سەردێر

بزووتنەوەی ئیسلامی كات و شوێنی كۆنگرەی دیاریكرد

خەڵك-
ئەنجوومەنی شورای بزووتنەوەی ئیسلامی كوردستان بڕیاریدا لە 5ی مانگی داهاتوو لە شاری هەولێر كۆنگرەی 12ی خۆی ببەستێت.

مەكتەبی ڕابەری گشتی بزووتنەوەی ئیسلامی لە ڕاگەیەنراوێكدا بڵاویكردەوە، ئەمڕۆ چوار شەممە بەرواری 2022/1/26 ئەنجوومەنی شورای بزووتنەوەی ئیسلامی بەسەرپەرشتـــی مامۆستا عیرفان عەلی عەبدولعەزیز، ڕابەری گشتی بزووتنەوەی ئیسلامی لەشاری سلێمانی كۆبووەوە.

ئاشكراشی كردووە، ئەنجوومەنی شورا دوا بڕیار و ڕاسپاردەكانی تاوتوێ كرد لەگەڵ لیژنەی باڵای ئامادەكاری كۆنگرە و ئامادەكارییەكانی گرێدانی كۆنگرەی 12، كە بڕیار وایە لەڕۆژی 2022/2/5 لەشاری هەولێر ئەنجام بدرێت.

ڕوونیشی كردۆتەوە، “لیژنەی باڵای ئامادەكاری كۆنگرە تەواوی كارە هونەری و یاساییەكانیان تەواو كردوە پشتیوان بەخوا و هەیمەت و دەستوو بازو و دڵسۆزی ئەندامانی كۆنگرەی 12و پشتیوانی سەرجەم ئەندام و لایەنگرانی بزووتنەوەی ئیسلامی كۆنگرەیەكی سەركەوتوو ئەنجام دەدەین و ئەم كۆنگرەیە دەكەینە بنەمای بەخۆداچوونەوە و پلان و ستراتیژێكی تازە لەكار و خەبات و پڕۆژەی ئیسلامیانەی باسك لەكوردستان و ناوچـەكە”.