سەردێر

لە گرتووخانەكانی عێراق رێوشوێن گیردرانەبەر

خەڵك

لە بەغدا و ئەنبار و باكووری عێراق رێوشوێنی بەپەلە گیردرانە بەر بەتایبەت لە ئەو گرتووخانانەی تیرۆرستی داعش تێیدا زیندانیكراون.

بەپێی سەرچاوە ئاسایشییەكان ئەم رێوشوێنانە لە دوای هێرشی داعشە بۆ سەر گرتووخانەی حەسەكە لە رۆژئاوای كوردستان كە بۆ ماوەی چوار رۆژ شەڕ بەردەوامە.

سەرچاوە ئاسایشییەكان دەڵێن زانیاری هەواڵگری گەیشتووە كە لە عێراقیش پلانی داعش هەبووە بچنە سەر چەند گرتووخانەیەك بەتایبەت لە گرتووخانەی ئەبوو غرێب، كە پلانی شانە نووستووەكانی داعش هەیە بچنە سەر گرتووخانەكە.

لەلایەكی دیكەوە هێزەكانی سەرایە سەلامی سەر بەرەوتی سەدر بە فەرمانی رێبەری رەوتەكە كەوتنە حاڵی ئامادەباشی و هێز لەنێوەڕاستی بەغدا بڵاودەكەنەوە.