سەردێر

سبەی لەم بەنزینخانانە نەوتی سپی ماڵان دابەش دەكرێت

خەڵك –
بەڕێوەبەرایەتی نەوت و كانزاكانی گەرمیان ڕایدەگەیەنێت، سبەی یەكشەممە، نەوتی سپی بەنرخی 90 هەزار دینار لە چەند بەنزینخانەیەكی سنوری كەلار و كفری و ناحیەكانی رزگاری و پێباز و سەرقەڵا دابەشدەكرێت.

بەڕێوەبەرایەتی نەوت و كانزاكانی گەرمیان لە ڕاگەیەنراوێكدا بڵاویكردوەتەوە، كە سبەی یەكشەممە 23ی1ی2022 نەوتی سپی لە بەنزیخانەكانی كەیوان، شێروانە، برایان لە سنوری قەزای كەلار دابەشدەكرێت و لە كفریش تەنها لەبەنزینخانەی میر دابەش دەكرێت.

ئاماژە بۆ ئەوەشكراوە، لە شارەدێی رزگاری لە بەنزینخانەی ئاسۆ و لە شارەدێی باوەنوور لەبەنزینخانەكانی باوەنوور و دیاری قولەبەرز، هاوكات لە سنوری شارەدێی سەرقەڵاش لە بەنزینخانەی سەرقەڵا دابەش دەكرێت.

ئەمە لەكاتێكدایە، لە سنوری ئیدارەی گەرمیان و بۆ هەر بەرمیلێك بە 90 هەزار دینارە و پێشتر تەنها 55 هەزار دینار لەبەرامبەر هەر بەرمیلێك لەهاووڵاتیان وەردەگیرا.





هەلبژاردە

گرنگترینەکان