سەردێر

گرتوخانەی گوێران لە حەسەكە كۆنترۆڵكرا

خەڵك-

هێزەكانی سوریای دیموكرات (هەسەدە) كۆنتڕۆڵكردنەوەی تەواوەتی گرتووخانەی غوێران لە حەسەكە ڕادەگەیەنن.

ئەمڕۆ چوارشەممە فەرهاد شامی، بەڕێوەبەری ناوەندی راگەیاندنی هێزەكانی سوریای دیموكرات (ھەسەدە) ڕایگەیاند “تەواوی گرتووخانەی غوێران كۆنتڕۆڵكرا سەرجەم چەكدارە تیرۆریستەكانی داعش، خۆیان ڕادەستی (هەسەدە) كرد”، ئەمەش لەكاتێكدایە كە وابڕیارە بەمنزیكانە (هەسەدە) وردەكاری رووبەڕووبوونەوەكان و و ژمارەی شەهید و بریندارەكانی لەكانی شەڕی كۆنتڕۆڵكردنی گرتوخانەی غوێران ڕابگەیەنێت.

پێنج شەممەی ڕابردوو، ژمارەیەك چەكداری داعش كە لە دێرلزورەوە هاتبوون،ئۆتۆمبێلێكیان لە نزیك دەروازەی گرتووخانەی غوێران لە ناوەندی شاری حەسەكە تەقاندەوە، دواتر یاخیبوون لەنێو گرتووخانەكەدا دەستیپێكرد، بەڵام دواتر هێزەكانی سوریای دیموكرات و ئاسایشی حەسەكە، توانییان سەدان زیندانی دەستگیربكەنەوە.

گرتوخانەی گوێران یان (سەناعە) نزیكەی 3 هەزار و 500 زیندانی لەخۆدەگرێت و بەگەورەترین گرتوخانە بۆ دیلەكانی داعش لە جیهاندا دادەنرێت.