خەڵك
لەسەرەتای ئەمساڵدا سلێمانی وەك زۆرێك لە شارو شارۆچكەكانی دیكەی هەرێمی كوردستان دوو شەپۆلی بەفر بارینی بەڕێكرد.
وێنەكان بە كامێرای، ناسیح عەلی خەیات، تۆمار كراون.
چەند دیمەنێكی جیاوازی بەفرەكەی سلێمانی
سەردێر
-
خەڵك- بڕیارە ئەمڕۆ هەردوو مەكتەبی سیاسیی یەكێتی نیشتمانی كوردستان و پارتی دیموكراتی كوردستان لە شاری هەولێر بە سەرپەرشتی جێگری سەرۆكی پارتی و هاوسەرۆكی یەكێتی كۆببنەوە. بەپێی زانیارییەكان، كۆبوونەوەكە ئەمڕۆ چوار شەممە بەڕێوەدەچێت و تێیدا گفتووگۆ لەسەر پێوەندییەكانی نێوان دوولایەن و بابەتەكانی سەرۆك كۆمار و هەڵبژاردنەكانی پەرلەمانی كوردستان و كەیسی غاز و نەوت و داهات و ئەو مەترسی و گوشارانەی لەسەر هەرێم هەن، دەكرێـت. كۆبوونەوەكە، دوای سەردانی سەرۆكی هەرێمی كوردستانە بۆ سلێمانی و كۆبوونەوەی لەگەڵ بەرپرسانی باڵای حیزبەكان لە سلێمانی. هاوكات بڕیارە سبەینێ نوێنەری نەتەوە یەكگرتووەكان لەگەڵ حیزبەكاندا كۆبێتەوە بۆ تاووتوێكردنی بابەتی هەڵبژاردنەكان. ئەم كۆبوونەوەی یەكێتی و پارتی دوای ماوەیەكی زۆر لە بوونی ناكۆكی توند و شەڕی مێدیایی دێت كە بانگەشە و هەڕەشەی دووئیدارەیی تێدا دەكرا.
-
خه‌ڵك یانه‌ى بایرن میونشنى پاڵه‌وانى ئه‌ڵمانیا گرێبەستی لەگەڵ یاریزان و ئەستێرەی هەڵبژاردەی مەغریبی نه‌سر مەزراوی ڕاگەیاند، بە گرێبەستێک کە بۆ ماوەی چوار ساڵ. گرێبەستی پاڵەوانی ئەڵمانیا لەگەڵ بەرگریکاره مه‌غریبیه‌كه لەسەر حیسابی یانەی بەرشەلۆنەی ئیسپانی بوو، کە هەوڵیدا سوود لە خزمەتگوزارییەکانی مه‌زراوی وەربگرێت. یاریزانە مەغریبییەکە لە لێدوانێکیدا به ماڵپەڕی یانەکەى راگه‌یاندووه : لە سەرەتای گفتوگۆکان لەگەڵ بایرن میونشن هەستم بە ئەرێنی کردووە، وە خۆشحاڵم کە چوومە یەکێک لە گەورەترین یانەکانی ئەوروپا، ساڵی داهاتوو هەڵبژاردنی ئەم یانەیە دەبێتە هۆی بەدەستهێنانی گەورەترین جامەکان”. مه‌زراوی لە وەرزى رابردوو 33 یاری لەگەڵ یانەی ئەیاکس ئەمستردام ئەنجامداوە و 5 گۆڵی تۆمارکردووە و 4 ئەسیستیشی کردووە، لەگەڵیدا دوو جار لە ساڵانی 2019 و 2021 نازناوی خولى هۆڵه‌ندى بەدەستهێناوە، هەروەها لە ساڵی 2019دا جامی سوپەری بەدەستهێناوە.
