سەردێر

هۆشداری لە مەترسیداری رەوشی هەرێمی كوردستان دەدرێت

خەڵك

كۆمەڵێك حیزب پێكهاتوو لە حیزبەكانی رزگاری، بزووتنەوەی نوێبوونەوە، كڵپەی نیشتمانی، پارتی ناوەندی، رێكخراوی پێشەنگی گەلی كوردستان، هاوپەیمانی نیشتمانی و بەرەی گەل، ئەمڕۆ لە راگەیەندراوێكی هاوبەشدا هۆشدارییان دا لە رەوشی هەرێمی كوردستان.

ئەو حیزبانە رایدەگەیەنن هەرێمی كوردستان گیریخواردووە لە دووڕیانێكی مەترسیداردا، كەچی لەبری چارەسەركردن، بەهۆی ململانێی ناڕەوا و بەرژەوەندی تەسكی حیزباتیەوە بەرەو تونیڵی نادیار دەبرێت.

راشیدەگەیەنن رەوشی ئێستا پێویستی بە خوێندنەوەی وڵاتپارێزی و راستگۆیانە هەیە.

داوای نووسینەوەی دەستوور بۆ هەرێم دەكەن.

هاوكات خوازیارن كۆمسیۆنی هەڵبژاردنەكان هەڵبوەشێندرێنەوە و كەسانی پسپۆڕ و بێلایەن دابنرێن، یاسای هەڵبژاردنەكان و كەمینەكان هەمواربكرێتەوە.