سەردێر

بە بڕیاری وەزیر هەفتەیەك پشوو ڕاگەیەنرا

خەڵك –
بەڕێوەبەرایەتی گشتی چاودێری و گەشەپێدانی كۆمەڵایەتی لە پارێزگای سلێمانی ڕایدەگەیەنێت، بەمەبەستی سەلامەتی گیانی قوتابیان و منداڵان لە سەرجەم پەیمانگا و سەنتەرەكان و دایەنگە حكومی و ناحكومیەكان پشوو دەبێت تا ڕۆژی یەكشەممە ۳۰ـی ۱ـی ۲۰۲۲، دەشڵێت،”قەرەبوو كردنەوەی دایكان و باوكان بۆ ڕۆژانی پشووی دیاریكراو لەلایە دایەنگە ناحكومیەكان”.

بەڕێوەبەرایەتی گشتی چاودێری و گەشەپێدانی كۆمەڵایەتی لەپارێزگای سلێمانی لە ڕاگەیەنراوێكدا بڵاویكردەوە، تێیدا هاتووە، كە لە سەرجەم پەیمانگا و سەنتەرەكان و دایەنگە حكومی و ناحكومیەكان پشوو دەبێت تا ڕۆژی یەكشەممە ۳۰ـی ۱ـی ۲۰۲۲”.

لە ڕاگەیەنراوەكەدا هاتووە، لەتەواوی پەیمانگاو سەنتەرەكانی سەر بەبەڕێوەبەرایەتی گشتیمان پشوو دەبێت و ئەو هەڵسەنگاندن و تاقیكردنەوانەی وەرزی یەكەم كە ئەنجام نەدراون لە رۆژی دووشەممە ٣١ـی كانونی دووەمی /٢٠٢٢، دەست پێ دەكرێتەوە.

دەقی ڕاگەیەنراوەكە:
پاش وەرگرتنی ڕەزامەندی بەڕێز وەزیری كارو و كاروباری كۆمەڵایەتی بەمەبەستی پاراستنی سەلامەتی گیانی قوتابیان و سودمەندان و منداڵانی دایەنگەكان لە دابەزینی پلەكانی گەرما پاش هەڵسەنگاندنی ( وەزارەتی گواستنەوە وگەیاندن / بەڕێوەبەرایەتی گشتیی كەشناسی و بومەلەرزەزانی هەرێم، بریارماندا بە:-
۱ – لە سەرجەم دایەنگە ( حكومی – ناحكومی )یەكانی سنوری پارێزگای سلێمانی پشوو دەبێت تا رۆژی یەكشەممە ۳۰ـی كانونی دووەمی/۲۰۲۲ واتا رۆژی یەكشەممە پشوو دەبێت.
۲- قەرەبوو كردنەوەی دایكان و باوكان بۆ ڕۆژانی پشووی دیاریكراو لەلایە دایەنگە ناحكومیەكان.
٣- لەتەواوی پەیمانگاو سەنتەرەكانی سەر بە بەڕێوەبەرایەتی گشتیمان پشوو دەبێت.
٤- ئەو هەڵسەنگاندن و تاقیكردنەوانەی وەرزی یەكەم كە ئەنجام نەدراون لە رۆژی دووشەممە ٣١ـی كانونی دووەمی /٢٠٢٢، دەست پێ دەكرێتەوە .
بەڕێوەبەرایەتی گشتی چاودێری و گەشەپێدانی كۆمەڵایەتی لەپارێزگای سلێمانی
۲۳ـی كانوونی دووەمی/٢٠٢٢