-
خەڵك بەپێی چوار نوسراو كە بەڕێوەبەرەیەتی تۆماری خانووبەرەی دووی سلێمانی، بڵاویكردووەتەوە، بەشێك لە زەوییەكانی ناو پرۆژەی چاڤی لاند، كە پرۆژەیەكی پشكدارییە، دەخرێنە زیادكردنی ئاشكرا و بەپێی نرخی خەمڵێندراو دەفرۆشرێن. بەپێی نوسراوەكان، كە ناوی (كوردۆ ئەفراسیاب) بەڕێوەبەری تۆماری خانووبەرەی دووی سلێمانی لەسەرە و لە پێگەی تایبەتی بەڕێوەبەرایەتییەكە لە فەیسبووك بڵاوكراوەتەوە، بانگەواز كراوە، كە؛ - بەڕێوەبەرایەتیمان لە كاتژمێر ١٢ی نیوەڕۆی رێكەوتی (٢٠٢٢/٠٥/٢٥) هەڵدەستێت بە فرۆشتنی هەموو موڵكی(١٣٩/٢٩٩) كەرتی (١ ملكندی و دباشان) بە زێدەگەریی ئاشكرا كە رەگەزەكەی زەوییە و رووبەرەكەی (٩ دۆنم) و (١٦ ئۆلك) و (٧٧) مەتر دووجایە و دەكەوێتە ناو پرۆژەی چاڤیلاندەوە و خەمڵێنراوە بە (٣٦) ملیار و (٢٦٥) ملیۆن و (٥٠٠) هەزار دینار. هەركەس ئارەزووی بەشداریكردنی لەو زێدەگەرییەدا هەیە با پێش كاتژمێر ١٢ی رێكەوتی ناوبراو سەردانی ژووری (٣٩)ی هۆبەی یاسا بكات و بڕی (٣) ملیار و (٦٢٦) ملیۆن و (٥٥٠) هەزار دینار وەك بارمتەی یاسایی بە (چەكی تأمیناتی بانكی) لەگەڵ خۆی بهێنێ تاكو بتوانێ بەشداری بكات لە زێدەگەرییەكەدا. راشیگەیاندووە، بەڕێوەبەرایەتیمان لە كاتژمێر ١٢ی نیوەڕۆی رێكەوتی (٢٠٢٢/٠٥/٢٥) هەڵدەستێت بە فرۆشتنی هەموو موڵكی (١٣٩/٣٠٠) كەرتی (١ ملكندی و دباشان) بە زێدەگەریی ئاشكرا كە رەگەزەكەی زەوییە و رووبەرەكەی (٢٦ دۆنم) و (٢٣ ئۆلك) و (١٥) مەتر دووجایە و دەكەوێتە ناو پرۆژەی چاڤیلاندەوە وە خەمڵێنراوە بە (٦٧) ملیار و (٣١٥) ملیۆن دینار. دەشڵێـت: بۆیە هەركەس ئارەزووی بەشداریكردنی لەو زێدەگەرییەدا هەیە با پێش كاتژمێر ١٢ی رێكەوتی ناوبراو سەردانی ژووری (٣٩)ی هۆبەی یاسا بكات و بڕی (٦) ملیار و (٧٣١) ملیۆن و (٥٠٠) هەزار دینار وەك بارمتەی یاسایی بە (چەكی تأمیناتی بانكی) لەگەڵ خۆی بهێنێ تاكو بتوانێ بەشداری بكات لە زێدەگەرییەكەدا. راشیگەیاند، بەڕێوەبەرایەتیمان لە كاتژمێر ١٢ی نیوەڕۆی رێكەوتی (٢٠٢٢/٠٥/٢٥) هەڵدەستێت بە فرۆشتنی هەموو موڵكی (١٣٩/٣١١) كەرتی (١ ملكندی و دباشان) بە زێدەگەریی ئاشكرا كە رەگەزەكەی زەوییە و رووبەرەكەی (٦دۆنم) و (٢٠ ئۆلك) و (٧) مەتر دووجایە و دەكەوێتە ناو پرۆژەی چاڤیلاندەوە وە خەمڵێنراوە بە (٢١) ملیار و (٢٥٨) ملیۆن و (٧٥٠) هەزار دینار. بۆیە هەركەس ئارەزووی بەشداریكردنی لەو زێدەگەرییەدا هەیە با پێش كاتژمێر ١٢ی رێكەوتی ناوبراو سەردانی ژووری (٣٩)ی هۆبەی یاسا بكات و بڕی (٢) ملیار و (١٢٥) ملیۆن و (٨٧٥) هەزار دینار وەك بارمتەی یاسایی بە (چەكی تأمیناتی بانكی) لەگەڵ خۆی بهێنێ تاكو بتوانێ بەشداری بكات لە زێدەگەرییەكەدا. -بەڕێوەبەرایەتیمان لە كاتژمێر ١٢ی نیوەڕۆی رێكەوتی (٢٠٢٢/٠٥/٢٥) هەڵدەستێت بە فرۆشتنی هەموو موڵكی (١٣٩/٢٩٨) كەرتی (١ ملكندی و دباشان) بە زێدەگەریی ئاشكرا كە رەگەزەكەی زەوییە و رووبەرەكەی (٨ دۆنم) و (٥ ئۆلك) و (٩٦) مەتر دووجایە و دەكەوێتە ناو پرۆژەی چاڤیلاندەوە