سەردێر

عیراقییەكان لەماوەی 6 مانگدا 39 هەزار ئۆتۆمبێلیان كڕیوە

خەڵك-
كۆمپانیای Focus2Moveی پسپۆڕ لە خستنەڕووی زانیارییەكانی تایبەت بە ئۆتۆمبێلەكان دەڵێت، عیراق لەنێوان وڵاتە عەرەبییەكاندا زۆرترین گەشەی بەخۆوەبینیوە لەڕووی فرۆشتنی ئۆتۆمبێل بەڕێژەی 50% لەماوەی شەش مانگی ساڵی 2021.

كۆمپانیاكە لە ڕاپۆرتێیكیدا ڕایگەیاندووە”بازاڕی ئۆتۆمبێل لە عیراق بەردەوامبووە لە فرۆشتنی ئۆتۆمبێلەكان و تا مانگی ئەیلولی 2021 ئاستی فرۆشتن ڕووی بەرزبوونەوە كردووە و بەڕێژەی 17.6%، بەراورد بە ماوەی بڵاوبوونەوەی پەتاكە بەرزبوونەوەی بەخۆوەبینیوە”.

هەروەها كۆمپانیاكە دەڵێت”زیاتر لە 7.766 ئۆتۆمبێل تەنیا لە مانگی ئەیلولدا فرۆشراون، ئەمەش فرۆشتی لە ساڵی 2021دا تا مانگی ئەیلولی ئەو ساڵە بۆ 63.926 ئۆتۆمبێل بەرزكردۆتەوە و بەڕێژەی 50% بەراورد بە ساڵی 2020 بەرزبۆتەوە”.

كۆمپانیای Focus2Moveپێیوایە”بازاڕی عیراق لە ساڵی 2021 بەشێوەیەكی ئەرێنی دەستیپێكردووە، بەو پێیەی 18091 ئۆتۆمبێل تەنیا لە چارەكی یەكەمدا فرۆشراون كە بەڕێژەی 9.7% دابەزینی بەخۆوەبینیوە بەراورد بە چارەكی یەكەمی ساڵی 2020″.

بە وتەی كۆمپانیاكە”فرۆشتنەكان لە چارەكی دووەمدا بەشێوەیەكی گەورە ڕوویان لە گەشەكردن كرد و بەڕێژەی 155.8% بەرزبوونەوە، لەگەڵ فرۆشتنی 21195 ئۆتۆمبێل، ئەمەش لەكاتێكدایە كە لە چارەكی دووەمی ساڵی 2020 ئاستی فرۆشتنی ئۆتۆمبێل نزم بوو”.