سەردێر

27 بازرگانی مادەی هۆشبەر كوژران

خەڵك

فەرماندەیی گشتی هێزە چەكدارەكانی ئوردن ئەمڕۆ پێنج شەممە ئاشكرایكرد كە 27 قاچاخچی مادەی هۆشبەر لەسەر سنووری سووریا كوژراون كە بڕێكی زۆری مادەی هۆشبەریان پێبووە.

سووپای ئوردن لە راگەیەندراوێكدا بڵاویكردەوە، بەپێی جێبەجێكردنی فەرمانی سەرۆكی دەستەی ئەركانی سووپا ئۆپەراسیۆنێك كراوە بەهەماهەنگی لەگەڵ دەزگای ئەمنی لەناوچەی خۆرهەڵاتی سەربازی بەیانی ئەمڕۆ پێنج شەممە رێیان گرت لە گواستنەوەی بڕێكی زۆری مادەی هۆشبەر لە سووریاوە بۆ ئوردن.

راشیگەیاند لە پێكدادانەكەدا 27 كەس كوژراون و ژمارەیەكی دیكەش بریندار بوون و هێندێكی دیكەش هەڵهاتونەوە بۆ نێو خاكی سووریا.