وە خەمڵێنراوە بە (٣٠) ملیار و (٨٩٤) ملیۆن دینار. بۆیە هەركەس ئارەزووی بەشداریكردنی لەو زێدەگەرییەدا هەیە با پێش كاتژمێر ١٢ی رێكەوتی ناوبراو سەردانی ژووری (٣٩)ی هۆبەی یاسا بكات و بڕی (٣) ملیار و (٨٩) ملیۆن و (٤٠٠) هەزار دینار وەك بارمتەی یاسایی بە (چەكی تأمیناتی بانكی) لەگەڵ خۆی بهێنێ تاكو بتوانێ بەشداری بكات لە زێدەگەرییەكەدا. پێدەچێت فرۆشتنەوەی ئەو زەوییانەی چاڤی لاند پەیوەندیی بە نەدانەوەی قەرزی سەر كۆمپانیای نالیاوە هەبێت بە حكومەت. جێی باسە پێشتریش بەرامبەر نەدانەوەی هیچ بڕە پارەیەك لەو قەرزە كەڵەكەبووەی كە لەسەر پرۆژەی چاڤی لاند تۆماركراوە لە پارەی كارەبا، دوای چەند جارێك ئاگاداركردنەوەیان و ئامادەنەبوونیان بە پێدانی قەرزی كارەبا، بەڕێوەبەرایەتی كارەبای سلێمانی كارەبای نیشتیمانی لە پرۆژەكە بڕی. بەگوێرەی ئەو زانیارییانەی كە لە بەڕێوەبەرایەتی گشتی…
-
خەڵك- جەمیل بایك هاوسەرۆكی كەجەكە داوایكرد، كەس خۆی لە دەوری ئەردۆغان و باخچەلی كۆنەكاتەوە و هاوكاریی سیاسەتەكانیان نەكات. جەمیل بایك هاوسەرۆكی دەستەی بەڕێوەبەری كەجەكە بۆ كەناڵی ستێرك رایگەیاند"ئەوەی لەگەڵ ئەو سیاسەتە بڕوات شكست دەهێنێت. جا چ لە ناو كورداندا بێت، یان لە توركیا بێت، ئەوەی لەگەڵ ئەو دەسەڵاتدا بێت و یارمەتیی سیاسەتەكانی بدات تێكدەشكێت. تووشی شكستیكێ زۆر گەورە دەبن". جەمیل بایك رایگەیاند، دەوڵەتی تورك بۆ تۆڵەسەندنەوەی ئاڤاشین و زاپ لە ئیمراڵی "سزای دیسپلینی"ی سەپاندووە "پێویستە هەموو كەسێك لە دژی ئەم دۆخە تێكۆشانێكی بەهێز بكات". بایك ئاماژەی بەوەكرد، شەهیدانی زاپ شەهیدی هەمووانن و هەموو كەسێكن "دەبێت هەموو كەسێك خاوەنداری و پشتیوانیان لێ بكات. نابێت ئەو ئەركە بخەنە ئەستۆی پەكەكە و گەریلاكان و گەلی كورد. هەر خۆی گەریلا، پەكەكە و گەلی كورد هەر ئێستا ئەركی خۆیان جێبەجێ دەكەن، بەڵام دەبێت ئەوەش بزانرێت، كە چارەنووسیان بە پەكەكە و گەلی كوردەوە بەستراوەتەوە. ئەگەر پەكەكە و گەلی كورد زیانیان پێ بگات هەموو كەسێك زیانی پێدەگات. هیچ كەسێك ناتوانێت لە سەر خۆی بێت و خۆی بە پێوە رابگرێت. لەو كاتەدا فاشیزمی ئاكەپە و مەهەپە لە توركیا دەچەسپێت".
-
خەڵك- ناوەندی راگەیاندن و چاپەمەنی هەپەگە كوژرانی 19 سەربازی توركیای راگەیاند لە هەرێمەكانی ئاڤاشین و زاپ. ناوەندی راگەیاندن و چاپەمەنی هەپەگە لە راگەیەندراوێكدا رایگەیاند "هێزەكانمان لەدژی سووپای توركیا چالاكی كاریگەریان ئەنجامداوە، تیمەكانی گەڕۆك و هێزەكانمان لە سەنگەرەكاندا لە ٤٠مین رۆژی بەرخۆدانی مێژووییدا بە ورەیەكی بەرزەوە گورز لە سووپای توركیا دەدەن. سوپای توركیا كە ناتوانێت ئەنجام بەدەست بهێنێت، لە بێچارەیی خۆی ٢٣ جار چەكی كیمیایی، ٣١ جار بە فڕۆكە و بە دەیان جاریش بە ئۆبۆس هێرشی كردووەتە سەر هەرێمەكانی بەرخۆدان، بەڵام هیچ ئەنجامێكی بەدەست نەهێناوە". راشیگەیاند "لە چالاكییەكانی هێزەكانماندا، ١٩ سەرباز كوژران، ٤ سەربازی دیكە بریندار بوون".
