سەردێر

جەمیل هەورامی: پارتی فێڵی لە یەكێتی كرد

خەڵك

جەمیل هەورامی سەركردە لە یەكێتی نیشتمانی كوردستان دەڵێت: ئێمە ڕێككەوتنی ستراتیژیمان هەیە لە زەمانی ڕەوانشاد جەنابی مام جەلال و كاك مەسعود، هەردووكیان واژۆیانكردووە تا ئێستا ئەو ڕێككەوتنە ستراتیژییە نە پارتی هەڵیوەشاندۆتەوە بە بڕیار نە ئێمەش هەڵمانوەشاندۆتەوە، بەڵام هەندێك بەندی تێدایە بە كەڵكی ئێستا نایەت.

جەمیل هەورامی رایگەیاند “ئێمە تا ئێستا پابەند بووین و هەرگیز داوای سەرۆكی هەرێمان نەكردووە و داوای سەرۆكی حكومەتیشمان نەكردووە، چونكە پارتی زۆرینە بووە، بەڵام بەپێی ڕێككەوتنە ستراتیژیەكە دەبێت سەرۆك كۆماری عێراق بۆ یەكێتی نیشتمانی كوردستان بێت و سەرۆكی هەرێمیش پارتی بێت ، هەتا ئەگەر پارتی دەنگی كەمیش بهێنێت بەپێی ئەو ڕێككەوتنە سەرۆكی هەرێم دەبێت پارتی بێت”.

هەورامی دەڵێت: پارتی فێڵی لە یەكێتی كرد بەوەی چوو لەگەڵ ( حەلبوسی و لەگەڵ سەدر ) و ئەوانە ڕێككەوتنی كرد بە حساب فراكسیۆنی زۆرینەن لە پەرلەمانی عێراق و هەموو شتێكیان بۆ دەچێتەسەر.