سەردێر

دەنگەكانی ئەردۆغان و هاوپەیمانەكەی زۆر دابەزین

خەڵك

بەپێی نوێترین راپرسی لە توركیا تا دێت ئەنجامی دەنگەكان و ئاستی جەماوەری رەجەب تەیب ئەردۆغان سەرۆكی توركیا دادەبەزن.

بەپێی نوێترین راپرسی لە توركیا دەنگەكانی ئەكەپە بۆ 27.3% دابەزیوە و پشتیوانی جەماوەری بۆی كەمیكردووە، هۆكاری سەرەكیش سەرهەڵدانی تەنگەژەی دارایی و ئابووری و هەڵاوسانە لە ئەم وڵاتەدا.

بەپێی هەمان راپرسی دەنگەكانی جەهەپە كە ئێستا پارتی سەرەكی ئۆپۆزسیۆن و ركابەری حیزبەكەی ئەردۆغان و سەرۆك شارەوانییەكانی ئیستەنبوڵ و ئەنقەرەی لایەدەنگەكانی بریتین لە: 25.6%.

ئی پارتی 10.1%یە.

هاوكات دەنگی هەدەپە 9.9 یە، بەڵام ئەم راپرسییە كەمترین ناوچەی كوردنشینی باكووری كوردستانی گرتووەتەوە، بۆیە ئەگەری هەیە رێژەی دەنگەكانی هەدەپە زیاتر بن.

مەهەپە كە حیزبی فەرمانڕەوا و هاوپەیمانی حیزبەكەی ئەردۆغانە، ئەویش دەنگەكانی زۆر دابەزیون، بوون بە 5.2% .

دێڤا (عەلی بابەجان) 5%

ئاییندە (ئەحمەد داود ئۆغلۆ) 1.3%

حیزبی سەعادەتی ئیسلامی 01%

بە رای شرۆڤەكاران بە ووردبوونەوە لە كۆی ئەنجامی ئەم راپرسیانە، هەڵبژاردنەكانی داهاتووی توركیا لە 2023 گۆڕانكاری گەورە لە توركیادا روو دەدەن، ئەمە لە حاڵێكدا ئەگەر هەڵبژاردنی پێشوەختە نەكرێت كە زۆر خواستی لەسەرە بۆ رزگاربوون لە تەنگەژەكانی ئێستا كە حیزبەكانی ئەكەپە و مەهەپە بە تۆمەتبار دەزانن.