سەردێر

ئەمڕۆ بەنزینی عێراقی لەم بەنزینخانانە دابەش دەكرێت

خەڵك-
بەڕێوەبەرایەتی نەوت و كانزاكانی سلێمانی ئاشكرای دەكات، كە ئەمڕۆ شەممە لە 9 بەنزینخانەی سلێمانی (ناو شار و دەرەوەی شار) بەنزینی عێراقی بە 690 دینار بۆ لیترێك دابەش دەكرێت.

بەڕێوەبەرایەتی نەوت و كانزاكانی سلێمانی لە ڕاگەیەنراوێكدا ئاماژەی بەوەكردووە، لەبەرخراپی كەش و هەوا ڕۆژی هەینی ۲۱ـ۱ـ۲٠۲۲ كە بریار بوو بەنزینی عێراقی لە ناوشار بەردەست بێت نەتوانرا دابەش بكرێت، بۆیە داوای لێبوردن لەو هاووڵاتیانەش دەكەین، كە زەحمەتیان كێشاو سەردانی ویستگەكانیان كردوە، بەڵام بەنزین نەبووە.

ڕاشیگەیاندووە، بۆیە هەمان ئەو ویستگانەی ڕۆژی هەینی، ئەمڕۆ شەممە ۲۲ـ۱ـ۲٠۲۲ بەنزینی عێراقی دابەش دەكەن.

ئاماژەی بەوەشكردووە، ئەمڕۆ بەنزینی عێراقی لەم بەنزینخانانە بەردەست دەبێت، كە بریتین لە بەنزینخانەی (ئازادی، بەكرەجۆ، هەڵەبجە گرووپ، هەڵەبجە- تانجەرۆ).

ئاشكراشی كردووە، هەر ئەمڕۆ شەممە ۲۲ـ۱ـ۲٠۲۲ بەنزینی عێراقی لەدەرەوەی شار لە وێستگەكانی ( رێدین لە چەمچەماڵ، بامۆک لە دوکان، کێوەڕەش لە رانیە، باشوور لە قەڵادزێ) دابەش دەكرێت.