامەڕنێ 17 سم

ناحیەی هێرۆ 15 سم

چامانكێ 15 سم

یاخسەمەر 12 سم

مانگیش 9.5 سم

سەرسەنگ 9 سم

دینارتە: 7 سم

باتوفە 7 سم

رواندز: 2 سم

دێرەلوك 2 سم