سەردێر

وەزارەتی دارایی ژمارەیەك بڕیاری بۆ وەزارەتەكان دەركرد

خەڵك-
وەزارەتی دارایی هەرێم ژمارەیەك بڕیار بۆ وەزارەتەكان دەردەكات سەبارەت بە خەرجی و ڕاپەڕاندنی ئیش و كارەكان و هەروەها پاداشت و ئیفادكردن و جەختیشدەكاتەوە، كە تا یاسای بودجە پەسەند دەكرێت دەبێت پابەندی ئەم بڕیارانەبن.

وەزارەتی دارایی هەرێم لە گشتاندنێكدا بۆ وەزارەتەكان، كە ئەمڕۆ یەك شەممە 23-1-2022 دەریكردووە، ئاماژەی بەوەكردووە، تاوەكو پەسەند كردنی یاسای بودجەی هەرێم بۆ ساڵی 2022 دەبێت سەرجەم وەزارەت و فەرمانگەكان پابەندبن بە شێوازی خەرج كردن.

ڕاشیگەیاندووە، پێشینەی بەردەوامی فەرمانگەكان دوای ڕەزامەندی وەزارەت خەرج دەكرێن و كرێی ئاو و كارەبا و تەلەفۆن بەپێی وەسڵی ڕەسەن دەبێت و هەروەها پارەی خواردن و پاككردنەوە و خاوێنكردنەوەی شار و شارۆچكەكان و خواردنی بەندییەكان و كرێی ئۆتۆمبێل و خانوو بەدەر لە پێشینە خەرج دەكرێن.

هەر بەپێی گشتاندنەكە، “سەرجەم پاداشت و هاوكارییەكان ڕادەگیرێن جگە لە بەخشینی بەردەستی وەزیرەكان”.

جەختیشی كردۆتەوە، كە سەرجەم داهاتی ناوخۆیی و وەزارەتەكان بە داهاتی كۆتایی تۆمار دەكرێت بۆ سوودلێوەرگرتنی وەك نەختینە و ئەو وەزارەتانەی ڕەزامەندییان هەیە بۆ خەرج كردن لە بەشەداهاتی خۆیان دەبێت ساڵانە داوای نوێكردنەوەی بكەن.

No photo description available.No photo description available.No photo description available.