-
خەڵك- چەكدارێكی تەمەن 18 ساڵ چووەتە سەر خوێندنگەیەكی سەرەتایی لە باشوری ڕۆژئاوای ویلایەتی تەكساس و لەوێ 26 خوێندكار و مامۆستای كوشتووە. ڕۆناڵدۆ گوتێرز، سیناتۆر لە ئەنجومەنی ویلایەتی تەكساس لە لێدوانێكیدا بۆ كەناڵی CNN رایگەیاند سەرچاوەیەك لە پۆلیسی ویلایەتەكەی پێـی وتووە ژمارەی كوژراوەكان گەیشتووەتە 18 خوێندكاری منداڵ. پێشتر فەرمانڕەوای ویلایەتی تەكساس گرێگ ئابۆت بە ڕۆژنامەنووسانی راگەیاند چەكدارەكە ناوی سالڤادۆر ڕامۆس (تەمەن 18 ساڵ) بووە و دواتر بە دەستی پۆلیس كوژراوە. 2 ئەفسەریش برینداربوون، بەڵام برینەكانیان سەخت نین. بەرپرسان دەڵێن چەكدارەكە بە تەنها ئەو كارەی كردووە. وتیشی "باوەڕ وایە چەكدارەكە بە دەمانچەیەكەوە چووەتە ناو خوێندنگەی سەرەتایی ڕۆبەوە لە یوڤاڵدی، ڕەنگە چەكێكی گەورەشی پێبووبێت، بەڵام بەپێی نوێترین ڕاپۆرت كە بەدەستم گەیشتووە هێشتا ئەوە پشتڕاست نەكراوەتەوە."
-
خەڵك- دابەشكردنی مووچەی فەرمانبەرانی هەرێم بۆ مانگی چوار بەردەوامە و ئەمڕۆ و سبەینێ مووچەی سێ وەزارەت دابەشدەكرێت، هەتا كۆتایی ئەم مانگە تەواوی فەرمانبەران مووچە وەردەگرن. بەپێی ئەو لیستەی وەزارەتی دارایی و ئابووری حكومەتی هەرێم بلاویكردووەتەوە، ئەمڕۆ چوارشەممە 25-5-2022 مووچەی وەزارەتەكانی خوێندنی باڵا و توێژینەوەی زانستی،كارەبا دابەشدەكرێت. هەر بەپێی لیستەكە، بڕیارە سبەینێ پێنجشەممە 26-5-2022 مووچەی وەزارەتی شارەوانی و گەشتو گوزار و سەرۆكایەتی هەرێم و ئەنجومەنی وەزیران و سەرۆكایەتی پەرلەمان دابەشبكرێت. بەپێی ئەو لیستەی وەزارەتەكە بڵاویكردووەتەوە هەتا كۆتایی ئەم مانگە دابەشكردنی مووچەی فەرمانبەرانی هەرێم كۆتایی دێت.
-
خەڵک- پۆلیسی هەڵەبجە دەستگیرکردنی دوو تۆمەتباری راگەیاند، کە لە ناوبازاڕی هەڵەبجە بە هەڕەمەکی تەقەیان کردبوو. موقەدەم بەرزان عوسمان، وتەبیژی پۆلیسی هەڵەبجە لە لیدوانێکدا بە (خەڵک)ی راگەیاند، کاتژمێر ٧:٣٠ خولەکی ئەمشەو دوو تومەتباریان بەناوەکانی (.ه ت ا تەمەن 23) ساڵ پیشە دوکاندار دانیشتوی هەڵەبجە مەرزەبۆتۆ، (و ج ا تەمەن 22) ساڵ پیشە کاسب دانیشتوی هەڵەبجە مامۆستایان، هەستابون بەتەقەکردنی هەڕەمەکی بەچەکی جۆری کڵاشنکۆف لە ناوبازاڕی هەڵەبجە دەستگیرکردووە. وتیشی، هەروەها دەستگیرا بەسەر چەکی جۆری کڵاشنکۆف و ماتۆڕسکیلەکەدا کە تاوانەکەیان پێ ئەنجام دابوو، بەبڕیاری دادوەری لێکۆڵینەوەش تۆمەتباران بەندکران.
