سەردێر

سەرۆكایەتی زانكۆی هەڵەبجە روونكردنەوەیەك بڵاودەكاتەوە

خەڵك –
سەرۆكایەتی زانكۆی هەڵەبجە ڕایدەگەیەنێت ، لەبارەی ئاست ‌و ریزبەندی زانكۆكەیان لەسەر ئاستی جیهان ‌و عێراق لەكۆتا ڕیزبەندی جیهانی وێبۆمێتركس پلەی (68)ەمینی لەسەر ئاستی زانكۆكانی عێراقدا بەدەستهێناوە.

سەرۆكایەتی زانكۆی هەڵەبجە لە ڕوونكردنەوەیەكدا بڵاویكردەوە، لە كۆتا ڕیزبەندی جیهانی وێبۆمێتركس زانكۆی هەڵەبجە پلەی (68)ەمینی لەسەر ئاستی زانكۆكانی عێراقدا بەدەستهێناوە، بۆ ئەمساڵ رێژەیەكی زۆری لەسەر (Google Scholar Citation (GSC)) بووە، لەسەر ئەو بنەمایەش ڕیزبەندییەكە راگەیەنراوە، كە ستافی ئەكادیمی زانكۆی هەڵەبجە لە (208) ستافی ئەكادیمی پێكهاتووە، لەو ژمارەیەش‌ (43) ستافیان خاوەنی (GSC)ن، بەپێی ستانداردی ڕیزبەندییەكەش (20) بیست (GSC)ی سەرەتایان لابراوەو ئەژمارنەكراوە.

روونكردنەوەیەك لەسەرۆكایەتی زانكۆی هەڵەبجەوە

لەبارەی ئاست ‌و ریزبەندی زانكۆی هەڵەبجە لەسەر ئاستی جیهان‌و عێراق لە كۆتا ڕیزبەندی جیهانی وێبۆمێتركس، كە لەم هەفتەیەدا ڕاگەیەنراوە و زانكۆی هەڵەبجە پلەی (68)ەمینی لەسەر ئاستی زانكۆكانی عێراقدا بەدەستهێناوه، بە پێویستی دەزانین ئەم روونكردنەوە بۆ رای گشتی بخەینەڕوو.
ڕیزبەندی ئاماژەپێكراو بۆ ئەمساڵ رێژەیەكی زۆری لەسەر (Google Scholar Citation (GSC)) بووە، لەسەر ئەو بنەمایەش ڕیزبەندییەكە راگەیەنراوە، كە ستافی ئەكادیمی زانكۆی هەڵەبجە لە (208) ستافی ئەكادیمی پێكهاتووە، لەو ژمارەیەش‌ (43) ستافیان خاوەنی (GSC)ن، بەپێی ستانداردی ڕیزبەندییەكەش (20) بیست (GSC)ی سەرەتایان لابراوەو ئەژمارنەكراوە بەبێ رەچاوكردنی كۆی گشتی ژمارەی ستافی ئەكادیمی مامۆستایان بەمجۆرەش ئەو زانكۆیانەی ژمارەی مامۆستایان كەمە زەرەرمەندی یەكەم دەبن ، ‌ زۆربەی سایتەشنەكانی زانكۆ لەو (20) ستافەی سەرەتادایه و ژمارەی (GSC)كان پێكهاتووە لە (3995)‌ سایتەیشن و كەمترین سایتەیشنیشیان لە (23)ی كۆتایدایه، كه كۆی ژمارەی‌ سایتەیشنەكان بریتییە لە (173) سایتەیشن‌.
سەرەڕای ئەوەش زانكۆمان لەچاو ڕیزبەندی مانگی یەكی ساڵی ڕابردوو، كە لە ڕیزبەندی (70)یەمین دا بووە،‌ لەكۆی (113) زانكۆ لەزانكۆكانی عێراق زانكۆی هەڵەبجە (2) پلە هاتووەتە پێشەوه و بووە بە ڕیزبەندی (68)، لەكۆی (115) زانكۆ لەزانكۆكانی عێراق، كە دوو زانكۆ زیادبووە بۆ ڕیزبەندییەكە.
هەروەها لەسەر ئاستی جیهانییش لەمانگی یەكی ساڵی (2021) لە ڕیزبەندی ژمارە (22646)دا بووەو ئێستاش بۆ مانگی یەكی ساڵی (2022) لە ریزبەندی (16682)دایە، ئەمەش جێگای دڵخۆشییە، كە زانكۆی هەڵەبجە لەسەر ئاستی نێودەوڵەتی (5964) پلە هاتووەتە پێشەوه.
ئەو گۆڕانكارییانەشی لەم ساڵانەی دوایدا دروست بووە بە بەراورد بەساڵانی پێشووتر گۆڕانكاری گەورەن لە ریزبەندییەكاندا، ئەوەش دوای دەستبەكاربوونی سەرۆكی نوێی زانكۆ (پرۆفیسۆر دكتۆر مەهاباد كامیل)‌و چالاككردنی بەرێوەبەرایەتی‌و بەشەكانی دڵنیایی جۆری، بەشێوەیەك ساڵانی پێشوو بەتایبەت لەسالی (2019)َ زانكۆی هەڵەبجە ریزبەندی جیهانی دابەزیوە، بۆ پلەی (28167)، هەروەها لەرانكینی عێراقیدا دابەزیوە بۆ ریزبەندی (94) ، بەڵام بۆ ساڵی (2021) ئاستی زانكۆی هەڵەبجە لە ریزبەندی جیهاندا بەرزبووەتەوە، بەجۆرێك (5521) پلە هاتووەتە پێشەوەو بووە بە ریزبەندی (22646)و لەسەر ئاستی عێراقیش (24) پلە هاتووەتە پێشەوەو ریزبەندییەكەی بووە بە (70).
لە كۆتاییدا دەلێین ئەمە پرۆسەیەكی تەواو زانستییە ، هەر كەس و لایەنێك پێویستی بە زانیارییە دەتوانن پەیوەندیمان پێكەوە بكات..

ئەنجومەنی زانكۆی هەڵەبجە
٢٠٢٢/١/٢٧

No description available.No description available.No description available.





هەلبژاردە

گرنگترینەکان