سەردێر

لەسەر كەم كردنەوەی كارەبای پێوەری زیرەك ڕوونكردنەوە دەدرێت

خەڵك-
بەڕێوەبەرایەتی دابەشكردنی كارەبای سۆران ئاشكرای دەكاتن كە كارەبای پێوەری زیرەك بۆ ٣٠ ئەمپێر كەم كراوەتەوە و جەختیشدەكاتەوە، كە تا كۆتایی مانگی داهاتوو بەردەوام دەبێت.

بەڕێوەبەرایەتی دابەشكردنی كارەبای سۆران لە ڕاگەیەنراوێكدا ئاماژەی بەوەكردووە، بەهۆی شەپۆلی نوێی سەرما و سۆڵەوە، خواست لەسەر كارەبا بۆ 7000 مێگاوات بەرزبۆتەوە و توانای بەرهەمهێنانیش 3500 مێگاواتە، بۆیە ‎لە پێناو زیادكردنی ماوەكانی پێدانی كارەبا و كەمكردنەوەی پچڕانی كارەبا بڕیار دراوە بە ڕاگرتن و كەمكردنەوەی كارەبای كۆمپانیا گەورەكانی كوردستان و پێدانی بە هاووڵاتییان و سنوورداركردنی پێوەری زیرەكی (سنگل فەیز بۆ 30) ئەمپێر و (سێ فەیز بۆ 60) ئەمپێر تا كۆتایی مانگی شوبات.

ڕاشیگەیاندووە، ئەم بڕیارە گشت شوێنەكان دەگرێتەوە بەبێ جیاوازی تەنها ئیدارەی سۆران نیە.

ئاماژەی بەوەشكردووە، داوا لەهاووڵاتیان دەكەین لەكاتی داكەوتنی پێوەری زیرەك دوای چەند چركەیەك خۆی دەگەڕێتەوە لەكاتی نەگەڕاندنەوەی دوای چەند خولەكێك پەیوەندی بە سەنتەرەوە بكەن بە ژمارەكانی (07509002013 یان 07509002014) و لەكاتی پەیوەندی ژمارەی بۆكسی سەرستون یاخود ژمارەی ئەژماری سەر پسولە بدەن بە سەنتەر بۆ ئەوەی زۆر مشغول نەبن.

ئەو فەرمانگەیەی كارەبا داواشی لە هاووڵاتیان كردووە، كەل و پەلەكانی كارەبای شیوەی سنوردار كار پێ بكەن بۆ ئەوەی كارەبای مالەكەتان دانەكەوێت لە پێوەری زیرەكەوە.