-
خەڵک- بەڕێوەبەری گشتی شارەوانییەکانی سلێمانی ژمارەیەک فەرمانبەر سزادەدات بەهۆی بایکۆتکردنی دەوام و نەچوونە سەرکارەکانیان لەو رۆژەدا. بە پیی فەرمانێکی وەزارەی کە رۆژی ١٩-٥-٢٠٢٢ دەرچووە و واژۆی کەمال مستەفا سەعید، بەڕێوەبەری گشتی شارەوانییەکانی سلێمانی لەسەرە تێیدا هاتووە، پاڵپشت بەو دەسەڵاتەی پێمان دراوە بڕیارماندا بە غیاب دانی ژمارەیەک فەرمانبەری بەرێوەبەرایەتییەکەیان بۆ ماوەی یەک رۆژ لە رۆژی ١٢-٥-٢٠٢٢، لەبەر نەهاتنە سەرکاریان بە بێ هۆ. بە گوێرەی زانیارییەکانی خەڵک دەوامنەکردنی ئەو فەمانبەرانە لەو رۆژەدا بەهۆی بایکۆتکردنی دەوامەوە بووە لەبەرئەوەی مووچەیان وەرنەگرتووە.
-
خەڵک- وەزارەتی کشتوکاڵ و سەرچاوەکانی ئاو بڕیاری نوێی لە بارەی وەرگرتنی گەنمی جوتیاران دەرکرد و رایگەیاند، بەبڕی 880 هەزار دینار گەنمی بنەتۆ، لە جووتیاران وەردەگیرێتەوە و هەروەها بەرهەمی ساوار بە بڕی 850 هەزار دینار بەهەمان نرخی گەنمی نمرە یەک دەدرێتە جووتیاران. وەزارەتی کشتوکاڵ و سەرچاوەکانی ئاوی حکومەتی هەرێمی کوردستان راگەیەندراوێکی بڵاوکردووەتەوە و دەڵێت:" لە چوارچێوەی پڕۆژەی نیشتیمانی بەبازاڕکردنی گەنمی جوتیاران و بەپێی ئەو گرێبەستەی کە ئەنجامدراوە لە نێوان وەزارەتی کشتوکاڵ و سەرچاوەکانی ئاو و کۆمپانیاکانی کەرتی تایبەت ( خۆشناو و قەیوان )دوابەدوای ڕەچاوکردنی دۆخی ئاسایشی خۆراک و بەرژەوەندی گشتی هاوڵاتیان و جوتیاران، لە ئێستادا کۆمپانیای(خۆشناو) ئامادەی دەربڕیوە بەهەمان میکانیزمی ڕاگەیەنراو کڕینەوەی بەرهەمی گەنمی ئەمساڵی جوتیارانی هەرێمی کوردستان وەربگرنەوە ، هاوتەریبی پلانی کڕینەوەی گەنم لە سایلۆکانی عێراق بەم شێوەیە : یەکەم / سەرجەم ئەو جوتیارە بەڕێزانەی کەبەرهەمی گەنمیان چاندووە بۆ مەبەستی دروستکردنی بەرهەمی ( ساوار )بە هەمان نرخی گەنمی نمرە یەک بڕی 850 هەزار دینار راستەوخۆ دەدرێت بە جوتیاران. دووەم /بۆ ئەمساڵ وەزارەت بڕیاریدا بەبڕی 880، هەزار دینار گەنمی بنەتۆ وەردەگرێتەوە لەلایەن هەردوو کۆمپانیای ناوبراو،بۆ ئەم مەبەستە جوتیاران دەتوانن بەو نرخەی دیاریکراوە گەنمی بنەتۆیان ڕادەستی سایلۆکانی پڕۆژەی بەبازاڕکردنی گەنمی جوتیاران بکەن. سێیەم / جوتیاران ئاگادار دەکەینەوە لە پاڵ چاندنی گەنم بۆ ئارد دەتوانن گەنمی (خشن ) بچێنن کە بەمەبەستی دروستکردنی ساوار بەکاردەهێندرێت ،لە بواری پیشەسازیدا ،کۆمپانیاکان ئەو گەنمە لە ئەمساڵەوە بۆ ساڵانی ئایندە وەردەگرنەوە.
